جەمئىيەتتە تارىلىپ يۈرگەن "چاچ پاسونىنى ئالماشتۇرسىڭىز كەيپىياتىڭىز ياخشىلىنىپ قالىدۇ" دىگەن پاراڭنى ھەممىز ئاڭلىغان. خەۋەرلەرگە ئاساسلانغاندا، يازنىڭ كىلىشىگە ئەگىشىپ، بىر توپ قويتۆگىلىرى غەلىتە چاچ پاسونلىرىنى قويۇۋالغان بولۇپ، ئارىدىكى بىر قويتۈگە شىرغا، يەنە بىرسى دىنوزاۋىرغا ئوخشاپ قالغان ئىدى.

    ئەنگىلىيەدىكى بىر دېھقانچىلىق مەيدانىنىڭ ئىگىسى خېلىن.سىمىس، ئۆزىنىڭ قويتۆگىسى باققانلىقىنىڭ ئون يىللىقىنى خاتىرىلەش ئۈچۈن، دىھقانچىلىق مەيدانىدىكى 30تال قويتۆگىسىگە يىڭى "چاچ پاسونى" ئالماشتۇرۇپ قويۇشنى قارار قىلغان.

    يۇڭى بەك ئۇزىراپ كەتسە قويتۈگىلىرىگە ئاۋاراچىلىق بولۇپ قېلىشىدىن ساقلىنىپ ئۈچۈن، سىمىس ھەر يىلى ئۇلارنىڭ يۇڭىنى قىرقىپ قوياتتى. بىراق، ئۇ بۇ يىل، ئالدىنقى يىللاردىكىگە ئوخشىمايدىغان قىلىپ قىرقىپ قويۇشنى قارار قىلدى.

    سىمىس ياخشى ئويلىنىۋالغاندىن كىيىن، كەسپى قوي يۇڭى قىرقىش ئۇستىلىرى ئۇنىڭ خىياللىرىنى ئەمەلگە ئاشۇردى؛ ھەر بىر قويتۆگىلىرى، ئۆزگىچە بىر خىل ئۇسلۇپقا ئىگە قىلىندى.

    سىمىس، قويتۆگىسىنىڭ ئالاھىدىلىكى ۋە رەڭگىگە ئاساسەن، ئوخشاش بولمىغان لايىھەلەرنى تۈزگەن ھەمدە ئۇنى رەسىملىك شەكىلدە ئىپادىلەپ چىققان.

    ئۇنىڭ ئويلاپ باقمىغىنى، بۇ قويتۆگىلىرىنىڭ "چاچ ياساش" جەريانىدا ئىنتايىن ھۇزۇرلۇق ھىس قىلىشى ئىدى.