مۇھەببەت ئەسلىدىنلا سۆزلەپ چۈشەندۈرگىلى بولمايدىغان بىر خىل تۇيغۇ بولسىمۇ، ئەمما ئۇنى ھىس قىلىپ يەتكىلى ۋە كۆزىتىپ بىلگىلى بولىدۇ. بەزىبىر ئىشلارنى ئەرخوتۇنلار قانچە كۆپ قىلغانسىرى، ئۇلارنىڭ مۇھەببىتىنىڭ شۇنچە چوڭقۇر ئىكەنلىكىنى چۈشەندۈرىدۇ؛ ئەكسىچە، بەزىبىر ئىشلار بارغانسىرى ئازلاپ كەتسە، مۇھەببەتنىڭ بارغانسىرى سۇسلىشىپ كەتكەنلىكىنى بىلدۈرىدۇ. تويلىشىش مۇھەببەتلىشىشكە ئوخشاش، مۇناسىۋەتنى مۇھەببەت ئارقىلىق توختىماي مۇستەھكەملەپ تۇرۇش لازىم بولىدىغان بولۇپ، ئەگەر مۇھەببەت سۇسلاپ كەتسە ياكى قالمىسا، ئۇنداقتا ئەر-خوتۇنلۇق مۇناسىۋىتى ئاياغلىشىشقا يېقىنلىشىپ قالىدۇ.

ئوتتۇرلۇقتا پىكىر ئالماشتۇرۇش قالماي، قارشى تەرەپنىڭ گەپلىرى خوشياقمايدىغان بولۇپ قالسا
    بۇنداق ئەر-خوتۇنلار يەنىلا بىر ئۆيدە ياشاۋاتقان بولسىمۇ، ئەمما ئۇلار ئوتتۇرسىدىكى پىكىرلىشىش كۆپلىكتىن ئازلىققا، ئازلىقتىن پۈتۈنلەي يوق بولۇشقا تەرەققى قىلغان بولۇپ، ئاخىرىدا ھەر ئىككى تەرەپنىڭ بىر-بىرىنى كۆرەگە كۆزى، سۆزلىرىنى ئاڭلايدىغانغا قولىقى قالمايدۇ؛ ھەتتا ئۇدۇلمۇ ئۇدۇل كىلىپ قالغان تەقدىردىمۇ كۆرمەسكە سېلىپ ئۆتۈپ كىتىدۇ. بۇنداق ئەھۋالدا، پىكىرلىشىشنىڭ ئاز قېلىشىغا ئەگىشىپ ئۇقۇشماسلىق كۆپىيىدىغان بولۇپ، ئۇلار ئوتتۇرسىدىكى مۇھەببەت مەنپى سانغا ئايلىنىپ قالغان ھەمدە مۇناسىۋىتىمۇ ئاخىرىقى نوقتىغا يېقىنلىشىپ قالغان بولىدۇ.

بىر-بىرىگە ئىتىبار بىرىپ كەتمەيدىغان بولۇپ قېلىش
    مۇھەببىتى چوڭقۇر ئەر-خوتۇنلار ھەر دائىم بىر-بىرىگە كۆڭۈل بۆلۈپلا تۇرىدۇ؛ ئىككى تەرەپ بىر-بىرىنىڭ كۈندىلىك ئىھتىياجىنى ئۆزىنىڭ ئىھتىياجىغا ئوخشاش بىلىپ، ئارىدىن بىر تەرەپتە ئازراقلا ئۆزگىرىش كۆرۈلسە، يەنە بىر تەرەپ شۇھامان بۇنى بايقاپ، دەرھال قارشى تەرەپكە كۆڭۈل بۆلىشىنى ۋە ھال سورىشىنى ئىپادىلەيدۇ. ئەگەر ئەر-خوتۇنلار ئارىسىدا مۇھەببەت قالمىغان بولسا، ئۇلار بىر ئۆي ئىچىدە ياشاۋاتقان ناتۇنۇش ئادەملەردەك بولۇپ قالىدۇ؛ مۇناسىۋىتى ياتلىشىپ، ئارىلىقىمۇ بارغانسىرى يېراقلىشىپ ماڭىدۇ.