بەلكىم ھازىرقى كىشىلەرنىڭ ئۇزۇقلۇق قوبۇل قىلىشى بىرقەدەر كۆپ بولۇپ قالغان بولسا كىرەك، سېمىز كىشىلەر بارغانسىرى كۆپىيىپ بارماقتا. جاھان خەلقىنىڭ نەزىرىدە، سېمىزلىك كۆرۈمسىزلىككە ۋەكىللىك قىلىدىغان بولۇپ، بەزىلەر سېمىزلىك سەۋەبىدىن ئۆزىنى كەمسىتىدىغان ئىچ مىجەز بولۇپ قالىدۇ. بىراق ئامىرىكىدا، كىشىلەرنىڭ بەدەن شەكلى ئومۇميۈزلۈك تولغان كىلىدىغان بولغاچقا، چوڭ نۇمۇرلۇق كىيىم مودىلى دىگەن بۇ كەسپ بارلىققا كەلگەن.

    ئامىرىكىلىق ئاشىلىي، بۇ خىل چوڭ نومۇرلۇق كىيىم مودىللىرىنىڭ ئارىسىدىكى بىرسى بولۇپ، ئۇنىڭ كەڭ كەلگەن مۈرىلىرى، 173سانتىمىتىرلىق بوي ئېگىزلىكى، ئۇنىڭ ئۆلچەملىك بەدەن شەكلىدىكى مودىللاردىن بولالماسلىقىنى بەلگىلىگەن؛ ئەلۋەتتە، ئۇنىڭ بەدەن ئېغىرلىقىمۇ بەك يىنىكمۇ ئەمەس. ئەمىلىيەتتە، ئاشىلىي كىچىكىدىن باشلاپلا سېمىز بولۇپ، بۇرۇندىن باشلاپ يىمەكلىككە ئامراق؛ بۇ سەۋەپلىك، ئۇرۇقلاش ئۇنىڭغا نىسبەتەن ئەڭ ئازاپلىق ئىشلارنىڭ بىرى ھىسابلىنىدۇ. بىراق، ئۇنىڭ يېشىنىڭ ئېشىشىغا ئەگىشىپ، ئۇنىڭ بەدەن ئېغىرلىقىمۇ تۈز سىزىق بويىچە ئېشىپ كەتكەن بولۇپ، ئىلگىرى بىر مەزگىل 160جىڭغا يىتىپ قالغان. بۇ ئەھۋال ئۇنى ناھايىتى بىئارام قىلغان بولۇپ، ئۇنىڭ روھى بەلگىلىك دەرىجىدە چۈشكىنلىشىپ كەتكەن. ئەمما ئۇ چوڭ نۇمۇرلۇق كىيىم مودىلى خىزمىتى بىلەن ئۇچراشقاندىن كىيىن، ئۇ ئۆزىنى قايتا تۇنۇپ، پاسسىپ كەيپىياتتىن تەدرىجى قۇتۇلۇپ چىقتى.

    چوڭ نومۇرلۇق كىيىم مودىلىنىڭ ئۆلچىمى ۋە قويىلىدىغان تەلەپ نىسبەتەن يۇقىرى بولۇپ، چوقۇم كىيىمنىڭ يارىشىملىق ئۈنۈمىنى گەۋدىلەندۈرەلىشى كىرەك، يول بويىدىكى يايمىدىن سېتىۋالغان كىيىمدەك كۆرسىتىپ قويۇشقا بولمايدۇ؛ شۇنىڭ ئۈچۈن، سېمىزرەك كەلگەن ئاياللارنىڭ ھەممىسىلا چوڭ نومۇرلۇق كىيىم مودىلى بولالايدىغان ئەمەس. لىكىن، ئاشىلىينىڭ بەدەن شەكلى نىسبەتەن تەكشى بولۇپ، بەدەن ئەگرى سىزىقلىرى كۈرۈنەرلىك، قاتلىنىپ قالغان ئارتۇق گۆشلەر كۆپ ئەمەس؛ شۇڭا ئۇ، چوڭ نومۇرلۇق كىيىم مودىللىرىنىڭ ئۆلچىمىگە تەبىئىلا ماس كەلگەن.

    ئۇ تۇرمۇش جەھەتتە، ھەرىكەتلىنىشنى قەتئى ياخشى كۆرمەيدىغان ئادەممۇ ئەمەس؛ ئۇ ئادەتتە ئەرمەك ئىت يىتىلەپ سەيلە قىلغاندىن باشقا، بەزىبىر ئاددى بولغان چېنىقىش ھەرىكەتلىرىنى ئىشلەيدۇ. چۈنكى ئۇ داۋاملىق سەمىرىپ كىتىشىدىن ئەنسىرگەچكە، مۇۋاپىق تۈردە ھەرىكەتلىنىپ ھازىرقى بەدەن شەكلىنى ساقلاپ قېلىشنى ئويلىغان.