پىياز تۇرۇمىشىمىزدا ئەڭ كۆپ ئۇچرايدىغان كۆكتاتلارنىڭ بىرى بولۇپ، تاماق ئىتىشنى بىلمەيدىغان ئادەملەرگىمۇ، پىياز ناتۇنۇش ئەمەس. بىراق مۇتەخەسسىسلەرنىڭ بىلدۈرۈشىچە، پىياز ئىستىمال قىلغاندا ئازراقمۇ دىققەت قىلماي خالىغانچە ئىستىمال قىلساق، بەزىبىر خاتا رايونلارغا كىرىپ قېلىپ، سالامەتلىكىمىزگە تەسىر يەتكۈزۈپ قويىشىمىز مۇمكىن ئىكەن.
پىياز ئىستىمال قىلغاندا دىققەت قىلىشقا تىگىشلىك ئىشلارنى سۆزلەشتىن ئاۋال،تۆۋەندە بىز پىيازنىڭ قانداق پايدىلىق تەرەپلىرى بارلىقىنى كۆرۈپ باقايلى.
ئىشتىھانى ئېچىش
پىيازنىڭ تەمى ئاچچىق بولسىمۇ، ئەمما بۇ خىل تەم ئەكسىچە ئادەمنىڭ ئىشتىھاسىنى ئاچىدۇ. مۇتەخەسسىسلەرنىڭ بىلدۈرۈشىچە، پىياز ئادەمنىڭ ئىشتىھاسىنى ئېچىش بىلەن بىرگە، ئۇ يەنە ئاشقازان ئۈچەينىڭ قىمىرلىشىنى ئىلگىرى سۈرۈپ، قەۋزىيەتنى ياخشىلايدىكەن.
ئۇيقۇنى ياخشىلاش
شۇنداق دىيىشىكە بولىدۇكى، ھەممە ئادەمنىڭ ئۆزىگە چۇشلۇق روھى بېسىملىرى بار. خىزمەتچىلەر خىزمىتى توغرىسىدا غەم يەيدۇ، ئوقۇغۇچىلار ئۆگىنىش نەتىجىسى توغرىسىدا غەم يەيدۇ؛ بۇ سەۋەپلىك، بەزىبىر نىرۋىسى نىسبەتەن سەزگۈر كەلگەن كىشىلەردە، ئۇخلىيالمايدىغان ئەھۋاللار كىلىپ چىقىدۇ. ئەمىلىيەتتە، بىز ئەگەر ئۇخلاشتىن بۇرۇن بىر ئىستاكان پىياز چىلانغان سۇ ئىچىپ بەرسەك، بىزنىڭ كەيپىياتىمىزنى ياخشىلاپ، ياخشى ئۇخلاشقا پايدىلىق بولىدۇ.
باكتىرىيە يوقىتىش
پىيازنىڭ باكتىرىيە يوقىتىش ئۈنۈمى ئىنتايىن ياخشى. شۇڭا ئادەتتە، پىياز چىلانغان سۇنى ھەمىشە ئىچىپ بەرسەك، بەدەندىكى كىسەللىك مىكروبلىرىنى يوقىتىپ، بەزىبىر كىسەللىكلەرگە گىرىپتار بولۇپ قېلىشىنىڭ ئالدىنى ئالغىلى بولىدۇ.
يۇقىرىدا پىيازنىڭ ئۈنۈملىرىنى سۆزلەپ بولدۇق. ئەمدى تۆۋەندە، پىياز ئىستىمال قىلغاندا دىققەت قىلىشقا تىگىشلىك ئىشلارنى كۆرۈپ باقايلى. مۇتەخەسسىسلەرنىڭ كۆرسىتىشىچە، ئەمىلىيەتتە تىرىسى سەزگۈر، ئاسان رىئاكسىيە پەيدا قىلىدىغان كىشىلەر، پىياز ئىستىمال قىلىشقا ماس كەلمەيدۇ؛ چۈنكى، پىياز ئەسلىدىنلا ئىنتايىن كۈچلۈك بولغان غىدىقلاش تەسىرىگە ئىگە بولغاچقا، پىيازنى زىيادە ئىستىمال قىلىۋەتكەندە، تىرىدە ئاسانلا قىزىرىپ ئىششىپ قېلىش، رىئاكسىيە قىلىش قاتارلىق ئالامەتلەر كۆرىلىدۇ. بۇندىن باشقا، پىيازدا قورۇما قورۇغان ۋاقىتتا، نۇرغۇن كىشىلەر ئۇنى لامنارىيە(خەيدەي) بىلەن ئارىلاشتۇرۇپ قورۇشنى ياخشى كۆرىدۇ؛ بىراق ئەمىلىيەتتە، بۇ ئىككى خىل كۆكتات تەركبىدىكى ماددىلار ئۆز-ئارا ئاسانلا رىئاكسىيەلىشىپ كىتىدىغان بولۇپ، بۇنداق ئەھۋالدا ئاسانلا تاش چۈشۈشنى پەيدا قىلىدۇ ھەمدە ئاشقازان ئۈچەينى غىدىقلاپ يامان تەسىر كۆرسىتىدۇ.
新公网安备 65010202000516号 
