يېقىندا، بىرازىلىيەدىكى داسىلۋا جەمەتى يىڭى بىر ھاياتلىقنى كۈتىۋىلىپ، ئۇنىڭغا ۋىنشۇس دەپ ئىسىم قويدى. دىققەت قىلىشقا ئەرزىيدىغىنى شۇكى، بۇ بوۋاق ئۇلارنىڭ جەمەت ئالاھىدىلىكىگە ۋارسلىق قىلغان—يەنى، ئالتە بارماقلىق تۇغۇلغان.

   غەلىتە شەكىللىنىپ قېلىش، مۇتلەق كۆپ قىسىم ئائىلىلەرگە نىسبەتەن قاباھەتلىك چۈش ھىسابلىنىدۇ. ئەمما داسىلۋا جەمەتىدىكىلەر، ئۆزلىرىنىڭ جەمەتتىن ئىرسىيەت قالغان ئالتە بارمىقىنى گۆھەردىن ئارتۇق بىلىدۇ. ھازىر بۇ جەمەتتە، 23نەپەر ئائىلە ئەزاسىنىڭ ئىچىدە 14ئادەم كۆپ بارماقلىق غەلىتە شەكىللىنىپ قېلىشقا گىرىپتار بولغان بولۇپ، ئۇلار قول ۋە پۇت بارماقلىرى ئادەتتىكى نورمال كىشىلەرنىڭكىگە قارىغان ئىككىسى ئارتۇق كىلىدۇ.

   نورمال ئەھۋال ئاستىدا، كۆپ قىسىم كۆپ بارماقلىق بىمارلار، ئۆزىنىڭ ئارتۇق شەكىللىنىپ قالغان بارمىقىنى ئىشلىتەلمەيدۇ؛ ئەمما داسىلۋا جەمەتىدىكىلەر، ئارتۇق بارمىقىنى نورمال ئىشلىتەلەيدۇ. بۇ سەۋەپلىك، بۇ خىل غەلىتە شەكىللىنىپ قېلىش ئۇلار ئۈچۈن توسۇققا ئايلانمايلا قالماي، ئەكسىچە بىر خىل بايلىق ھىسابلىنىدۇ. چۈنكى، ئۇلار ئارتۇق بارماقلىق ئالاھىدىلىكىدىن پايدىلىنىپ، مۇزىكا ۋە پۇتبول ساھەسىدە باشقىلار يىتىشەلمەيدىغان ئالاھىدىلىككە ئىگە بولالايدۇ. مەسىلەن، يىڭى تۇغۇلغان بوۋاقنىڭ ئاكىسى جوئاسسى، پۇتبول تەنھەركىتىدىكى ۋارتا ساقلىغۇچى؛ ئۇنىڭ دىيىشىچە، ئۇنىڭ ئالتە بارمىقى سەۋەبلىك، ئۇ توپنى تۇتقان ۋاقىتتىكى كۈچ چۈشۈش نوقتىسى باشقىلارغا قارىغاندا كۆپ بولىدىكەن، شۇڭا توپ ئۇنىڭ قولىدىن ئاسانلىقچە چىقىپ كەتمەيدىكەن.