توي تۇرمۇشىدا، بىر ئايال كىشىنىڭ تويلىشىپ ياتلىق بولىدىغىنى بىر ئەر كىشىلا ئەمەس، بەلكى پۈتكۈل بىر ئائىلىدۇر. توي قىلغاندىن كىيىن، يىڭى ئەر-خوتۇن ئىككىسى ئايرىم تۇرۇش ياكى قېيىنئانىسى بىلەن بىرگە تۇرۇش، ئادەتتە كۆپ ئۇچرايدىغان پاراڭ تېمىلىرىنىڭ بىرسى. بۇ ھەقتە، ئاز بولمىغان كىلىنلەر، قېيىنئانىسى بىلەن بىرگە تۇرۇشنى خالىمايدۇ؛ چۈنكى، قېيىنئانىنىڭ كىلىنىنى ئۆز قىزى ئورنىدا كۆرىشى تەس بولغاچقا، قېيىنئانىسى بىلەن بىرگە تۇرغاندا، بەزىبىر قولايسىزلىقلاردىن قۇتۇلغىلى بولمايدۇ. مىنىڭچىمۇ، ئەر-خوتۇن ئىككىسى ئايرىم تۇرسا تېخىمۇ بەخىتلىك بولىدۇ؛ قېيىنئانا بىلەن بىرگە تۇرسا، زىددىيەتلەردىن قۇتۇلۇپ بولالماي، بەخىت دەرىجىسىگە تەسىر يىتىدۇ.

تولا كوتۇلدايدىغان قېيىنئانىغا ئۇچراپ قالسا، كىلىننىڭ ئاسانلا كۆڭلى رەنجىپ قالىدۇ
    ئوخشىمايدىغان ئىككى ئايال كىشى بىر ئەر كىشى ئۈچۈن بىر يەرگە كەلگەن بولغاچقا، قېيىنئانا ۋە كىلىننىڭ چىقىشىپ ئۆتمىكى ھامان كۆڭۈلدىكىدەك بولالمايدۇ؛ ئەگەر ئوتتۇرلۇقتىكى مۇناسىۋەتنى ياخشى بىتەرەپ قىلالىسا، ئەلۋەتتە ياخشى، بىراق ياخشى بىتەرەپ قىلالمىسا ئاۋارىچىلىق ئاز بولمايدۇ. قېيىنئانىسى بىلەن بىرگە تۇرىدىغان ئايال كىشىنىڭ باش ئاغرىقى تېخىمۇ كۆپ بولۇپ، ھەر نىمە دىگەن بىلەن ئۆز ئانىسى بولمىغاچقا، قېيىنئانىنىڭ ھەمىشە كىلىنىگە شەرتسىز ھالدا كەڭ قوساق بولۇشى مۇمكىن بولمايدۇ.بۇندىن باشقا يەنە، كۈنلۈك ئۇچرىشىپ تۇرۇش جەريانىدا، قېيىنئانا بىلەن كىلىن ئوتتۇرسىدا زىددىيەت تۇغۇلۇشتىن ساقلانغىلى بولمايدۇ؛ ئۇنىڭ ئۈستىگە، ئادەم ياشقا چوڭۇپ قالغان گېپى جېقلاپ قالىدىغان بولغاچقا، ئەگەر قېيىنئانا توختىماي كوتۇلدايدىغان چىقىپ قالغاندا، بەزىدە ئادەمنىڭ كۆڭلى بىكاردىن بىكار رەنجىپ قالىدۇ.

تازىلىق جەھەتتە، قېيىنئانا بىلەن كىلىننىڭ بىر پىكىرگە كەلمىكى تەسكە توختايدۇ
    ھەممە ئادەمنىڭ ئۆزىگە خاس تۇرمۇش ئادىتى بار بولىدۇ؛ قېيىنئانا بىلەن كىلىننىڭ تۇرمۇش ئادەتلىرىنىڭمۇ ئوخشىشىپ كىتىشى ناتايىن. بۇ سەۋەپلىك، ئىككەيلەننىڭ تازىلىق ئادىتى قاتارلىق جەھەتلەردە پەرق بولۇشى ئىنىقلا گەپ. ئەگەر قېيىنئانا پاكىزلىقنى سۈيىدىغان بولسا ھەر ھالدا ياخشى بولغان بولىدۇ، كىلىن قېيىنئانىسىنىڭ رېتىمىغا ئەگىشىۋالسا بولىدۇ؛ بىراق ئەگەر، قېيىنئانا پاكىزلىققا دىققەت قىلمايدىغان بولۇپ قالسا، ئۇنداقتا كىلىننىڭ ئائىلىنىڭ بەختىنى ھىس قىلىپ يىتەلىشى تەسكە توختايدۇ. چۈنكى، ئۆزىمىزدىن چوڭ، ئەيىبلەپ تەربىيە ئىشلىگىلى بولمايدىغان ھەمدە تازىلىققا دىققەت قىلمايدىغان ئادەم بىلەن بىرگە ئۆتۈش، ئادەمنىڭ سەۋرچانلىقىنى ھەقىقى تۈردە سىنايدۇ.
ئەر-خوتۇن ئارىسىدىكى يېقىنچىلىق قىلىشتىمۇ ئارىلىق پەيدا بولۇپ قالىدۇ
    يىڭىدا توي قىلغان ئەر-خوتۇنلاردا، مۇھەببەتلەشكەن ۋاقتىدىكى قىزغىنلىقى تېخى ساقلىنىپ قالىدىغان بولغاچقا، يىڭى توي قىلغان مەزگىللىرىدە ئىككى كىشىلىك دۇنيا ئۆتكۈزۈشكە ئامراق كىلىدۇ. تېخى پەرزەنتلىك بولمىغان بۇ مەزگىلدە، ئەگەر قېيىنئانىسى بولمىسا، ئىككەيلەن خاتىرجەم ھالدا يېقىنچىلىق قىلىشالايدىغان بولۇپ، ئەر-خوتۇنلۇق مىھرىمۇ چوڭقۇرلىشىدۇ. بىراق ئەگەر قېيىنئانىسى بىلەن بىرگە تۇرسا، ئۇلارنىڭ ئىككى كىشىلىك دۇنياسى قۇرۇق كۆپۈككە ئايلىنىدۇ ھەمدە ئوتتۇرلۇقتا ئارىلىق پەيدا بولۇپ قالغاندەك ھىس قىلىپ قالىدۇ. ئەگەر تېخى، ئىش ئۇقمايدىغانراق قېيىنئانىغا ئۇچراپ قالغاندا، ھە دىسىلا ئىككەيلەننىڭ ياتاق ئۆيىگە ئۈسۈپ كىرىپ يۈرسە، ئەر-خوتۇن ئىككىسىنىڭ يېقىنچىلىق قىلىشىدىغان كۆڭلىمۇ قالمايدۇ.