ئىقتىسادنىڭ ئۆزلۈكسىز تەرەققى قىلىشىغا ئەگىشىپ، بارغانسىرى كۆپلىگەن ئاياللار گىرىم قىلىشقا ئامراق بولۇپ كەتتى؛ چۈنكى، گىرىم قىلىش، ئۇلارنىڭ ئۆزىگە بولغان ئىشەنچىسىنى ئاشۇرالايدۇ. ھازىرقى زامان ئاياللىرىنىڭ ئەڭ ئىتىبار بىرىدىغىنى لەۋ سۇرۇخ بولۇپ، لەۋ سۇرۇخى ئاياللارنىڭ يۈز رەڭگى-رويىنى تېخىمۇ ياخشى كۆرسىتىدۇ؛ بۇ سەۋەپلىك، كالپۇك، ئادەمنىڭ ئىككىنچى "يۈزى"گە ئايلىنىپ قېلىۋاتماقتا.

    يېقىندا، ئامىرىكىلىق بىر ياش لايىھەلەش ئۇستىسى چويات، ئالماسنى كالپۇكىغا چاپلايدىغان بىر خىيالنى ئويلاپ تاپقان بولۇپ، ئۇ ئالدى بىلەن توردا، ئۆزىنىڭ بۇ قارىشىنى قوللايدىغان ئادەم ئىزدىگەن. ھۆسىن تۈزەش ئۇستىسى مارىي بۇ خەۋەرنى كۆرگەندىن كىيىن، چوياتنىڭ بۇ يىڭى ئىجادىيىتىنى ناھايىتى قىزىقارلىق بىلىپ، بۇ خىل ئۇسلۇبنى سىناپ باقماقچى بولغان. مارىينىڭ قارىشىچە، بۇ خىل ياسىنىش ئۇسلۇبى ئەگەر نام قازىنىپ قالسا، ئۇنىڭ ھۆسىنى تۈزەش ئورنى بۇندىن كىيىن تېخىمۇ داڭلىنىپ كىتىدىكەن.

    چويات بىلەن مارىي ئىككىسى بىر پىكىرگە كەلگەندىن كىيىن، مودىل ئىزدەشنى باشلىغان؛ ئاخىرىدا، ئۇلار كالپۇك شەكلى كۈرۈمسىز بولغان بىر "مودىل"نى تاللىغان؛ چۈنكى بۇنداق بولغاندا، كۈچلۈك سېلىشتۇرما ھاسىل قىلىپ، ئۈنۈمى تېخىمۇ گەۋدىلىنىپ چىقىدىكەن. بۇ تۈرلۈك تەتقىقات، تەخمىنەن يېرىم يىل ئەتراپىدا داۋاملاشقان بولۇپ، چويات بىلەن مارىي ئىككىسى ئالماس چىقىرىپ، مودىلنىڭ كالپۇكىغا ھەقسىز چاپلاپ بەرگەن؛ ئۇلارنىڭ مودىلدىن تەلەپ قىلىدىغىنى بولسا، ئۇلارنىڭ بۇ ئەسىرىنى بىر ئۆمۈر ئېلىۋەتمەي ساقلاش ئىكەن.