خەۋەرلەرگە ئاساسلانغاندا، پاترىك.كۇئىن نەچچە ھەپتە ئىلگىرى، "بالىسىنىڭ بۇرنىدا نەچچە تال سۇلۇ پارچىسى تۇغۇزالايدىغانلىقىنى سىنايدىغان ئويۇن" ئوينىغان ھەمدە سۈرەت ئاپاراتى بىلەن جەرياننى خاتىرلەپ ئىجتىمائى ئالاقە تورىغا چىقارغان. شۇنىڭ بىلەن، بىر مەيدان "سۇلۇ پارچىسىغا جەڭ ئېلان قىلىش" ئويۇنى بەس-بەستە قانات يايدۇرۇلغان.

    پاترىكنىڭ سۆزلەپ بىرىشىچە، ئەينى ۋاقىتتا ئۇنىڭ ئۈچ ھەپتىلىك بولغان ئوغلى ماكىستون، ئۇنىڭ قۇچىقىدا ئۇخلاۋاتقان بولۇپ، ئوغلىنى ئويغىتىۋىتىشتىن ئەنسىرەپ، پاترىك كىرىسلو ئۈستىدە مىدىرلىيالماي ئولتۇرغان؛ بۇنداق ئەھۋالدا، ۋاقىتنى ئۆتكۈزۈش ئۈچۈن، پاترىك بالىسىنىڭ بۇرنىدا سۇلۇ پارچىسىنى تىزىپ تۇرغۇزۇپ ئوينىغان ھەمدە جەرياننى سۈرەتكە ئېلىپ تورغا چىقارغان.

     ئەسلىدە، پەقەت ۋاقىت ئۆتكۈزۈش ئۈچۈنلا بولغان بۇ ئويۇن ھازىر، باشقىلارنى بېسىپ چۈشۈشكە ئامراق كەلگەن دادىلارنىڭ ئۆز-ئارا بەسلىشىش ئۇسۇلىغا ئايلىنىپ قالغان.

    ئەگەر دادىلاردا ھەرگىز كەم بولمايدىغان نەرسە نىمە دىسە، ئۇنداقتا چوقۇم ئىجادچانلىق بولىدۇ؛ ئەگەر دادىلاردا كەم قالمايدىغان يەنە بىر نەرسىنى تېپىڭ دىسە، چوقۇم ئۇلارنىڭ باشقىلارنى بېسىپ چۈشۈشنى ئويلايدىغان پسىخىكىسى ئالدىن تاللىنىلىدۇ.

    بوۋاقنىڭ يۈزىگە سۇلۇ پارچىسىنى تىزىپ تۇرغۇزغان بۇ سۈرەت، توردا ئىنتايىن تىز سۈرئەتتە تارالدى ھەمدە كەڭ ئالقىشقا ئىرىشتى.  بارغانسىرى كۆپلىگەن تورداشلار، ئۆزىنىڭ "سۇلۇ پارچىسى رىقابىتىدە" ئىرىشكەن نەتىجىلىرىنى خاتىرلەپ تورغا چىقاردى.

    بۇلارنىڭ ئىچىدە بىر دادا، 20تال سۇلۇ پارچىسىنى تىزىپ تۇرغۇزغان. يەنە بىر دادا بولسا، يىڭىلىق يارىتىپ، ئەلئېھرام شەكلىدە قىلىپ  تىزغان.

    ھەممىدىن كۈلكىلىك بولغىنى، بەزىلەر ئويۇننىڭ قائىدىسىنى ئۆزگەرتىپ، بالسىنىڭ بېشىغا قاتلىما تىزىپ سىناپ باققان.