بىز ھەر بىرىمىز بىر يەككە تەن، ھەممىمىزنىڭ ئۆزىمىزنىڭ قاراشلىرى بار؛ بۇ سەۋەپلىك، بىز سەللا ئىھتىيات قىلماي قالساق، باشقىلارنى خاپا قىلىپ، ئۇلارغا يامان تەسىر يەتكۈزۈپ قويىشىمىز مۇمكىن. بۇنىڭ بىلەن بىر ۋاقىتتا، بىزمۇ تۇرمۇشتا ئاسانلا باشقا كىشىلەرنىڭ بىزار قىلىشىغا ئۇچرايمىز. تۆۋەندە كۆپچىلىكنىڭ دىققىتىگە، تۇرمۇشتىكى بەزىبىر ئادەمنى بىزار قىلىدىغان قىلمىشلارنى سۇندۇق؛ كۈندىلىك تۇرمۇشتا سىزمۇ بو نوقتىلارغا دىققەت قىلىڭ!
ئاپتۇماتىك لىفىتتا ئوتتۇرلۇقتا يول توسۇپ تۇرۋالىدىغان ئادەم
   بىز ئاپتوماتىك لىفىتقا ئولتۇرغان ۋاقتىمىزدا، ئەگەر ئالدىمىزدا بىر ئادەم ئوتتۇرلۇقتا تۇرۋىلىپ يولنى توسىۋالسا، بۇنىڭغا ئادەمنىڭ ئەقلى يەتمەيدۇ؛ بوشلۇق شۇنچە چوڭ تۇرسا، قارشى تەرەپ نىمە ئۈچۈن ئوتتۇرلۇقتىكى ئوروننى ئىگەللەپ تۇرۋالىدۇ؟ بۇ ئىنتايىن ئەخلاقسىز بولغان بىر قىلمىش بولۇپ، ئادەمنى ھەقىقەتەن بەك بىزار قىلىدۇ.

ئورۇندۇقتا ئولتۇرغاندا پۇتلىرىنى كېرىپ ئولتۇرۇش
    مەيلى ئايال كىشى بولسۇن ياكى ئەر كىشى بولسۇن، ئاممىۋى سورۇنلاردا باشقىلارغا دەخلى يەتكۈزمەسلىككە دىققەت قىلماق لازىم. بىراق، ئورۇندۇقتا ئولتۇرغاندا ئىككى پۇتىنى كېرىپ ئولتۇرىدىغان كىشىلەر، ئىككى يېنىدىكى ئادەمگە ناھايىتى بەك بىئاراملىق تۇيغۇسى ئېلىپ كىلىدۇ.

ئازاپلىنىپ يىغلىغان ۋاقىتتا كىيىمىنىڭ يىڭى بىلەن يېشىنى ۋە بۇرنىنى سۈرتۈش
   ھەرقانداق بىر ئەر كىشى، ئاياللارنىڭ ئازاپلىنىپ يىغلىغان ھالىتىنى كۆرگەن ۋاقىتتا، مۆلچەرلىگۈسىز دەرىجىدە ھىسداشلىقى قوزغىلىدۇ؛ بولۇپمۇ، چىرايلىق بىر ئايال كىشى ئالدىدا كۆز ياشلىرىنى تۆككەن ۋاقىتتا، ئەرلەر ئۇلارنىڭ ھەرقانداق بىر تەلىۋىنى ئورۇنلاشتىن باش تارتمايدۇ. ئەمما، بۇ ۋاقىتتا ئۇ ئايال كىشى ئۆزىنىڭ يىڭى بىلەن كۆز يېشىنى ۋە بۇرنىنىڭ ماڭقىسىنى سۈرتسە، ئۇنداقتا ئەر كىشنىڭ بارلىق گۈزەل خىياللىرى بىتچىت بولۇپ كىتىدۇ. بۇقىز خام يىگۈدەك چىرايلىق بولغان تەقدىردىمۇ، باشقىلارغا بىر خىل يىرگىنىش تۇيغۇسى ئېلىپ كىلىدۇ.

ئەخلەتنى دەرىزىدىنلا تاشلاش ياكى كىرىش ئېغىزىغا دۆۋىلەپ قويۇش
     ئەخلەتنى دەرىزىدىنلا سىرتقا قارىتىپ ئېتىش، ياكى ئەخلەتنى بىنانىڭ كىرىش ئېغىزىغا دۆۋىلەپ قويىدىغان قىلمىش، ئادەمنىڭ ئىنتايىن بىزار قىلىدىغان ھەمدە يىرگەندۈرىدىغان بىر قىلمىشتۇر.

چۈشكۈرگەن، ھۆتەلگەن ياكى ئەسنىگەن ۋاقىتتا قولى بىلەن ئېغىزىنى يۆگىۋالماسلىق
    ئەتراپىدا ئادەم بار ۋاقىتتا ياكى ئاممىۋى سورۇنلاردا، ئېغىزىنى ئىتىۋالماي ياكى ئۆزىنى قاچۇرماي تۇرۇپ چۈشكۈرسە ياكى ھۆتىلىپ ئەسنىسە، ئادەمنىڭ تۈكرۈكى باشقىلارغا چاچراپ كىتىش ئىھتىماللىقى بار بولۇپ، بۇ ئادەمنى بىزار قىلىدىغان ھەم باشقىلارغا كىسەللىك خەۋىپى ئېلىپ كىلىش ئىھتىماللىقى بولغان بىر خىل قىلمىشتۇر.

بۇرنىنى كوچىلاش
    ئادەم بار ۋاقىتتا ياكى ئاممىۋى سورۇنلاردا، تېخىمۇ يامان بولغان بىر ئىش، بۇرنىنى كوچىلاشتۇر. بۇرنىنى كوچىلاش قىلمىشى ئادەمنى قەتئى يىرگەندۈرىدىغان بىر خىل قىلمىشتۇر.

ئاممىۋى سورۇنلاردا يۇقىرى ئاۋازدا كۈلۈش ۋە ۋاراڭ-چۇرۇڭ قىلىش
    مەلۇم بىر خىل بەلگىلىك سورۇنلاردا، بىز قىزغىن كەيپىياتنى ياخشى كۆرىمىز؛ ئەمما مۇتلەق كۆپ قىسىم ئاممىۋى سورۇنلاردا، يۇقىرى ئاۋازدا كۈلۈش ۋە ۋاراڭ چۇرۇڭ قىلىش، ئەتراپتىكى كىشىلەرگە چوڭ بىئاراملىق ئېلىپ كىلىدۇ.