خەۋەرلەرگە ئاساسلانغاندا، ئۈچ ياشلىق ئوغۇل بۇرايىن.ئاندىرۇ چۈشىدە تۇيۇقسىز ئۆلۈپ كەتكەن بولۇپ، ئۇ ئۇخلاشتىن ئىلگىرى ئانىسىغا تىلفون قىلىپ، "خەيرىلىكەچ، سىزنى سۆيىمەن" دىگەن؛ بىراق ئويلىمىغان يەردىن، بۇ بىر جۈملە سۆز بۇرايىننىڭ بۇ دۇنيادىكى ئەڭ ئاخىرقى بىر جۈملە سۆزى بولۇپ قالغان. دوختۇرلارنىڭ دىئاگونوز قويىشىچە، كىچىك بۇرايىن بالىلار تۇيۇقسىز ئۆلۈپ كىتىش ئونۋىرساك كىسەللىكى سەۋەبىدىن ھاياتىدىن ئايرىلغان ئىكەن.

    بۇرايىن ئۆلۈپ كىتىشتىن ئىلگىرى تارقىلىشچان قولاق ئالدى بېزى ياللۇغى بولۇپ قالغان؛ بۇ كىسەلنىڭ بۇرايىننىڭ ئەمدى تۆت ئايلىق بولغان ئۇكىسىغا يۇقۇپ قېلىشىدىن ئەنسىرەپ، ئانىسى جاسمىن، بۇرايىننى بوۋىسىنىڭ ئۆيىدە بىر ھەپتە تۇرۇپ كىلىشكە ئاپىرىپ قويغان. ۋەقە يۈز بەرگەن كۈنى كەچتە، بۇرايىن ئادەتتىكىگە ئوخشاش، ئانسىغا تېلفون قىلىپ "خەيرىلىكەچ" دەپ خوشلاشقان؛ جاسىمن بولسا، بۇ قېتىملىق خوشلىشىشنىڭ ئانا-بالا ئىككىسىنىڭ ئەڭ ئاخىرىقى سۆزلىشىشى بولۇپ قالىدىغانلىقىنى ئويلاپمۇ باقمىغان.

    جاسمىننىڭ ئەسلىشىچە، بۇرايىن ئەينى كۈنى كەچتە ئۇنىڭغا تىلفون قىلغاندىن كىيىن بىرىنچى بولۇپ ئۆزىنىڭ ئازراق بىئارام بولۇۋاتقانلىقىنى ئېيتقان؛ جاسمىن بولسا ئۇ سەل ياخشىلانغاندىن كىيىن، ئۇنى قايتۇرۇپ ئەكىلىۋالىدىغانلىقىنى بىلدۈرگەن ھەمدە ئۆز-ئارا خوشلاشقاندىن كىيىن، بۇرايىن ئۇخلاش ئۈچۈن يېتىپ قالغان؛ ئەمما جاسمىننىڭ ئۇنى قايتۇرۇپ ئەكىلىۋىلىشى مەڭگۈ مۇمكىن بولمايدىغان ئىشقا ئايلىنىپ قالغان.

    ئىككىنچى كۈنى ئەتىگەندە، جاسمىن ئەر-خوتۇن تېخى ئورنىدىن تۇرماستا، بۇرايىننىڭ بوۋىسى كىلىپ ئىشىكنى قېقىپ ئۇلارنى ئويغاتقان ھەمدە يىغلىغىنىچە بۇرايىننىڭ ئالەمدىن ئۆتكەنلىكىنى ئېيتقان؛ بۇ خەۋەرنى ئاڭلىغاندىن كىيىن، جاسمىن چىقىرغىنىچە يېقىلىپ چۈشۈپ ھۇشىدىن كەتكەن. بۇرايىننىڭ بوۋىسىنىڭ دىيىشىچە، شۇ كۈنى ئەتىگەن بۇرايىننىڭ مومىسى، بۇرايىننىڭ ئادەتتىكىدەك ئەتىگەنلا ئورنىدىن تۇرۇپ كەتمىگەنلىكىنى بايقاپ، ئۇنىڭ ياتاق ئۆيىگە قاراپ بېقىش ئۈچۈن كەلگەندە، ئۇنىڭ ئاللىقاچان نەپەستىن قالغانلىقىنى بايقىغان؛ ئۇ ۋاقىتتا بوۋاي بىلەن موماي ئىككىسى كۈچىنىڭ يىتىشىچە جىددى قۇتقۇزۇش ئۇسۇلىنى قوللانغان بولىسمۇ، يەنىلا بۇرايىننى قۇتقۇزۇپ قالالمىغان.