بىلگىيەلىك بىر جۈپ ئاكا-سىڭىل مىچىل بىلەن ئامبىر ئىككىسى، بىر خىل ئىنتايىن ئاز ئۇچرايدىغان ئىرسىيەت كىسەللىكى—بالدۇر قېرىپ كىتىش كىسەللىكىگە (بالىلار بالدۇر قېرىپ كىتىش كىسىلى) گىرىپتار بولۇپ قالغان.

   بۇ خىلدىكى كىسەللىككە گىرىپتار بولغان بىمارنىڭ بەدىنىنىڭ قېرىش جەريانى، نورمال ئادەملەرنىڭكىگە قارىغاندا 10-5 ھەسسە تىز بولىدۇ. بۇ خىلدىكى بىمارلارنىڭ سىرتقى قىياپىتى ياشانغان كىشىلەرگە ئوخشايدۇ، جۇغى كىچىك، فىزىلوگىيلىك ئەزالىرىنىڭ ئىقتىدارىمۇ ناھايىتى تىز چىكىنىپ كىتىدۇ.  ئادەتتە، بۇخىل كىسەللىككە گىرىپتار بولغان بالىلار، 20-7ياش ئەتراپىغىچە ئۆمۈر كۈرىدىغان بولۇپ، كۆپ قىسىمى ياشانغانلار كىسەللىكى، يەنى يۈرەك قان تۇمۇر كىسەللىكى قاتارلىق سەۋەپلەر تۈپەيلى ئۆلۈپ كىتىدۇ.

    ئاكىسى مىچىل تۇغۇلغاندىن كىيىن، دوختۇرنىڭ ئۇنىڭ ئاتا-ئانىسىغا ئېيتىشىچە، گەرچە بالدۇر قېرىپ كىتىش كىسەللىكى بىر خىل ئىرىسىيەت خارەكتىرلىك كىسەللىك بولسىمۇ، ئەمما ئىككىنچى بالىنىڭمۇ بۇ خىل كىسەللىككە گىرىپتار بولۇپ قېلىش ئىھتىماللىقى ئاساسى جەھەتتىن يوق بولىدىكەن. بىراق، ئارىدىن سەككىز يىل ئۆتكەندىن كىيىن، سىڭىلىسى ئامبىر تۇغۇلغان ۋاقىتتا، ھەممەيلەن ھەيران قېلىشتى: چۈنكى، ئويلىمىغان يەردىن، ئامبىرمۇ ئاكىسىغا ئوخشاش بالدۇر قېرىپ كىتىش كىسەللىكىگە گىرىپتار بولغان ئىدى. بىلىشىمىز كىرەككى، ھازىر پۈتۈن يەرشارىدا، بۇ خىل كىسەللىككە گىرىپتار بولغان بىماردىن پەقەت 155 كىشلار بار؛ بۇ ئىككى ئاكا-سىڭىل بولسا، مۇشۇ 155 ئادەمنىڭ ئىچىدىكى ئىككىسى.