گۈەنداۋ ئارىلىدا تۇرۇشلۇق ئەر رىكىي.ناپۇتىنىڭ بەدەن ئېغىرلىقى ئەڭ ئېغىر بولغاندا 400كىلوگىرامدىن ئېشىپ كەتكەن بولۇپ، ئۇ كۆپ يىللاردىن بىرى يىمەكلىككە خۇمار بولۇپ قېلىش بىلەن قارشىلىشىپ كەلگەن ئىدى. ئۇ ئىلگىرى توپتوغرا 7 يىل بىر قەدەممۇ يول مېڭىپ باقمىغان بولۇپ، ئاخىرى زىيادە سېمىزلىك سەۋەبىدىن ئوپراتسىيە ئارقىلىق ئۇرۇقلاشقا ئامال بولماي، ئۈمىتسىزلىككە تولغان رىكىي ناپۇتى دورا ئىچىپ ئۆزىنى ئۆلتۈرۋالغان.

   ناپۇتىنىڭ ئايالى چىرلىنىڭ دىيىشىچە،  ئىرىنىڭ ھالىدىن خەۋەر ئېلىش خۇددى غايەت زور بىر بوۋاقنىڭ ھالىدىن خەۋەر ئالغانغا ئوخشاش بولۇپ، ناپۇتىنىڭ پەقەت كاۋاتتا يېتىشتىن باشقا ئامالى يوق ئىكەن؛ چىرلى بولسا، ناپۇتى ئۈچۈن تاماق تەييارلاش، بەدىنىنى سۈرتۈش، ھەتتا ئۇنىڭ ھاجەتكە چىقىشىغا ياردەملىشىش قاتارلىق ئىشلارنىڭ ھۆددىسىدىن چىقىدىكەن. چىرلىنىڭ بىلدۈرۈشىچە، ئۇ توي قىلغان ۋاقىتتىلا، ئەگەر ناپۇتى بەدەن ئېغىرلىقىغا دىققەت قىلمىسا، ھازىرقىدەك ئاقىۋەتنىڭ كىلىپ چىقىدىغانلىقىنى پەرەز قىلغان ئىكەن.

    سېمىزلىك سەۋەبىدىن ھاسىراپ كەتكەنلىك تۈپەيلى، ناپۇتى ئاساسى جەھەتتىن سۆزلىيەلمەيدىغان بولۇپ، ھەمىشە ئوكسىگىن چىقىرىش ماشىنىسىنىڭ ياردىمىگە تايىنىپ نەپەسلىنىدىكەن. ئۇ ئىلگىرى چېرلى بىلەن پەرزەنتلىك بولۇشنىمۇ ئويلاشقان بولسىمۇ، بىراق ناپۇتى زىيادە سېمىز بولغانلىقتىن، ھەتتا ئۇلارنىڭ توي كىلىشىمىنىمۇ تۇلۇق ئۇرۇنلاپ بولالمىغان. ئۈمىدسىزلىك ئىچىدە قالغان ناپۇتى تېكساس شىتاتىدىكى بىر ئايالنىڭ ئاشقازان تارايتىش ئوپراتسىيىسى قىلدۇرۇش ئارقىلىق، مۇۋەپپىقىيەتلىك ھالدا 80 كىلوگىرام ئۇرۇقلىغىنىنى بايقاپ، ئۇمۇ بۇ ئۇسۇلدىن پايدىلىنىپ ئۆزىنىڭ تۇرمۇشىنى ئۆزگەرتىش ئۈمىدىدە بولغان. بۇ ئۇسۇلدا ئۇنىڭ %80 ئاشقىزىنى كىسىپ ئېلىۋىتىلىدىغان بولۇپ، بىراق ئۇ ئوپراتسىيە قىلدۇرۇش ئۈچۈن، ئالدى بىلەن ئازدىگەندە 40 كىلوگىرام ئۇرۇقلىشى شەرت ئىكەن.