چەتئەلدە داۋىد ۋە كەيتى ئىسىملىك بىر جۈپ ئەر-خوتۇن بار بولۇپ، ئۇلار بەش يىلنىڭ ئالدىدا ھەيران قالارلىق بىر قېتىملىق كەچمىشنى بېشىدىن ئۆتكۈزگەن. بەش يىلنىڭ ئالدىدا كەيتى ھامىلدار بولۇپ، بىر جۈپ قوشكىزەك ئوغۇل-قىز تۇغقان بولۇپ، بالا  تۇغۇلغاندىن كىيىن، قوشكىزەكنىڭ ئىچىدىكى سىڭلىسىنىڭ يۈرىكى تۇيۇقسىزلا سوقۇشتىن توختاپ قالغان. دوختۇرلارمۇ 20 مىنۇت ئەتراپىدا جىددى قۇتقۇزغاندىن كىيىن، ئامال قالمىدى دەپ ۋاز كەچكەن.

     دوختۇرلار كەيتى بىلەن داۋىدقا، بالىنىڭ ھاياتلىق ئىزنالىرىنىڭ پۈتۈنلەي يوقىغانلىقىنى ئېيتقان ۋاقىتتا، كەيتى ئېغىر ئازاپ ئىچىدە، يۈرىكى توختاپ قالغان بوۋىقىنى قۇچىقىدا بىردەم تۇتۇپ تۇرۋىلىشنى تەلەپ قىلغان.

     ئويلىمىغان يەردىن مۆجىزە كۆرۈلگەن. كەيتى قىزىنى قوچىقىدا بىردەم تۇتۇپ تۇرغاندىن كىيىن، قىزى تۇيۇقسىزلا مىدىرلىغان ھەمدە نەپەس ئېلىشقا باشلىغان.

    بۇ ئەھۋالنى كۆرگەن داۋىد دەرھال دوختۇرلارنى چاقىرغان؛ دوختۇرلار ئەھۋالنى بىلگەندىن كىيىن، پۈتۈن كۈچى بىلەن بوۋاقنى قۇتقۇزۇشقا ئاتلانغان.

    ئاخىرى، ئەمدى تۇغۇلۇپلا دۇنيادىن ئايرىلىشقا تاس قالغان بۇ قىز بوۋاق، دوختۇرلار تەرپىدىن قۇتقۇزۇپ قېلىنغان. داۋىد بىلەن كەيتىمۇ خۇشاللىقىدىن يىغلىشىپ كەتكەن.