ئاچچىقلىنىشنىڭ سالامەتلىككە زىيانلىق ئىكەنلىكىنى ھەممىمىز بىلىمىز، لېكىن بەزىدە خاپا بولۇپ قالغان ۋاقتىمىزدا، يەنىلا ئاچچىقلىنىپ قېلىشتىن ساقلىنالمايمىز. ئەمەلىيەتتە، سىز ھەر بىر قېتىم ئاچچىقلانغان ۋاقىتتا، بەدىنىڭىزگە ئورنىنى تولدۇرۋالغىلى بولمايدىغان زور زىيان-زەخمە ئېلىپ كېلىدۇ.

   ئەر-ئاياللار ئوخشاشلا، ئاچچىقلىنىشتىن ئامال بار ساقلىنىشى لازىم؛ بىراق سېلىشتۇرۇپ ئېيتقاندا، ئايال كىشى بۇ ئۈچ ۋاقىتتا ئاچچىقلىنىپ قېلىشتىن تېخىمۇ بەكرەك ساقلىنىشى لازىم.
ھامىلدارلىق مەزگىلىدە
   ھامىلدار ئايالنىڭ كەيپىياتى چوقۇم خۇشال ساقلىنىشى كېرەك. قورساقتىكى ھامىيلە كىندىك بېغى ۋە باش سۈيىگە تايىنىپ ئانا تېنى بىلەن باغلىنىدىغان بولۇپ، ئەگەر ئانىنىڭ كەيپىياتى ياخشى، روھى ھالىتى تىنچ بولسا، ئۇنداقتا ئۇنىڭ تېنىدىكى ھەر بىر ھۈجەيرىلەر ئەڭ ياخشى ھالەتتە تۇرىدۇ. لېكىن، ئەگەر ھامىلدار ئايال ئاچچىقلانغان، تەشۋىشلىنىش ھالىتىدە تۇرسا، باش سۈيىنىڭ سۈپىتى ناچارلاپ، ھامىيلىمۇ جىددىيلىشىپ قالىدۇ ھەمدە بەلگىلىك زىيانلىق تەسىرگە ئۇچرايدۇ.
بالا ئىمىتىش مەزگىلىدە
   ئىلگىرى، ئاچچىقلىنىش سەۋەبلىك "ئانا سۈتى" "زەھەرلىك سۈت"كە ئايلىنىپ كەتكەن تىرادىگىيە يۈز بەرگەن: يېشى كىچىكرەك بىر ئانا، ئاچچىقلىنىپ يىغلىغان ھالەتتە بالىسىنى ئىمىتكەنلىكى ئۈچۈن، بالىسى ئۇزۇن ئۆتمەيلا ئۆلۈپ قالغان.
   ئەينى ۋاقىتتا بۇ خەۋەرنى كۆرگەن ۋاقتىمدا، مەن ھەيرانلىقتىن بۇنىڭ راستلىقىغا ئىشىنەلمەيلا قالغان. لېكىن كىيىنچە باشقا ماتېرىياللاردىن بايقىشىمچە، ئادەم ئاچچىقلانغان ۋاقىتتا، بەدەندە بىر خىل ماددا شەكىللىنىدىغان بولۇپ، بۇ خىل ماددا بەلگىلىك مىقدارغا يەتكەن ۋاقىتتا، باشقا ئاجىز ھاياتلىقنىڭ جېنىغا زامىن بولالايدىكەن.
ھەيىز مەزگىلى ۋە ھەيىز كېلىش ئالدىدىكى مەزگىل
   ھەيىز مەزگىلىدە كەيپىياتىمىزنى ياخشى ھالەتتە ساقلىماي كۆپ ئاچچىقلانساق، بالىياتقۇدىكى قان تومۇرلارنىڭ ئىتىلىپ قېلىشى سەۋەبلىك، ھەيىز توختاپ قېلىشنى كەلتۈرۈپ چىقىرىشى مۇمكىن.