ھامىلدار بولغاندىن كېيىن، ھەر قايسى جەھەتلەردىن كۆپرەك دىققەت قىلىشقا توغرا كېلىدۇ. ئادەتتە، ھامىلدار ئاياللار، نېمىلا كۆرسە قالايمىقان يەۋەرسە بولمايدۇ، بولمىغاندا ئۆزىنىڭ ساغلاملىقىغا ۋە قورسىقىدىكى بالىنىڭ ساغلاملىقىغا تەسىر كۆرسىتىدۇ. ھامىلدارلىق مەزگىلىدە، ئادەتتە تۆۋەندىكى يېمەكلىكلەرنى قالايمىقان يېمەسلىك كېرەك.

پالەك
   پالەكنىڭ تەركىبىدە تۆمۈر ماددىسى ئىنتايىن مول، لېكىن بىر ۋاقىتتا، ئۇنىڭ تەركىبىدە يەنە زور مىقداردا ئوكسالىك كىسلاتاسى بار؛ ئوكسالىك كىسلاتاسى، ئادەم بەدىنىنىڭ كۆپ خىل ئۇزۇقلۇق ماددىلارنى سۈمۈرۈشىگە توسقۇنلۇق قىلىدىغان بولۇپ، بۇ سەۋەبلىك ئۇزۇقلۇق يېتىشمەسلىكنى كەلتۈرۈپ چىقىرىپ، ھامىيلىنىڭ ئۆسۈپ-يېتىلىشىگە تەسىر كۆرسىتىدۇ.
دولانا(山楂)
   ھامىلدار ئاياللار دولانا يىيىشكە بولمايدۇ، بۇنى كۆپ قىسىم كىشىلەر بىلىدۇ؛ چۈنكى، دولانا بالىياتقۇنىڭ يېغىلىپ تارىيىشىنى (تولغاق تۇتۇشنى) كەلتۈرۈپ چىقىرىدىغان بولۇپ، ئېغىر بولغاندا بالىنىڭ چۈشۈپ كېتىشىنى كەلتۈرۈپ چىقىرىدۇ.

 

بىر قىسىم جۇڭيى دورىلىرى
   ئادەمگىياھ، بەدەننى قۇۋۋەتلەيدىغان جۇڭيى دورىسى بولۇپ، بەدىنى ئاجىزلىشىپ كەتكەن كىشىلەر بولسۇن ياكى يېڭى كېسەلدىن ساقايغان ئادەم بولسۇن، ئادەمگىياھ ئارقىلىق بەدىنىنى قۇۋۋەتلەشكە مۇھتاج بولىدۇ؛ لېكىن، ھامىلدار ئاياللار ئادەمگىياھ ئىستېمال قىلسا بولمايدۇ. ئادەمگىياھنىڭ بالىياتقۇدىن قان چىقىشنى كەلتۈرۈپ چىقىرىش خەۋىپى بار بولۇپ، ھامىلدار ئايالدىكى كۆڭۈل ئاينىپ ياندۇرۇش ئەھۋالىنىمۇ ئېغىرلىتىۋىتىشى مۇمكىن.