يىڭى تۇغۇلغان بوۋاقنىڭ ئۇمۇرتقىسى تېخى مۇكەمملە يىتىلىپ بولالمىغان بولىدۇ؛ بولۇپمۇ دەسلەپكى ئۈچ ئايدا، بوۋاقنىڭ ھەممى يىرى ئادەمگە بىر خىل يۇمشاق گۆشتەكلا تۇيغۇ بىرىدىغان بولۇپ، ئەگەر بوۋاقنى قوچاققا ئېلىپ كۆتۈرۈش توغرا بولمىسا، ئۇنداقتا بالىدا ئۇمۇرتقىسى غەلىتە شەكىللىنىپ بىنورمال ئىگىلىپ قېلىش ھادىسىسىنى پەيدا قىلىشى مۇمكىن ھەمدە بۇ سەۋەپلىك بالىنىڭ نورمال ئۆسۈپ-يىتىلىشىگە تەسىر كۆرسىتىشى مۇمكىن. شۇنىڭ ئۈچۈن، يىڭى تۇغۇلغان بوۋاقنى قۇچاققا ئېلىپ كۆتۈرۈشتە، تۆۋەندىكى ئۈچ خىل ناتوغرا ئۇسۇلدىن ساقلانماق لازىم بولىدۇ.

ئۇزۇن ۋاقىت قۇچاققا ئېلىپ كۆتۈرۋىلىش
   يىڭى تۇغۇلغان بوۋاقلار يىتەرلىك ئۇيقۇغا مۇھتاج، بۇنىڭدا ئاندىن ئۇمۇرتقىسىنىڭ يىتىلىشى بارغانسىرى ياخشى بولۇپ مۇكەممەللىشىدۇ. بوۋاقنى ئۇزۇن ۋاقىت قۇچاققا ئېلىپ كۆتۈرۋالساق، ئۇنىڭ ئۇيقۇ سۈپىتىگە تەسىر يەتكۈزۈپلا قالماي، بوۋاقنىڭ ساغلام يىتىلىشىگىمۇ پايدىسىز؛ بوۋاقنى ھەمىشە قۇچاققا ئېلىپ كۆتۈرۋالساق، ئۇلارنىڭ ئۇمۇرتقىسى ئىزچىل تۈردە ئىگىلگەن ھالەتتە تۇرىدىغان بولغاچقا، سەللا دىققەت قىلمىغاندا، ئۇنىڭ كەلگۈسىدىكى بوي ئېگىزلىكىگە تەسىر يەتكۈزىدۇ.

ھەمىشە بىر خىل ھالەتتە كۆتۈرۈش
   نۇرغۇن ئاتا-ئانىلار، بوۋاقنى ئۆزىنىڭ ئۇسۇلى بويىچە كۆتۈرۈشنى ياخشى كۆرىدۇ، ۋە ياكى بوۋاقنى تىزىدا ياتقۇزۇشقا ياكى بىلىكىدە تىرەپ كۆتۈرۈشكە ئامراق كىلىدۇ؛ چۈنكى بۇنىڭدا، ئۇلارنىڭ ئىزچىل تۈردە بوۋاققا قاراپ تۇرىشى نىسبەتەن قولايلىق بولۇپ، ئۇلار ئۆزىنى بەخىتلىك ھىس قىلىدۇ. بىراق، بوۋاقنى بىر خىل ھالەتتە ئۇزۇن ۋاقىت تۇتۇپ تۇرساق، بوۋاقنىڭ سۆڭەكلىرىنىڭ يىتىلىشىگە تەسىر كۆرىسىتىدۇ.