ھامىلدار ئايال ھامىلدارلىق تۆت-بەشىنچى ئېيىغا قەدەم قويغاندا قوسىقى كۆرنەرلىك يوغىنايدىغان بولۇپ، بۇ ۋاقىتتا ەمىشە ئاشقازىنى بىئارام بولغاندەك ھىس قىلىدۇ. بۇنىڭ سەۋەبى، بالىياتقۇ ئۆزلۈكسىز تۈردە يوغىناشقا ئەگىشىپ ئاشقازانغا بېسىم چۈشۈرىدىغان بولغاچقا، ھامىلدار ئايالنىڭ ئاشقازىنىنىڭ ئورنىدا ئۆزگىرىش كۆرىلىدۇ ھەمدە بۇ سەۋەپلىك ئاشقازىنى ئاستىدىن تىرىلىپ ئۈستىگە كۆتۈرلۈپ، ھامىلدار ئايالدا يۈرىكى ئېچىشىپ ئاغرىغاندەك تۇيغۇ پەيدا قىلىدۇ. ئۇنداقتا، ھامىلدار ئايالنىڭ قوسىقى يوغىنىغاندىن كىيىن، ئۇنىڭ ئاشقازىنى قايسى ئورۇنغا يۆتكىلىدۇ؟ تۆۋەندە، رەسىملىك چۈشەندۈرۈش ئارقىلىق، ھامىلدارلىق مەزگىلىدە، ھامىلدار ئايالنىڭ ئىچكى ئەزالىرىنىڭ ئورنىدا قانداق ئۆزگىرىشلەر بولىدىغانلىقىنى كۆرۈپ باقايلى.

    ھامىلدارلىق بىرىنچى ئېيىدىن ئونىنچى ئېيىغىچە بولغان ئارىلىقتىكى ھامىلدار ئايالنىڭ ئىچكى ئەزالىرىنىڭ ۋە ھامىيلە ئورنىنى ئۆزگىرىش كۆرسەتمىسى

   يۇقارقى رەسىمدىن بىز شۇنى كۆرۈپ يىتەلەيمىزكى، ھامىلدار ئايالنىڭ ئاشقازىنىنىڭ ئەڭ دەسلەپكى ئورنى قوساق قىسىمنىڭ سول تەرەپ يۇقىرى قىسىمغا جايلاش بولۇپ، كۆپ قىسمى سول تەرەپ قۇۋۇرغا سۆڭەك قىسىمدا، ئاز بىر قىسمى قوساقنىڭ سول تەرەپ ئۈستى قىسىمدا بولىدۇ؛ ئۈستى تەرەپتە يۇتقۇنچاقنىڭ ئاستىنقى ئۇچى بىلەن ئۇلىشىپ، ئاستى تەرەپتە ئو ئىككى بارماق ئۈچەينىڭ شارسىمان قىسمىغا تۇتىشىدۇ. ھامىلدار ئايالنىڭ قوسىقى يوغىنىغاندىن كىيىن بولسا، قىستىلىپ قىلىچسىمان ئۆسۈكچە ئورنىغا كىلىپ قالىدۇ.

   ھامىلدار ئايالنىڭ ئىچكى ئەزالىرىنىڭ ئىلاستىكىلىقى ئىنتايىن ياخشى بولۇپ، ھامىلدارلىق دەسلەپكى مەزگىلىدە، بالىياتقۇ گەرچە كۈنسايىن يوغىناپ بارسىمۇ، ئەمما ئاشقازان قىسىم تېخى بېسىلىشقا ئۇچرىمايدۇ، شۇڭا ھېچقانداق ئۆزگىرىشنى سەزگىلى بولمايدۇ. ھامىلدارلىق تۆتىنچى-بەشىنچى ئېيىدىن كىيىن، ھامىلدار ئايالنىڭ ئىچكى قىسمىدىكى كۆپ قىسىم بوشلۇق، ئاللىبۇرۇن يوغىناپ كەتكەن بالىياتقۇسى تەرپىدىن ئىگىلىۋىلىنغان بولغاچقا، ئىچكى ئەزالىرى بېسىلىشىقا ۋە قىسىلىشقا ئۇچراپ، ھامىلدار ئايالدا نىسبەتەن كۈچلۈك بولغان بىئاراملىق تۇيغۇسى كۆرۈلۈشكە باشلايدۇ.