تىبابەتتە، "ھامىيلە زەھىرى" دىگەن بۇ ئاتالغۇ يوق. ئاتالمىش "ھامىيلە زەھىرى"، ئەمىلىيەتتە بوۋاقلاردا ياغ تەپچىش تىپىدىكى تىرە ياللۇغى كۆرۈلۈشنى كۆرسىتىدىغان بولۇپ، ئالامىتى بولسا بوۋاقلارنىڭ تىرىسىدا تەمرەتكە پەيدا بولۇشتۇر؛ ئادەتتە يىڭى تۇغۇلغان بوۋاقلاردا ۋە بالىلار كۆرىلىدىغان مەڭ، دانىخورەك، ھەرخىل تەمرەتكە قاتارلىقلارنىڭ ھەممىسى ئومۇملاشتۇرۇلۇپ ھامىيلە زەھىرى دەپ ئاتىلىدۇ. بۇ خىل كىسەللىك، بەلكىم ئانىنىڭ بەدىنىنىڭ ئىسسىقچان تەبىئىتى بىلەن مۇناسىۋەتلىك بولۇشى مۇمكىن.

   خەلق ئارىسىدا ئېيتىلىدىغان ھامىيلە زەھىرى، جۇڭگۇ تىبابىتى جەھەتتىن ئېيتقاندا، بەدەندىكى ئىچكى ئىسسىقلىقتۇر. "ھامىيلە زەھىرىنى تازىلاش"، جەنۇپ تەرەپتە بىرقەدەر كەڭ تارالغان بولۇپ، چوڭ بىر ئەۋلاد كىشىلەرنىڭ قارىشىدا، جەنۇپنىڭ كىلىماتى ۋە سۈيى ئىسسىق تەبىئەتلىك بولۇپ، ئىنتايىن نەم كىلىدىكەن؛ شۇڭلاشقا، ھامىلدار ئايال تۇغۇشتىن بۇرۇن ھامىيلە زەھىرى تازىلاش خىزمىتى ئېلىپ بىرىشى كىرەك بولۇپ، بولمىغاندا بوۋاق تۇغۇلغاندىن كىيىن، تىرىسىدە ئاسانلا تەمرەتكە، مەڭ قاتارلىقلار پەيدا بولۇپ قالىدىكەن.
   غەرپچە تىبابەت نوقتىسىدىن قارىغاندا، ئەگەر ھامىلدار ئايال ھامىلدارلىق مەزگىلىدە گۆش كاۋاپلارنى كۆپ ئىستىمال قىلىپ ھامىلدارلار سۈت پاراشوكىنى كۆپ ئىچكەن بولسا ھەمدە ئاچچىق يىمەكلىك ۋە داغلانغان يىمەكلىكلەرنى زىيادە كۆپ ئىستىمال قىلغان بولسا، ئۇنداقتا ئۇلارنىڭ ئىسسىقى ئېشىپ كىتىپ، بۇنى بالىغا يەتكۈزۈپ قويۇشى ھەمدە بۇ سەۋەپلىك تۇغۇلغان بالىدا ھۆل تەمرەتكە قاتارلىقلارنىڭ كۆرۈلىشىنى كەلتۈرۈپ چىقىرىشى مۇمكىن ئكەن.

   ھامىيلە زەھىرى گەرچە بوۋاقلار ھۆل تەمرەتكە كۆرۈلىشىنى كەلتۈرۈپ چىقارسىمۇ، ئەمما غەرپ تىبابىتىدە، ھامىلدار ئايالنىڭ دورا تەركىبلىك يىمەكلىك ئارقىلىق ھامىيلە زەھىرىنى تازىلاش تەۋسىيە قىلىنمايدۇ. غەرپ تىبابىتىدە، ھامىلدارلىق مەزگىلىدە ئىلمى ھەم مۇۋاپىق بولغان يىمەكلىك ئادىتىگە ئەھمىيەت بىرىپ،  ھەم قۇۋۋەتلىك يىمەكلىكلەرنى يىيىش ئارقىلىق قۇۋۋەت تۇلۇقلاشنى تەۋسىيە قىلىدۇ، ھەم يەنە ھەرخىل مىۋە كۆكتاتلارنى بىرگە ئىستىمال قىلىش ئارقىلىق ھەرخىل ئۇزۇقلۇق ماددىلارنى تۇلۇقلاشنى تەۋسىيە قىلىدۇ.

   مىجازى قۇرۇق ئىسسىق بولغان ھامىلدار ئاياللاردا ھامىيلە زەھىرى شەكىللىنىش ئىھتىماللىقى بىرقەدەر چوڭ بولۇپ، ئادەتتە بەدىنىدە ھامىيلە زەھىرى بار بولغان ھامىلدار ئاياللاردا تۆۋەندىكىدەك ئالامەتلەر كۆرىلىدۇ:
   1. ھەمىشە ئېغىز-تامغاقلىرى قۇرۇپ كىتىدۇ؛
   2. ئۇيقۇ سۈپىتى ناچار؛
   3. تىرىسىگە ئاسانلا دانىخورەك چىقىدۇ؛
   4. ئالقىنى ۋە تاپىنى ھەمىشە قىزىپ كەتكەندەك بىلىنىدۇ؛
   5. ھەمىشە قەۋزىيەت بولۇپ قالىدۇ؛
   6. كىچىك تەرەت مىقدارى ئاز؛
   7. كالپۇكلىرى ئاسانلا قۇرۇپ يېرىلىدۇ ھەمدە قانايدۇ؛
   8. ئۆزى قۇرۇق ئىسسىق ھىس قىلىپ، ئاسانلا قىزىپ قالىدۇ.
ئەسكەرتىش:
   1. كۈندىلىك تۇرمۇش ئادىتىگە دىققەت قىلىپ، ھامىلدارلىقنىڭ ئەڭ ئاخىرقى ئىككى ئېيىدىن باشلاپ ئاچچىق ۋە قوقاقلىتىدىغان يىمەكلىكلەردىن تەدرىجى ھالدا ئېغىزىنى يېغىشى ۋە كاۋاۋىچىن قاتارلىق غىدىقلاش خۇسۇسىيىتىگە ئىگە خۇرۇچ ماتىرياللىرىنى ئاز ئىستىمال قىلىشى كىرەك.
   2. يىمەك-ئىچمەك جەھەتتە ئىمكان قەدەر تۇزسىز ھەم مايسىز بولۇش كىرەك بولۇپ، بۇ، ھامىيلە زەھىرى شەكىللىنىشتىن ساقلىنىشتىكى ھالقىلىق مەسىلىدۇر. بۇندىن باشقا، يىڭى مىۋە-كۆكتاتلارنى كۆپرەك ئىستىمال قىلىپ، سۇنى كۆپرەك ئىچىپ بىرىش، ئۆزىنىڭ تەم خاھىشىغا ئاساسەن قېتىق قاتارلىقلارنى ئىچىپ، ئاشقازان ۋە ئۈچىيىنى تەڭشەپ تۇرۇش كىرەك.
   3. ئادەتتە قانۇنىيەتلىك بولغان ئارام ئېلىش ئادىتى يىتىلدۈرۈپ، ئارام ئېلىشقا كۆپرەك دىققەت قىلىش كىرەك.