ھامىلدار ئايالنىڭ بۇ ئىككى يىرى قانچە قىسقا بولسا شۇنچە ياخشى.

   بەزى تۇغۇت بۆلۈم دوختۇرلىرىنىڭ ئىنكاس قىلىشىچە، دوختۇرخانىغا ھامىلدارلىق تەكشۈرتۈشكە كەلگەن ھامىلدار ئاياللارنىڭ بەزىلىرى ئۇزۇن چاچ قويۇۋالغان بولۇپ، بەزىلىرىنىڭ چېچى بۈدۈر، بەزىلىرىنىڭ تۈز، بەزىلىرىنىڭ ھەتتا "رەڭگا-رەڭ"ئىكەن.
  چاچ، ھەقىقەتەنمۇ ئاياللارنىڭ يۈز شەكلىنى چىرايلىق كۆرسىتىپ گۈزەللىكىنى نامايەن قىلىشتىكى ئۈنۈملۈك قورالى، بۇ سەۋەپلىك كۆپ قىسىم ئاياللار چېچىنى ناھايىتى بەك ئاسرايدۇ؛ بىراق، ھامىلدارلىق مەزگىلى ئالاھىدە بىر مەزگىل بولۇپ، بۇ مەزگىلدە ئۇزۇن چاچ قويۇۋالغاندا، ھامىلدار ئايالنىڭ ئۆزىگە ۋە ھامىيلىگە نىسبەتەن بەلگىلىك تەسىر كۆرسىتىدۇ.
   ئالدى بىلەن، ھامىلدار ئېيىنىڭ ئېشىشىغا ئەگىشىپ، ھامىلدار ئايالنىڭ قوسىقى بارغانسىرى يوغىنايدۇ؛ بۇنداق ئەھۋالدا، ئۇزۇن چاچ ھامىلدار ئايالنىڭ يۈرۈش-تۇرۇشىغا كۆپلىگەن قولايسىزلىقلارنى ئېلىپ كىلىدۇ.
   ئۇندىن قالسا، چاچنى يۇيۇشمۇ ئىنتايىن تەس بىر ئەھۋالغا ئايلىنىپ قالىدۇ، يۇيۇپ بولغاندىن كىيىنمۇ بىر تەرەپ قىلماقمۇ ئاسانغا چۈشمەيدۇ؛ شۇڭلاشقا، ھامىلدار ئاياللار چېچىنى ئەڭ ياخشىسى قىسقىراق قويسا، ئۆزىگىمۇ قولايلىق بولىدۇ، ئۇنىڭ ئۈستىگە تۇغۇپ بولغاندىن كىيىن، چاچنى يەنە ئۆستۈرۋىلىشقا بولىدۇ.

تىرناق
   گۈزەللىككە ئىنتىلىش، ھەربىر ئادەمنىڭ ئەركىنلىكى؛ ھەرخىل رەڭلىك تىرناقلارمۇ، ھەقىقەتەن ئادەمنى تېخىمۇ روھلۇق كۆرسىتىپ، باشقىلارنىڭ زوقىنى قوزغايدۇ.
   بىراق، ھامىلدار بولغاندىن كىيىن، ئەڭ ياخشىسى تىرناق ياسىتىشتىن ساقلىنىش كىرەك؛ چۈنكى، تىرناق گۈزەل لەشتۈرۈش رەڭلىرى، ھامىيلىنىڭ يىتىلىشىگە پايدىسىز تەسىر كۆرسىتىشى مۇمكىن.
   بۇندىن باشقا، ھامىلدارلىق مەزگىلىدە تىرناقنى ئۇزۇن قويسا، ھامىلدار ئايالمۇ ئاسانلا ئۆزىنىڭ بىرەر يەرلىرىنى تاتىلاپ زەخمىلەندۈرۈپ قويۇشى مۇمكىن. ئۇنىڭ ئۈستىگە، باكتىرىيە ۋىرۇسلار ۋە باشقا مەينەت نەرسىلەر، ئاسانلا تىرناق ئاستىغا ئولتۇرۋالىدىغان بولۇپ، بۇنداق ئەھۋالنىڭ ھامىلدار ئايالغا ھېچقانداق پايدىسى يوق، ئەكسىچە ھامىيلىنىڭ يىتىلىشىگە قارىتا پايدىسىز تەسىرلەرنى ئېلىپ كىلىشى مۇمكىن.