كۆپىيىش ئىقتىدارى كۈچلۈك، يەنى بىز ئادەتتە ئېيتىدىغان تۇغۇشچان ئاياللاردا، تۆۋەندىكىدەك كۆرۈنەرلىك ئالاھىدىلىك بار!
ھەيىز كۆرۈشى نورمال ھەم دەل ۋاقتىدا بولىدۇ
   ئاياللارنىڭ ھامىلدار بولۇشىنىڭ ئالدىنقى شەرتى، ھەيىز كۆرۈشى؛ چۈنكى بۇ جەرياندا ئاياللار تۇخۇم ئىشلەپچىقىرىدۇ. كۆپىيىش ئىقتىدارى نورمال ئاياللارنىڭ بۇ شارائىتى ئەۋزەل بولۇپ، ئۇلارنىڭ ھەيىز كۆرۈشى نورمال ھەم دەل ۋاقتىدا بولىدۇ. ھەيىزنىڭ نورمال ھەم قانۇنىيەتلىك بولۇشى، ئايال كىشىنىڭ بالىياتقۇسى ۋە تۇخۇمداننىڭ ساغلام ئىكەنلىكىنى چۈشەندۈرىدۇ.

بەدەن شەكلى نورمال كىلىدۇ
   بەدەن شەكلىنىڭ نورمال بولۇشى، كۆپچىلىك ئاسانلا نەزەردىن ساقىت قىلىپ قويىدىغان مەسىلە بولۇپ، ئايال كىشى بەك سېمىز ياكى بەك ئۇرۇق بولۇپ كەتسە، ئۇلاردا تۇغماسلىق كۆرۈلۈشى مۇمكىن. بەك ئۇرۇق ئاياللارنىڭ بەدىنىدە ماي ئاز؛ بۇ ئەھۋال ئۇلارنىڭ ھەيىز كۆرۈشىنىڭ قالايمىقانلىشىشنى پەيدا قىلىپ، بۇ سەۋەپلىك تۇغماسلىقىنى كەلتۈرۈپ چىقىرىشى مۇمكىن. بەك سېمىز ئاياللارغا نىسبەتەن، ئۇلارنىڭ يېرىمىغا يېقىنىدا كۆپ خالتىلىق تۇخۇمدان ئۇنۋىرسال كىسەللىكى بار بولۇپ، بۇ خىل كىسەللىك ئايال كىشىنىڭ تۇغماسلىقىنى كەلتۈرۈپ چىقىرىدۇ. بۇندىن باشقا، ئايال كىشى بەك سېمىز بولۇپ كەتسە، يەنە تۇخۇم ئىشلەپچىقىرىشقا تەسىر كۆرسىتىپ، ھامىلدار بولۇشىغا توسقۇنلۇق قىلىدۇ.

ياش مەزگىلى مۇۋاپىق
   ھامىلدار بولۇش، ئايال كىشىگە نىسبەتەن ئىنتايىن مۇھىم؛ ئايال كىشى ئەگەر 35ياشتىن ئېشىپ كەتسە، ئادەتتە "يۇقىرى ياشلىق ھامىلدار ئايال" دەپ قارىلىدىغان بولۇپ، بۇلارغا نىسبتەن، بالا تۇغۇشنىڭ خەتىرى يۇقىرى بولۇپلا قالماي، ھامىلدار بولمىقىمۇ تەسكە توختايدۇ. شۇڭلاشقا، ئايال كىشى نورمال بولغان ھامىلدار بولۇش ياش مەزگىلىنى ئۆتكۈزىۋىتىپ قالسا، ئۇلارنىڭ ھامىلدا ربولۇشى ئىنتايىن تەسكە توختايدۇ.