گۆش تۈرىدىكى يىمەكلىكلەر، بوۋاق ئۈچۈن ئاقسىل، ياغ، ئانورگانىك تۇزلار ۋە ۋىيتامىنلارنى تەمىنلەيدىغان بولۇپ، بوۋاقنىڭ بەدىنىنىڭ يىتىلىشىگە پايدىلىق بولىدۇ. بىراق، ئەگەر ئىستىمال قىلىش مۇۋاپىق بولمىسا، بوۋاقنىڭ ھەزىم قىلىشىنىڭ ناچارلىشىشىنى كەلتۈرۈپ چىقىرىدۇ.
   بەزىلەرنىڭ، بوۋاق قانچە بۇرۇن گۆش يىيىشنى باشلىسا شۇنچە ئەقىللىق بولىدۇ دەپ قارايدىكەن؛ يەنە بەزىلەر بولسا بۇنىڭغا رەددىيە بىرىپ، بوۋاقلار بەك بۇرۇن گۆش يىيىشنى باشلىۋالسا، ھەزىم قىلىشى ناچارلىشىپ ئىچى سۈرۈلۈشنى كەلتۈرۈپ چىقىرىدۇ دەپ قارايدۇ.

   ئۇنداقتا، كىچىك بوۋاقلار زادى قانچىلىك چوڭ بولغاندا ئاندىن گۆشى يىيىشنى باشلىسا بولىدۇ؟ بوۋاقلارنىڭ گۆش ئىستىمالىدا دىققەت قىلىشقا تىگىشلىك قانداق ئىشلار بار؟
بوۋاق قانچىلىك بولغاندىن باشلاپ گۆش يىيىشنى باشلىشى كىرەك؟
   بوۋاق ئالتە ئايلىق بولغان ۋاقىتتا، ئۇلارنىڭ بەدىنىدە ساقلانغان تۆمۈر ماددىسى پۈتۈنلەي خوراپ تۈگەيدىغان بولۇپ، بۇنداق ئەھۋالدا، ۋاقتىدا قوشۇمچە يىمەكلىك ئىستىمال قىلىش ئارقىلىق تۆمۈر ماددىسى تولۇقلاشقا توغرا كىلىدۇ؛ ئەگەر تۆمۈر ماددىسى تۇلۇقلاش ۋاقتىدا بولمىسا، تۆمۈر كەمچىل بولۇش خارەكتىرلىك قان ئازلىق كىسىلىگە گىرىپتار بولۇپ قېلىش نىسبىتى ئىنتايىن يۇقىرى بولىدۇ.

  شۇڭلاشقا، جۇڭگۇ ئۇزۇقلۇق ئىلمى جەمئىيىتى، ئامرىكا بالىلار ئىلمى جەمئىيىتى قاتارلىق ئورۇنلارنىڭ ھەممىسى، بالىلارغا تۆمۈر تەركىبى مول بولغان قوشۇمچە يىمەكلىكلەرنى—مەسىلەن، مىفىن، ئۇششاق توغرالغان ياكى سوقۇپ تەييارلانغان گۆش قاتارلىقلارنى ئالدىن تاللاپ يىگۈزۈش ئارقىلىق، تۆمۈر كەمچىل خارەكتىرلىك قان ئازلىق كىسىلىنىڭ ئالدىنى ئېلىش تەكلىۋىنى بىرىدۇ.
بوۋاقلارغا گۆشنى قانداق يىگۈزۈش كىرەك؟
   ئۇزۇقلۇق ئىلمى نوقتىسىدىن ئېلىپ ئېيتقاندا، گۆش، قىزىل گۆش ۋە ئاق گۆش دەپ ئىككى خىلغا ئايرىلىدۇ.
   ئاق گۆش، تالالىرى ئىنچىكە، ياغ تەركىبى نىسبەتەن تۆۋەن، ياغ تەركىبلىرى ئىچىدە تويۇنمىغان ياغ كىسلاتالىرى نىسبەتەن يۇقىرى بولغان گۆش تۈرلىرىنى كۆرسىتىدىغان بولۇپ، توخۇ، ئۆدەك، غاز قاتارلىق ئۆي قۇشلىرى گۆشلىرى ۋە بېلىق، راك قاتارلىق دېڭىز مەھسۇلاتلىرى ھەممىسى ئاق گۆشكە تەۋەدۇر.
   بۇنىڭغا مۇناسىپ ھالدا، قىزىل گۆش بولسا، قوي، كالا دىگەنگە ئوخشاش، سۈت ئەمگۈچى ھايۋانلارنىڭ گۆشىنى كۆرسىتىدۇ.

   قىزىل گۆش بىلەن ئاق گۆشنىڭ ھەر ئىككى خىلىنىڭ ئۆزىگە خاس پايدىلىق تەرەپلىرى بار: قىزىل گۆش ئىچىدىكى كالا گۆشىنىڭ تەركىبىدىكى ئاقسىل مىقدارى، گۆش تۈرلىرى ئىچىدە ئەڭ يۇقىرى؛ راكنىڭ تەركىبىدىكى ياغ مىقدارى ئەڭ تۆۋەن؛ ئۆدەك گۆشى تەركىبىدە ۋىيتامىن A مول دىگەنگە ئوخشاش.
   شۇنىڭ ئۈچۈن، ئاق گۆش ۋە قىزىل گۆشنىڭ ھەر ئىككىسىنى ئىستىمال قىلغاندا، ئاندىن ئۇزۇقلۇقنىڭ تەڭپۇڭ بولۇشىغا كاپالەتلىك قىلغىلى بولىدۇ.
   بۇندىن باشقا، بالىلارغا گۆش يىگۈزۈشنى باشلاشتا، بالىلارغا قوشۇمچە يىمەكلىك قوشۇش پىرىنىسىپىغا ئەمەل قىلىش كىرەك:
   بوۋاقنىڭ ساغلاملىق ئەھۋالىنى جەزىملەشتۈرگەندىن كىيىن، پەقەت بىر خىللا قوشۇمچە يىمەكلىك قوشۇپ يىگۈزۈپ، ئىككى ئۈچۈن كۆزەتكەندىن كىيىن، ئەگەر بوۋاقتا ئىچى سۈرۈش، تىرىسىگە تەمرەتكە چىقىش قاتارلىق ئەھۋاللار كۆرۈلمىگەندىن كىيىن، ئاندىن يىگۈزۈشنى داۋاملاشتۇرۇش كىرەك.

بوۋاقلارغا گۆش يىگۈزۈشتە قايسى نوقتىلارغا دىققەت قىلىش كىرەك؟
   1.  يىڭى گۆش تاللاپ، يىڭى تەييارلاپ يىڭى پېتى يىگۈزۈش: ئەگەر تەييارلىغان گۆش يىمەكلىكىنى بوۋاق يەپ بولالمىسا، ئاتا-ئانىلار ئاشقىنىنى بىتەرەپ قىلىۋىتىپ، ئەڭ ياخشىسى قوندۇرماسلىق، بولۇپمۇ قوندۇرغاندىن كىيىن قايتا بوۋاققا يىگۈزمەسلىك كىرەك.
   2.  گۆش بىلەن قوشۇمچە يىمەكلىك تەييارلىغاندا ھېچقانداق خۇرۇچ ماتىريالى ئىشلەتمەسلىك: بالىلارغا گۆش بىلەنلا ئەمەس، ھەرقانداق بىر خىلدىكى قوشۇمچە يىمەكلىك تەييارلىغاندا، يىمەكلىككە ھېچقانداق خۇرۇچ ماتىريالى قوشماسلىق كىرەك.