بالىلار تۇغۇلغاندىن كىيىن، ھەربىر ئانا پۈتۈن كۈچى بىلەن ئۇنىڭ ھالىدى خەۋەر ئېلىشقا تىرىشىدۇ؛ بىراق ئالاقىدار تەجىربىسى كەمچىل بولغانلىقتىن، بۇ جەرياندا ئاسانلا بەزىبىر خاتا رايونلارغا كىرىپ قېلىپ، بالىنىڭ سالامەتلىكىگە خەۋپ ئېلىپ كىلىدۇ. ئادەتتە، بوۋاق يۈز كۈنلۈك بولۇشتىن ئىلگىرى، تۆۋەندىكى تۆت ئىشنى قىلىشقا بولمايدۇ.

مۇددەتتىن بۇرۇن توسۇپ تەرەت قىلدۇرۇش
   يىڭى تۇغۇلغان بوۋاقنىڭ چوڭ مىڭىسى، تېخىچە تەرەت قىلىش تۇنۇشى ھاسى قىلىپ بولالمىغان بولغاچقا، ئاتا-ئانىلار ئۇلارنى توسۇشنى ياخشى كۆرىدۇ ھەمدە بۇنى قولايلىق دەپ قارايدۇ. بوۋاق يىڭى تۇغۇلغان ۋاقىتتا، ئۇنىڭ ئۇمۇرتقىسى تۈز كىلىدۇ؛ ئۈچ ئايلىق بولغان ۋاقىتتا، ئاندىن بېشىنى كۆتۈرۈپ بويۇن ئۇمۇرتقىسى بۆرتۈپ چىقىدۇ ھەمدە بىرىنچى قېتىملىق فىزىلوگىيەلىك ئەگمىنى ھاسىل قىلىدۇ. بۇنداق ئەھۋالدا، ئەگەر توسقان ۋاقىتتىكى بالىنى تۇتۇش قىياپتى توغرا بولمىسا، بوۋاقنىڭ سۆڭىكىنىڭ يىتىلىشىگە تەسىر كۆرسىتىپلا قالماي، يەنە تېخى ئۇمۇرتقىسىنىڭ يانغا ئىگىلىپ كىتىشىنى پەيدا قىلىشى مۇمكىن بولۇپ، بالىنىڭ كىيىنچە دۈمچەك بولۇپ قېلىشىنى كەلتۈرۈپ چىقىرىدۇ. شۇڭا، ئۈچ ئايغا توشمىغان بوۋاقلارغا نىسبەتەن، ئادەتتە ئۇخلاشتىن بۇرۇن زاكىسىنى سېلىپ قويۇپ، ئۇنى توسۇپ تەرەت قىلدۇرۇشقا ئالدىرماسلىقىمىز كىرەك.

مۇددەتتىن بۇرۇن ياستۇقتا ياتقۇزۇش
   بەزى ئاتا-ئانىلار، بالىسىنىڭ بېشىنىڭ شەكلىنىڭ ياخشى يىتىلىشى ئۈچۈن، ئۇنىڭغا بالدۇرلا ھەرخىل شەكىل مۇقىملاشتۇرۇش ياستۇقىنى قويۇپ بىرىدۇ. بىراق، يىڭى تۇغۇلغان بوۋاقنىڭ ئۇمۇرتقىسى تۈز بولۇپ، ھېچقانداق فىزىلوگىيەلىك ئەگمە شەكىللەنمىگەن بولغاچقا، مۇددەتتىن بۇرۇن ياستۇق قويۇپ بەرسەك، بالىنىڭ بويۇن قىسمىنىڭ ئالدىغا بۆرۈپ چىقىپ، بويۇن ئۇمۇرتقىسىنىڭ بىنورمال ئىگىلىپ قېلىشىنى كەلتۈرۈپ چىقىرىدۇ. شۇڭا، بالا ئۈچ ئايلىق بولمىغۇچىلىك، ئۇنىڭغا ياستۇق قويۇپ بىرىشكە بولمايدۇ.

مۇددەتتىن بۇرۇن تىك كۆتۈرۈش
   بالا يىغلاپ خاپا قىلغان ۋاقىتتا، بەزى ئانىلار ئۇنى تىك كۆتۈرۈپ، مۈرىسىگە يىنىك ئۇرۇپ بىرىش ئارقىلىق بەزلەپ يېغىدىن توختاتماقچى بولىدۇ. بىراق، بوۋاقنىڭ بويۇن ئۇمۇرتقىسىنىڭ كۈچى ئىنتايىن ئاجىز بولۇپ، ئۈچ ئايغا توشمىغان ۋاقىتتا، تېخى ئۆزىنىڭ بېشىنىڭ ئېغىرلىقىنى كۆتۈرەلمەيدۇ؛ بۇنداق ئەھۋالدا، بالىنى تىك كۆتۈرۋالساق، ئۇنىڭ بويۇن ئۇمۇرتقىسىغا بېسىم چۈشۈرۈپ، بويۇن ئۇمۇرتقىسىنىڭ شەكلىنىڭ ئۆزگىرىپ كىتىشىنى كەلتۈرۈپ چىقىرىدۇ.

مۇددەتتىن بۇرۇن ئولتۇرغۇزۇش
   بەزى ئانىلارنىڭ قارىشىچە، بالا قانچىكى بۇرۇن يىڭى ئىقتىدار ئۆگەنسە شۇنچە ياخشى بولىدۇ ھەمدە ئۇنىڭ ئەقىللىقلىقىنى ئىپادىلەيدۇ؛ بىراق، بالىنى بەك بالدۇر ئولتۇرغۇزۇپ قويساق، ئۇنىڭ ئۇمۇرتقىسىنى ئاسانلا زەخمىگە ئۇچرىتىپ قويىمىز. چۈنكى، يىڭى تۇغۇلغان بوۋاقنىڭ ئۇمۇرتقىسى تۇلۇق يىتىلىپ بولالمىغان بولغاچقا، ئۇلارنىڭ بەدىنىنى ئېغىرلىقىنى كۆتۈرەلمەيدۇ ھەمدە بۇ سەۋەپلىك ئاسانلا شەكلى ئۆزگىرىپ كىتىدۇ.