يىڭى تۇغۇلغان بوۋاقلاردا تۆۋەندىكىدەك ئەھۋاللار كۆرۈلسە، كۆپىنچە ئۇلارنىڭ بويۇن ئۇمۇرتقىسىدا مەسىلە كۆرۈلگەنلىكنىڭ ئالامىتى بولۇپ، ۋاقتىدا دوختۇرخانىغا ئاپىرىپ تەكشۈرتۈش كىرەك.

تۇيۇقسىزلا ئۆزىنى كەينىگە تاشلاپ يىغلىسا
   ئەگەر بوۋاق يىغلاپ خاپا قىلسا، ئادەتتە ئۇنى قۇچىقىمىزغا ئېلىپ كۆتۈرسەك، بالا ئۆزلىكىدىن يېغىدىن توختايدۇ؛ بىراق، بىزنىڭ ئۇنى ئىزچىل تۈردە كۆتۈرۈپ تۇرىشىمىز مۇمكىن ئەمەس. ئەگەر قولىمىز تېلىپ ئۇنى كارۋاتقا ياتقۇزساق، ئۇ كاللىسىنى كەينىگە تاشلاپ يىغلاشتىن توختىمىسا، ئۇنداقتا بوۋاقنىڭ بويۇن ئۇمۇرتقىسى زەخمىگە ئۇچرىغان بولۇشى مۇمكىن.

ئۆرە تۇرۇش ياكى ئولتۇرۇش ھالىتىى قاملاشماسلىق
   بوۋاق ئۆسۈپ-يىتىلىش جەريانىدا، ھەمىشە ئۆرە تۇرۇشنى ۋە ئولتۇرۇشنى ئۆگىنىدۇ. بىراق، ئەگەر بوۋاقنىڭ ئولتۇرۇش ياكى ئۆرە تۇرۇش ھالىتىدە بىر خىل قاملاشمىغاندەك ياكى بىئاراملىق ھىس قىلغاندەك ئالامەتلەر كۆرۈلسە ۋە يىغلاپ خاپا قىلىش بىللە ئەگىشىپ كەلسە ھەمدە سىز ئۇنى كۆتۈرمەكچى بولسىڭىز يېغىسى تېخىمۇ ئەۋج ئېلىپ كەتسە، ئۇنداقتا بويۇن ئۇمۇرتقىسىنىڭ زەخمىگە ئۇچرىغان ئۇچرىمىغانلىقىنى تەكشۈرتۈپ بېقىش كىرەك.

تۇيۇقسىزلا بېشىنى كۆتۈرەلمەيدىغان بولۇپ قالسا
   بوۋاق ئادەتتە ئۈچ ئايلىققا توشقاندىن كىيىن، تەدرىجى ھالدا بېشىنى كۆتۈرۈشكە باشلايدۇ؛ بۇۋاقىتتا، ئاتا-ئانىلار بوۋاقنىڭ بويۇن ئۇمۇرتقىسىنى ئاسراشقا ئەھمىيەت بىرىشى كىرەك. بىراق، ئەگەر بوۋاق تۇيۇقىسزلا بېشىنى كۆتۈرەلمەيدىغان بولۇپ قالسا، ئۇنداقتا بۇ بالىنىڭ بويۇن ئۇمۇرتقىسىنىڭ ئىھتىياتسىزلىقتىن زەخمىگە ئۇچرىغانلىق سەۋەبىدىن بولۇشى مۇمكىن.