بۈگۈن كۆپچىلىكنىڭ دىققىتىگە، بوۋاقلار زۇكامداپ قالغان مەزگىلدە، ئۇنىڭغا قايسى خىل قوشۇمچە يىمەكلىكلەرنى تەييار قىلىپ بەرسەك بولىدىغانلىقىنى تۇنۇشتۇرۇپ ئۆتىمىز.
 

   بوۋاق زۇكامداپ قالغان مەزگىلدە ئىشتىھاسى قالمايدۇ، شۇڭا كاۋىنى ئىزىپ شورۋىگۈرۈچكە قوشۇۋەتسەك، شورۋىگۈرۈچكە تەم كىرگۈزۈپ، بالىنىڭ ئىشتىھاسىنى غىدىقلايدۇ.
   بوۋاق زۇكامداپ قالغاندا گۆش يىسە بولىدۇ، ئەمما چوقۇم ئاسان ھەزىم بولىدىغان قىلىپ بىتەرەپ قىلىشىمىز كىرەك. شۇڭا توخۇ گۆشىنى كۆكتات ئىزىش ماشىنىسىدا ئىزىپ ياكى ئۇششاق چاناپ ئاندىن شورۋىگۈرۈچكە قوشۇش كىرەك.
   كىتەرلىك ماتىريال: توخۇگۆشى 40گىرام، كاۋا 30گىرام، چىچەكسەي 15گىرام، گۈرۈچ 15گىرام

تەييارلاش ئۇسۇلى
   1. توخۇ گۆشىنى ئۇششاق چانىغاندىن كىيىن، بىر قوشۇق قوناق كىراخمالى، ئۈچ قوشۇق سۇ قوشۇپ ئارىلاشتۇرىمىز.
   2. گۈرۈچنى قاينىتىپ پىشۇرغاندىن كىيىن، ئۈستىگە چانالغان توخۇ گۆشىنى سالىمىز.
   3. كاۋىنى دۈملەپ پىشۇرۋالغاندىن كىيىن ئىزىپ، شورۋىگۈرۈچكە قوشىمىز.
   4. چىچەكسەينى سۇدا بىر قاينىتىۋالغاندىن كىيىن ئۇششاق توغراپ، شورۋىگۈرۈچكە قوشىمىز.
   5. قاينىتىپ توخۇ گۆشى پىشقان ھەمدە يىمەكلىكلەرنىڭ ھەممىسىنىڭ تەمى شورۋىگۈرۈچكە سىڭىپ چىققان ۋاقىتتا ئوتنى ئۆچۈرۈپ قاچىغا ئۇسۇپ ئالساق بولىدۇ.
 

   بوۋاق زۇكامداپ قالغان مەزگىلدە، ئەگەر ئىشتىھاسى تۇتۇلۇپ نەرسە يىگىلى ئۇنىمىسا، ئۇنىڭ بىر قاچا قېنىق شورپا تەييارلاپ بىرىپ سىناپ باقسىڭىز بولىدۇ، چايناش كەتمەيدۇ بىراقلا ئىچىۋەتسىلا بولىدۇ.
   كىتەرلىك ماتىريال: ئاغىچا(丝瓜) 60گىرام، موگو 35گىرام، بەرەڭگە 50گىرام، پىشلاق 15گىرام

تەييارلاش ئۇسۇلى
   1. موگونى سۇدا بىر قاينىتىۋالغاندىن كىيىن سۈزۈپ ئېلىپ، نىپىز ياپراقچە ھالىتىدە توغرايمىز؛ ئاغىچىنىڭ پوستىنى سويىۋىتىپ نىپىز ياپراقچە ھالىتىدە توغرايمىز؛ بەرەڭگىنى نىپىز ياپراقچە ھالىتىدە توغرايمىز.
   2. قازانغا ماي قۇيۇپ، ئاغىچا، بەرەڭگە، موگولارنى سېلىپ تەكشى بىر قورۇۋەتكەندىن كىيىن، ئۈستىگە سۇ قۇيۇپ قاينىتىپ پىشۇرۇىمىز؛ ئازراق پىشلاق سېلىپ تەمىنى تەڭشەيمىز.
   3. پىشقاندىن كىيىن، كۆكتات ئىزىش ماشىنىسى ياكى مىۋە ئىزىش ماشىنىسىدا ئىزىپ قېنىق شورپا قىلىپ بوۋاققا ئىچكۈزسەك بولىدۇ.