كونىلارنىڭ "ئايال كىشى تۇغۇتىدا ئون ياش قېرىپ كىتىدۇ" دىگە گېپى ئىنتايىن توغرا ئېيتىلغان. ئايال كىشى ھامىلدارلىق مەزگىلىدە نۇرغۇن جەۋرى جاپالارنى چىكىپ، ئاخىرىدا جېنىنى تىكىپ قويۇپ بالىسىنى تۇغىدۇ. ئۇنىڭ ئۈستىگە، تۇغۇپ بولغاندىن كىيىن، ئاياللارنىڭ بەدىنىدە كۆرۈنەرلىك دەرىجىدە ئۆزگىرىش كۆرۈلۈپ، نۇرغۇن جايلىرى "زىيان"غا ئۇچراپ كىتىدۇ؛ بولۇپمۇ ئايال كىشىنىڭ تۆۋەندىكى تۆت يىرى، تۇغۇتتىكى "ئېغىر ئاپەت رايونى" بولۇپ، ئاياللار چوقۇم ياخشى ئاسرىشى كىرەك.

چىرايى
   نۇرغۇن كىشىلەر، ئايال كىشى تۇغۇپ بولغاندىن كىيىن "چىرايى ئۆڭگەن قېرى خوتۇن"غا ئايلىنىپ قالىدۇ دىيىشىدۇ؛ ئەمىلىيەتتە، بۇنىڭ بەلگىلىك ئاساسى بار. چۈنكى ھامىلدارلىق مەزگىلىدە، چوڭ مىڭىنىڭ قارا رەڭ ماددىسىنى قوزغىتىدىغان ماددىلارنى ئاجرىتىپ چىقىرىشى تىزلىشىدىغان بولۇپ، ھامىلدار ئايالنىڭ چىرايىدا ھامىلدارلىق دېغى كۆرۈلۈشكە باشلايدۇ؛ بۇنىڭغا ئاياللارنىڭ ھامىلدارلىق مەزگىلىدە تىرىسىنى ئاسراشقا دىققەت قىلماسلىقى قوشۇلۇپ، تىرىنىڭ ئۆڭۈپ سارغىيىپ كىتىشىنى ۋە قورۇقچىلارنىڭ كۆرنەرلىك دەرىجىدە كۆپىيىشىنى كەلتۈرۈپ چىقىرىدۇ.
كۆكسى
   ئايال كىشىگە نىسبەتەن ئېيتقاندا، ئۇلارنىڭ ئەڭ ئىتىبار بىرىدىغىنى، چىرايىدىن قالسىلا كۆكسى بولىدۇ. بىراق، ئاياللار ھامىلدار بولغاندىن كىيىن، گورمۇننىڭ تەسىرىدە ئۇلارنىڭ ئەمچىكىدە چوڭ ئۆزگىرىشلەر كۆرىلىدۇ؛ يەنى، ئادەتتە ئېيتىلىدىغان "ئىككىنچى قېتىملىق يىتىلىش" باشلىنىدۇ. بىراق بالىنى تۇغۇپ بولغاندىن كىيىن ۋە بوۋاقنى ئىمىتىشنى توختاتقاندىن كىيىن، ئۇلارنىڭ كۆكسى ئىلگىرىكى چوڭ-كىچىكلىك ھالىتىگە قايتىدۇ. ئۇنىڭ ئۈستىگە نۇرغۇن ئاياللاردا، كۆكسى تۆۋىنىگە ساڭگىلاپ قېلىش ھادىسىسى كۆرىلىدۇ.

داس سۆڭەك
   ئاياللار تۇغقان ۋاقىتتا، ھامىيلە ئاستا-ئاستا ھالدا داس سۆڭىكى بوشلۇقىغا كىرىدۇ؛ دىمەك، ھامىلدارلىق ئاخىرقى مەزگىلىدە، ھامىلدار ئايالنىڭ داس سۆڭىكى يوغىناپ كىتىدىغان بولۇپ، ئاسانلا ساغرىسى چوڭ، بەل قىسمى بوشىشىپ كىتىدىغان ئەھۋال كۆرىلىدۇ. بۇ ئەھۋال، ھامىلدار ئايالنىڭ تۇغۇتتىن كىيىنكى ئوبرازىغا چوڭ تەسىر يەتكۈزىدۇ. بىراق، ئاياللار تۇغۇتتىن كىيىن، بەزىبىر ئەسلىگە كىلىش مەشىقلىرىنى ئىشلەپ، بەدەن شەكلىنىڭ ئۆزگىرىپ كىتىشىنىڭ ئالدىنى ئالسا بولىدۇ.
بالىياتقۇ
   ئايال كىشى تۇغقانداق قايسى يىرى ئەڭ چوڭ زەخمىگە ئۇچرايدۇ دەپ سورالسا، بۇنىڭ جاۋابى، شۈبھىسىزكى بالىياتقۇ بولىدۇ. بولۇپمۇ ئوپراتسىيە قىلدۇرۇپ تۇغقان ئاياللارغا نىسبەتەن، ئۇلارنىڭ بالىياتقۇسى ئۇچرايدىغان زىيان-زەخمەت ئەڭ چوڭ بولىدۇ؛ ئۇنىڭ ئۈستىگە تېخى، تۇغۇتتىن كىيىن چوڭ قان كىتىش، بالىياتقۇنىڭ كىسىلگەن ئېغىزى يېرىلىپ كىتىش قاتارلىق ئەھۋاللار كىلىپ چىقىشى مۇمكىن. ئەگەر ئايال كىشىنىڭ بالىياتقۇسىنىڭ تۇغۇتتىن كىيىنكى ئەسلىگە كىلىشى ياخشى بولمىسا، ئۇلارنىڭ ئىككىنچى قېتىملىق ھامىلدار بولۇپ تۇغۇشىغا ئېغىر دەرىجىدە تەسىر يەتكۈزۈشى مۇمكىن.