ئاياللار ھامىلدار بولغاندىن كىيىن، ئۇلارنىڭ ئىچكى ئاجرالما سەۋيىسىدە بىنورماللىق كۆرىلىدىغان بولغاچقا، ئۇلارنىڭ تىرىسى ئۆڭۈپ كىتىدۇ ياكى سارغىيىپ قالىدۇ؛ ئەمما بۇنداق ئەھۋالدا ھامىلدار ئايال گىرىم بۇيۇملىرى ئىشلەتسە بولمايدۇ. چۈنكى، گىرىم بۇيۇملىرى تەركىبىدىكى خېمىيىلىك تەركىبلەر ھامىيلىنىڭ ئۆسۈپ يىتىلىشىگە زىيانلىق تەسىر ئېلىپ كىلىدۇ. تۆۋەندە كۆپچىلىكنىڭ دىققىتىگە، ھامىلدارلىق مەزگىلىدە دىققەت قىلىشقا تىگىشلىك ياكى ئىمكان قەدەر ئاز يۈز بىرىشكە تىگىشلىك ئىشلارنى تۇنۇشتۇرۇپ ئۆتىمىز.

بالا ئۈچۈن گىرىم قىلىپ ياسىنىشنى ۋاقتىنچە توختىتىش
    ھەرقانچە يىشىل تەبىئى مەھسۇلات دەپ تەشۋىق قىلىنغان گىرىم بۇيۇملىرىمۇ، يەنىلا خېمىيلىك ماددىلاردىن ياسالغان مەھسۇلات بولۇپ، قوغۇشۇن، سىماپ قاتارلىق تەركىبلىرى ئوخشاشلا كەم قالمايدۇ. بۇ خىل ماددىلار ھامىلدار ئايالنىڭ تىرىسى تەرپىدىن سۈمۈرۈلگەندىن كىيىن، ھامىيلىنىڭ غەلىتە شەكىللىنىپ قېلىش نىسبىتىنى ئۆرلىتىۋىتىدۇ.
ھەددىدىن ئارتۇق جىددىلىشىش
    روھى كەيپىياتى جىددىلىشىش ۋە كورتىكوئىد ھورمۇنى تۆرەلمە ئورگانىزىمىنىڭ يىتىلىشىگە تەسىر كۆرسىتىدىغان بولۇپ، بالىلاردا تۇشقان كالپۇك قاتارلىق كەمتۈكلۈك كۆرۈلۈش نىسبىتى يۇقىرىلاپ كىتىدۇ.

ئىت ۋە مۈشۈك باققان ھامىلدار ئاياللار دىققەت قىلىشى كىرەك
   ئەرمەك ھايۋان بېقىشنىڭ بالىلارنىڭ غەلىتە شەكىللىنىپ قېلىشىنى كەلتۈرۈپ چىقىرىشى ناتايىن؛ بىراق سانلىق مەلۇماتلاردا كۆرسىتىلىشىچە، ئەرمەك ھايۋانلار بىلەن يېقىندىن ئۇچرىشىدىغان ھامىلدار ئاياللارنىڭ كىسەللىك بىلەن يۇقۇملىنىش نىسبىتى %40گە يىتىدۇ.

بۇزۇلۇپ كۆكىرىپ قالغان يىمەكلىكلەرنى يىمەسلىك
    بۇ خىل تىجەشچانلىق، ياشلار توپىدا كۆپ كۆرۈلمەسلىكى مۇمكىن، ئەمما ياشقا چوڭراق كەلگەن كىشىلەر توپىدا بۇ خىل ئادەت بار. بەزى ھامىلدار ئاياللار، چوڭلارنىڭ كۆڭلىنى ئاياپ، ئېشىپ قالغان تاماق ياكى تۇرۇپ قالغان يىمەكلىكلەرنى يەپ قويىدۇ. بىراق بىلىشىڭىز كىرەككى، تۇرۇپ قالغان تاماق تەركىبىدە زىيانلىق زەمبۇرۇغلار پەيدا بولۇپ قالغان بولۇشى مۇمكىن بولۇپ، ھامىيلىنىڭ خروموسوملىرىنىڭ ئۈزۈلۈپ كىتىشىنى كەلتۈرۈپ چىقىرىدۇ.

ھامىلدار ئايال قىزىپ قالسا ئالاھىدە دىققەت قىلىش كىرەك
   ھامىلدارلىق مەزگىلىدە ھامىلدار ئايال زۇكام تىگىپ ياكى باشقا سەۋەپلەردىن قىزىپ قالسا، بۇ سەۋەپلىك ھامىيلىنىڭ مىڭە نىرۋا ھۈجەيرىلىرى ئۆلۈپ كىتىپ، بوۋاقنىڭ تۇغۇلغاندىن كىيىنكى ئەقلى ئىقتىدارىغا تەسىر يىتىشى مۇمكىن. شۇڭلاشقا، ھامىلدارلىق مەزگىلىدە ئىمكان قەدەر دىققەت قىلىپ، زۇكام تىگىپ قېلىشتىن ياكى باشقا سەۋەپلەر تۈپەيلىدىن قىزىپ قېلىشتىن ساقلىنىش لازىم.