بالىلارنىڭ كىيىم-كىچەك، يىمەك-ئىچمەك قاتارلىق كۈندىلىك تۇرمۇشى، ھەقىقەتەن ئانا بىلەن زىچ مۇناسىۋەتلىك؛ بىراق، ھەممىلا ئىشنى ئانىغا تاشلاپ قويۇشقا بولمايدۇ. تۆۋەندىكى ئون تۈرلۈك كىچىك ئىشنى ئەڭ ياخشىسى دادىلار ئورۇنلىشى كىرەك بولۇپ، بۇنىڭدا بالىلارنىڭ ئۆسۈپ-يىتىلىشىگە تېخىمۇ پايدىلىق بولىدۇ.
بالىلارغا كۆپرەك ھەمرا بولۇپ پىكىرلىشىش
    بالىلار بىلەن كۆپرەك پىكىرلەشكەن ۋاقىتتىلا، ئاندىن ئۇلارنىڭ كۆڭلىدىكىنى چۈشىنىپ يىتىشكە بولىدۇ. ئانىلار ئۆينىڭ باشقا ئىشلىرى بىلەنمۇ ئالدىراش بولۇپ كىتىدىغان بولغاچقا، ئادەتتە بالىنىڭ كەيپىياتىغا يىتەرلىك كۆڭۈل بۆلۈپ بولالمايدۇ. شۇڭلاشقا، ئانىلار ئۆينىڭ ئىشلىرى بىلەن ئالدىراش بولۇپ كەتكەن ۋاقىتتا، دادىلار بالىلار بىلەن پىكىرلىشىپ، ئۇلارنىڭ كۆڭۈل ئاۋازىنى ئاڭلاشنى ئەستىن چىقارماسلىقى كىرەك.

بالا بىلەن بىرلىكتە ھەرىكەتلىنىپ چېنىقىش
    ھەرىكەت قىلىپ چېنىقىش جەھەتتە، ئەرلەر كۆپىنچە ئاياللارغا قارىغاندا تېخىمۇ بەكرەك تالانتى بار بولۇپ، دادىلار بالىسىنى باشلاپ چېنىقىپ بەرسە، بالا بەدەن سۈپىتى تېخىمۇ ياخشى بولىدۇ؛ دادىنىڭ بوشاشماس ئىرادىسى ۋە يىڭىلگىنىگە تەن بەرمەسلىك روھىمۇ، تەدرىجى ھالدا بالىغا سىڭدۈرۈلىدۇ.

ھەر ھەپتىسى بالىسىغا ئاز دىگەندە بىر كۈن ھەمرا بولۇش
    دادىنىڭ ھەمرا بولۇشى بىلەن ئانىنىڭ ھەمرا بولۇشىدا ھەمىشە چوڭ پەرقلەر بار بولۇپ كىتىشى ناتايىن؛ بىراق بالىلارنىڭ ئۆسۈپ-يىتىلىش جەريانىدا دادىنىڭ كەمچىل بولۇپ قېلىشى، ھەر ئىككى تەرەپكە نىسبەتەن ئەپسۇسلىنارلىق بىر ئىش بولۇپ قالىدۇ.

بالىسىنىڭ مەكتىۋىدىكى ئاتا-ئانىلار يېغىنىغا قاتنىشىپ تۇرۇش
   ھەر قېتىملىق ئاتا-ئانىلار يېغىنىدا، قاتارىسىغا ئانىلار كىلىپ قاتنىشىدۇ؛ دادىلار ئاتا-ئانىلار يېغىنىغا قاتناشماي كىتىۋەرسە، بۇ ئۇلارنىڭ تەربىيەلەشنى ئۇقالماي قېلىشىنى كەلتۈرۈپ چىقىرىدۇ. بالىلارنىڭ ئەھۋالىنى كۆپرەك چۈشىنىپ يىتىش، بىلمەي تۇرۇپ قارىغۇلارچە باشقۇرىمەن دىگەندىن مىڭ ياخشى.

بالىسىغا ئۆزىنىڭ خىزمىتى ھەققىدە بەلگىلىك چۈشەنچە بىرىش
   ھەر كۈنى خىزمەت بىلەن ئالدىراش ئۆتسىڭىز، بالىڭىز كۆڭلىدە سىزدىن ئاغرىنىپ قېلىشى مۇمكىن؛ شۇڭلاشقا، بالىڭىزنى خىزمەت ئورنىڭىزغا ئېلىپ كىلىپ، خىزمەت ئەھۋالىڭىزنى ئۇنىڭغا كۆرسىتىپ قويۇڭ، بۇنىڭدا بالىڭىزنىڭ تېخىمۇ بەكرەك توغرا چۈشىنىشىگە ئىرىشەلەيسىز.

بالا بىلەن بىللە ئۆي ئىشلىرى قىلىش
    بالىغا ئۆي ئىشلىرىنى قىلىشىپ بىرىشنى ئۆگىتىپ، ئانىنى ئازاتلىققا چىقىرىش لازىم. ئۆي، ئانا بىر ئادەمنىڭ ئائىلىسى ئەمەس، شۇڭا ھەربىر ئائىلە ئەزاسىنىڭ ئورتاق كۈچ چىقىرىپ ساقلىشى لازىم بولىدۇ؛ ئۆي ئىشلىرىنى زىممىسىگە ئېلىشىپ بىرىشنى بىلگەن ۋاقىتتا، ئاندىن ئائىلىنىڭ ئەھمىيتىنى ھەقىقى تۇنۇپ يىتەلەيدۇ.

بالىنىڭ ئۆز بەدىنىگە قارىتا چۈشەنچە ھاسىل قىلىشىغا ياردەمدە بولۇش
    بالىلار جىنسىيەت تەربىيەسىنى ئېلىپ بېرىشتا، دادىلارنىڭ قاتنىشىشىدىن ئايرىلىپ قالغىلى بولمايدۇ؛ پەقەت ھەر ئىككى تەرەپ ئورتاق تىرىشىپ، بالىغا بۇ جەھەتتىكى ساۋاتلار ھەققىدە چۈشەنچە بەرگەن ۋاقىتتا، بالىنىڭ ئىدىيە قاراشلىرى ئاندىن مۇكەممەل يىتىلىدۇ. بەزىدە ئانىلارنىڭ مىڭ ئېغىزى سۆزىمۇ، دادىنىڭ بىر ئېغىز سۆزىگە يەتمەيدۇ.

بالىلارغا ئائىلە ئەزالىرىنى ھۆرمەت قىلىشنى ئۆگىتىش
    دۆلىتىمىزدىكى ئەنئەنىۋى ئائىلىلەردە، دادا بىر ئۆينىڭ ئىگىسى؛ دادا ئانىنى ياخشى كۆرۈپ، ئۇنىڭغا كۆڭلىنىڭ ئەڭ چوڭقۇر قېتىدىن ئورۇن بەرسە ھەمدە بۇ خىل مىھرى مۇھەببەتنى بالىغا يەتكۈزسە، بالىلار ئاندىن ھۆرمەت قىلىشنى ئۆگىنىدۇ.

بالىلارغا ھەمرا بولۇپ تەبىئەت ئۈستىدە ئىزدىنىش
    بالىلار قورقۇنچ ۋە تەشۋىشلىنىش ھىس قىلغان ۋاقىتتا، دادىلار ئۇلارغا جاسارەت بېغىشلىيالايدۇ؛ ھېچنىمىدىن قورقمايدىغان پوزىتسىيەسىمۇ، بالىلارنىڭ كۆڭلىنى خاتىرجەم قىلىدۇ. بالىلارنى تەۋەككۈل قىلىشقا مۇۋاپىق تۈردە رىغبەتلەندۈرۈپ بەرگەندە، بالىلار تېخىمۇ غەيرەتلىك ھەم قەيسەر چوڭ بولىدۇ.

بالىلارنى ناگاندا بىر كەپسىزلىك قىلىشقا كۈشكۈرتۈش
    ئانا مىھرى ئىنچىكە ھەم مۇلايىم بولىدۇ، ئەمما دادا مىھرىنىڭ ھەمىشە كەسكىنلىككە تولغان قاتتىق ۋە چوڭقۇر مەزمۇنلۇق بولۇپ كىتىشى ناتايىن. بالىلارغا كۆپرەك ئەركىنلىك بىرىپ، بالىلارنى ناگاندا بىر كەپسىزلىك ۋە ئۆز بېشىمچىلىق قىلىشقا قويۇپ بەرسەك، بالىلارغا تېخىمۇ كۆپ بىخەتەرلىك تۇيغۇسى ھىس قىلدۇرۇپ، ئۇلارنى تېخىمۇ ئۈمىدۋار قىلىپ تەربىيەلەپ چىقىشقا بولىدۇ.