ئادەتتە، ھامىلدار ئەمەس ۋاقىتتىمۇ، ئەگەر ئاخشىمى ئۇخلاش ھالىتىمىز توغرا بولماي قالسا، ئەتىسى بويۇن بەللىرىمىز ئاغرىپ قوپىمىز؛ شۇڭا، قوساقتا بالا بار ۋاقىتتا تېخىمۇ دىققەت قىلماق لازىم بولىدۇ.
    ئادەتتە ھامىلدار بولمىغان ۋاقىتتا، قانداق يېتىپ ئۇخلىغىمىز كەلسە شۇنداق يېتىپ ئۇخلايمىز؛ دۈم يېتىپ ئۇخلامدۇق ياكى پۇت قوللىرىمىزنى كېرىپ پۈتكۈل كارۋاتنى ئىگەللەپ ئۇخلامدۇق، چوڭ مەسىلە كۆرۈلمەيدۇ. ئەمما ھامىلدار بولغاندىن كىيىن، بۇنداق ھەر خىل ھەر ياڭزا كەلگەن ئۇخلاش ھالىتىنى ئۆزگەرتمەي بولمايدۇ.

بالىنى بېسىپ بىرىشنىڭ ئالدىنى ئېلىش
    ھامىلدار ئايالنىڭ قورسىقى تۆمۈردىن ياسالغان ئەمەس، شۇڭا ئازراق بېسىلىپ قالسىلا شەكلى ئۆزگىرىپ كىتىدۇ، شەكلى ئۆزگىرىپ كەتسە قورسىقىدىكى ھامىيلىگە تەسىر يىتىدۇ.
    شۇنىڭ ئۈچۈن، ئىلگىرى دۈم يېتىپ ئۇخلاشنى ياخشى كۆرىدىغان ئاياللار دىققەت قىلمىسا بولمايدۇ؛ ھامىلدار بولغاندىن كىيىن، دۈم يېتىپ ئۇخلىسا بالىنى بېسىپ بىرىپ، ھامىيلىگە خەۋپ ئېلىپ كىلىدۇ.
ھامىيلىنىڭ سۇدىن ئايرىلغان بېلىققا ئوخشاپ قېلىشىدىن ساقلىنىش
    باش سۈيى، ھامىيلىگە نىسبەتەن ئىنتايىن مۇھىم، شۇڭلاشقا ھامىلدارلىك كىيىنكى مەزگىلىدىكى تەكشۈرۈشتە باش سۈيىنىڭ ئاز كۆپلىكىگە قارايدۇ؛ ئەگەر باش سۈيى بەك ئاز قالسا، ئۇنداقتا ھامىيلىگە ئاسانلا ئوكسىگىن يىتىشمەي قالىدۇ.
    ھامىلدار ئايال ئۇخلىغان ۋاقتىدىمۇ دىققەت قىلىشى كىرەك؛ مەسىلەن، ئوڭدا ياتقان ۋاقىتتا، ھامىيلە ئوتتۇردا قېلىپ، باش سۈيى ئىككى تەرەپكە يېغىلىدۇ، بۇ ۋاقىتتا ھامىيلىگە ئاسانلا ئوكسىگىن يىتىشمەي قالىدۇ.

ھامىيلىنىڭ بىئارام بولۇپ قېلىشىدىن ساقلىنىش
    ئادەتتە، ھامىيلىدە مىدىرلاش كۆرۈلگەندىن كىيىن، ئۇلارنىڭ مىدىرلىشى، ھامىلدارنىڭ ئەھۋالىنىڭ ياخشى ياكى ئەمەسلىكىنى ئىپادىلەيدىغان مۇھىم بىر ئۆلچەم بولۇپ، ھامىيلە ئەگەر بىئارام بولۇپ قالسا، ئۇنداقتا ھامىيلە قاتتىق مىدىراپ كىتىدۇ. شۇڭلاشقا، ئەگەر قوساقتىكى بالا بەك مىدىرلاپ كەتسە، ئۆرۈلۈپ، باشقا ئۇخلاش ھالىتىدە يېتىش لازىم بولىدۇ.

ھامىلدارلىق ئوتتۇرا ۋە ئاخىرىقى مەزگىلىدە سول يېنىنى بېسىپ يېتىش
    ئادەتتىكى نورمال بالىياتقۇ، يىنىك دەرىجىدە ئوڭ تەرەپكە بۇرمىلانغان كىلىدۇ؛ بالىياتقۇ يوغىنىغاندىن كىيىن بولسا، ئوڭغا بۇرمىلىنىش دەرىجىسىمۇ ئاشىدۇ. بۇ ۋاقىتتا سول يېنىمىزنى بېسىپ ئۇخلىساق، بالىياتقۇدىكى بالا ھەمرىيىنىڭ قان ئايلىنىش مىقدارىغا پايدىلىق بولۇپ، ئوكسىگىن يىتىشمەي قېلىشنىڭ ئالدىنى ئالىدۇ.
   بىراق، بۇ يەردە ئېيتىلغان سول يېنىنى بېسىپ يېتىش، 90گىرادوسلۇق ھالەتتە سول يېنىنى بېسىپ يېتىشنى كۆرسەتمەيدۇ، بەلكى 30-15گىرادوسلۇق ھالەتنى ساقلىغان ئاساستا يېتىشنى كۆرسىتىدۇ. بۇنىڭدا، ھامىلدار ئايالمۇ ئۇنداق بىئاراملىق ھىس قىلمايدۇ.

ئوڭ ۋە سول يېنىنى ئالماشتۇرۇپ بېسىپ يېتىش
    بەزى ۋاقىتلاردا سول يېنىنى بېسىپ  يېتىۋىرىپ پۇتى سىقىراپ قالسا، ئوڭ يېنىنى ئالماشتۇرۇپ بېسىپ ياتسىمۇ بولىدۇ. بۇنىڭدىمۇ بەك يېنى بولۇش كەتمەيدۇ، ئادەتتە 30گىرادوسلۇق ھالەتنى ساقلىسا بولىدۇ.
ئۇخلاش ياستۇقىدىن پايدىلىنىش
    ئۇخلىغان ۋاقىتتا، ھامىيلىنىڭ ئېسىلىپ قېلىشىدىن ساقلىنىش ئۈچۈن، ھامىلدارلىق مەزگىلى مەخسۇس ئىشلىتىش ياستۇقىدىن پايدىلىنىشقا بولىدۇ.