ھازىر نۇرغۇن بالىلار ئۇخلىغىلى ياتقاندا ئاسانلىقچە ئۇخلىيالمايدۇ، بۇنداق ئەھۋالدا كۆپ قىسىم ئاتا-ئانىلار بالىسىنى ئەركىلىتىپ ئوينىشىپ بىرىشنى تاللايدۇ. ئەمىلىيەتتە، بۇ خىل ئادەت ياخشى ئادەت ئەمەس؛ چۈنكى بۇنىڭدا، بالىلار ئۇخلاشنىڭ ئالدىدا تېخىمۇ ھاياجانلىنىپ كىتىپلا قالماي، ئۇخلىغاندىن كىيىنمۇ ئۇيقۇ سۈپىتى ياخشى بولالمايدۇ. ئۇنداقتا، بالىلار ئۇخلاشنىڭ ئالدىدا، ئاتا-ئانىلار قانداق قىلغاندا بالىغا تېخىمۇ پايدىلىق بولىدۇ؟

بالىسى بىلەن بىللە كىتاپ ئوقۇش
    ئاتا-ئانىلار بالىسى بىلەن ئوخشاش بىر كىتابنى بىللە ئوقۇغان ۋاقىتتا، كىتاپتىكى بەزىبىر ئىلم-پەنگە چېتىلىدىغان بىلىملەر، ئاتا-ئانىلار ۋە بالىلارنىڭ بىلىمىنى موللاشتۇرۇپلا قالماي، يەنە ئۇلارنىڭ نەزەر دائىرىسىنى كېڭەيتىشكىمۇ پايدىلىق بولىدۇ. ئاتا-ئانىلار بالىسى بىلەن بىللە كىتاپ ئوقۇغاندا، بالىلارنىڭ تىل ئىپادىلەش ئىقتىدارىنى يۇقىرى كۆتۈرۈشكە بولىدۇ؛ بۇنىڭ بىلەن بىرگە، بالىنىڭ چۈشىنىش ئىقتىدارىنى يۇقىرى كۆتۈرۈپ، ئۇلارنىڭ ئۆسۈپ-يىتىلىشىگە پايدىلىق بولىدۇ.

    بالىلارنى مۇۋاپىق تۈردە ماختاپ بىرىش، ئۇلارنىڭ ئۆزىگە بولغان ئىشەنچىسىنى تۇرغۇزىشىغا پايدىلىق بولۇپ، بالىلارنىڭ تىرىشچانلىق كۆرسەتكەن يەرلىرىنى ماختاش بىلەن بىرگە ئۇلارغا بولغان ئۈمىدنى ئىپادىلەپ ئوتتۇرغا قويسا، بالىلارنى تېخىمۇ نىشانى ئىنىق قىلىشقا بولىدۇ. بۇندىن باشقا، بالىلارنى ماختاپ بەرگەندە، ئۇلار ئۆزىنىڭ دۇنيادىكى قىممىتى ۋە ئەھمىيىتىنى تۇنۇپ يىتىپ، ئۆزىنى كۆڭۈل بۆلۈشكە ۋە قوللاشقا ئىرىشكەندەك ھىس قىلىدۇ؛ بۇنىڭدا، بالا بىلەن ئاتا-ئانىسى ئوتتۇرسىدىكى يېقىنلىق تۇيغۇسىنى يىتىلدۈرۈشكە بولىدۇ. بۇنىڭ بىلەن بىرگە، ئاتا-ئانىسىنىڭ ماختىشى، بالىلارنىڭ ئاكتىپلىق بىلەن يۇقىرى ئۆرلەش قىزغىنلىقىنى قوزغاپ، ئۇلارنىڭ بىلىم ئېلىش ئىستىكى ۋە ئىزدىنىش روھىنى يىلتىلدۈرۈشكە پايدىلىق بولىدۇ.