ئاق ئاچچىقسۇ تائام تەييارلاشتا ئىشلىتىلىدىغان چۈچۈمەل تەملىك خۇرۇچ ماتىريالى بولۇپ، رەڭگى ئاق سۈزۈك كىلىدۇ. ئاق ئاچچىقسۇ سۇ، گۈرۈچ، ئستىمال قىلىشقا ئىشلىتىلىدىغان ئىسپىرت، يىمەكلىك تۇز قاتارلىقلارنى ئاساسلىق خام ئەشيا قىلىپ تەييارلىنىدۇ.
خەنزۇچە ئاتىلىشى:  白醋
چەتئەلچە ئاتىلىشى: white vinegar
ساقلاش ئۇسۇلى: تەسكەي ھەم قۇرغاق جايدا ساقلىنىدۇ
ئىشلىتىشكە ماس كىلىدىغان كىشىلەر توپى: چوڭ كىچىك ھەممە كىشىنىڭ ئىشلىتىشىگە ماس كىلىدۇ.

ئۇزۇقلۇق تەركىبى
    ھەر 100گىرام ئاق ئاچچىقسۇ تەركىبىدە، 6 كىلو كالورىيە ئىنىرگىيە، 99.4 گىرام سۇ، 26 مىللىگىرام كالتسىي، 225.9 مىللىگىرام ناترىي، 0.1 گىرام ئاقسىل، 0.35 مىكروگىرام سېلىن، 12 مىللىگرام كالىي، 2.2 مىللىگرام تۆمۈر، 0.11 مىللىگرام مىس بار.
ئىستىمال قىممىتى
    1. ئىشتىھانى ئاچىدۇ؛ ئاق ئاچچىقسۇ شۆلگەي ۋە ئاشقازان سۇيۇقلۇقىنىڭ ئاجرىلىشىنى ئىلگىرى سۈرۈپ، ھەزىم قىلىشقا ۋە بەدەنگە قۇبۇل قىلىشقا پايدىلىق بولىدۇ.
    2. ئاق ئاچچىقسۇنىڭ ناھايىتى ياخشى بولغان باكتىرىيەگە قارشى تۇرۇش ۋە باكتىرىيە ئۆلتۈرۈش ئۈنۈمى بار بولۇپ، ئۈچەي يوللىرى كىسەللىكى، تارقىلىشچان زۇكام ۋە نەپەسلىنىش كىسەللىكلىرىنىڭ ئۈنۈملۈك ئالدىنى ئالىدۇ.
    3. ئاق ئاچچىقسۇ قان تۇمۇرنى يۇمشىتىپ، خولىستىرىننى تۆۋەنلىتىدىغان بولۇپ، يۇقىرى قان بېسىم قاتارلىق يۈرەك قان تۇمۇر كىسەللىكلىرى بىمارلىرىغا قارىتا ئۈنۈملۈك دورا ھىسابلىنىدۇ.
    4. ئاق ئاچچىقسۇ تىرە ۋە چاچقا قارىتا قوغداش رولىنى ئوينايدىغان بولۇپ، جۇڭگۇ تىبابىتىدە ئاق ئاچچىقسۇنىڭ چاچ ئۆستۈرۈش، ھۆسىن گۈزەللەشتۈرۈش، قان بېسىمنى تۆۋەنلىتىش ۋە ئۇرۇقلىتىش قاتارلىق ئۈنۈمى بار دەپ قارىلىدۇ.
    5. ئاق ئاچچىقسۇ ھارغىنلىقنى تۈگىتىدىغان بولۇپ، ئۇيقۇنى ياخشىلايدۇ ھەمدە ماشىنىدا ۋە پاراخوتتا بېشى قېيىش قاتارلىق ئالامەتلەرنى يىنىكلىتەلەيدۇ.
    6. ئاق ئاچچىقسۇ ئاشقازان-ئۈچەي يوللىرى ۋە قان سۇيۇقلۇقى تەركىبىدىكى ئىسپىرت قۇيۇقلۇقىنى تۆۋەنىلىتەلەيدىغان بولۇپ، مەسلىكنى يىشىش رولى بار.
    7. ئاق ئاچچىقسۇنىڭ يەنە توخۇ سۆڭىكى ۋە بىلىق قىلتىرىقى قاتارلىقلارنى يۇمشىتىش رولى بار بولۇپ، بۇ ئارقىلىق كالتسىينىڭ بەدەنگە سۈمۈرلۈشىنى ئىلگىرى سۈرىدۇ.