تېتىتقۇ تەم-خۇرۇچلارنىڭ بىر تۈرى بولۇپ، ئاساسلىق تەركىبى قىسمى ناترىي گىلۇتۇمات؛ ناترىي گىلۇتۇمات بولسا ئامىنو كىسلاتا تۈرىدىكى بىر خىل ناترىيلىق تۇزدۇر. تېتىتقۇنىڭ ئاساسلىق رولى يىمەكلىككە تەم كىرگۈزۈش بولۇپ، جۇڭگۇچە تائام تەييارلاشتا ئەڭ كۆپ قوللىنىلىدۇ؛ بۇندىن باشقا تېتىتقۇنى شورپىغا تەم كىرگۈزۈش ۋە شەربەت قىيام تەڭشەش ئۈچۈن ئىشلىتىشكىمۇ بولىدۇ.
خەنزۇچە ئاتىلىشى: 味精
چەتئەلچە ئاتىلىشى:  Monosodium glutamate
ئاساسلىق تەركىبى: ناترىي گىلۇتۇمات (谷氨酸钠)
ئاساسلىق رولى:  يىمەكلىككە تەم كىرگۈزۈش

 

ئۇزۇقلۇق قىممىتى
   ھەر 100 گىرام تېتىتقۇ تەركىبىدە 268 كىلوكالورىيە ئىنىرگىيە، 26.5 گىرام كاربون سۇ بىرىكمىلىرى، 0.2 گىرام ياغ، 40.10 گىرام ئاقسىل، 0.08 مىللىگىرام تىئامىن ماددىسى، 0.3 مىللىگىرام نىكوتىنىك كىسلاتا، 0.7 مىللىگىرام ماگنىي، 100 مىللىگىرام كالتسىي، 1.2 مىللىگىرام تۆمۈر، 0.31 مىللىگىرام سىنىك، 0.12 مىللىگىرام مىس، 0.67 مىللىگىرام مانگان، 4 مىللىگىرام كالىي، 4 مىللىگىرام فوسفور، 8.16 گىرام ناترىي، 0.98 مىكروگىرام سېلىن بار.
دورىلىق قىممىتى
    تېتىتقۇنىڭ ئادەم بەدىنىگە بىۋاستە ئۇزۇقلۇق قىممىتى يوق؛ ئەمما ئۇ يىمەكلىككە تەم كىرگۈزۈپ، ئادەمنىڭ ئىشتىھاسىنى قوزغايدۇ ۋە ئادەم بەدىنىنىڭ يىمەكلىكلەرنى ھەزىم قىلىش نىسپىتىنى يۇقىرى كۆتۈرۈشكە پايدىلىق بولىدۇ.
تېتىتقۇنىڭ ئاساسلىق تەركىبى ناترىي گىلۇتۇمات بولۇپ، بۇنىڭ ئاستا خارەكتىرلىك جىگەر ياللۇغى، جىگەر ھۇشسىزلىنىش، نىرۋا ئاجىزلاش، تۇتقاقلىق كىسەل ۋە ئاشقازان كىسلاتاسى كەمچىل بولۇش قاتارلىق كىسەللىكلەرگە قارىتا بەلگىلىك دەرىجىدە داۋالاش ئۈنۈمى بار.