پۇرچاق بوتقىسى بولسا بىر خىل تەم تەڭشەشتە ئىشلىتىلىدىغان خۇرۇچ ماتىريالى بولۇپ، ئاساسلىق خام ئەشياسى باقىلا پۇرچىقى(蚕豆) ۋە سېرىق پۇرچاق بولۇپ، بۇنىڭدىن باشقا يەنە مۇچ، كۈنجۈت مېيى، تۇز قاتارلىق قوشۇمچە ماتىرياللارنىمۇ قوشۇش ئارقىلىق تەييارلىنىدۇ.
خەنزۇچە ئاتىلىشى:  豆瓣酱
چەتئەلچە ئاتىلىشى:  thick broad-bean sauce
ئاساسلىق خام ماتىريالى: باقىلا پۇچىقى، سېرىق پۇرچاق، تۇز، مۇچ، كۈنجۈت مېيى
ئۇزۇقلۇق قىممىتى: خولىستىرىننى تۆۋەنلىتىش، راكقا قارشى تۇرۇش، ئارتىرىيە قېتېشىشىنى كەينىگە سۈرۈش

ئۇزۇقلۇق تەركىبى
   ھەر 100 گىرام پۇرچاق بوتقىسى تەركىبىدە 13.6 گىرام ئاقسىل، 6.8 گىرام ياغ، 17.1 گىرام كاربون سۇ بىرىكمىلىرى، 1.5 گىرام تالا ماددىسى، 15.9 گىرام كۈل ماددىسى، 0.11 مىكروگىرام تىئامىن، 0.46 مىللىگىرام رىبوفلاۋىن، 2.4 مىللىگىرام نىكوتىنىك كىسلاتا، 0.57 مىللىگىرام ۋىيتامىن E، 53 مىللىگىرام كالتسىي، 154 مىللىگىرام فوسفور بار.

ئىستىمال قىممىتى
    1. پۇرچاق تەركىبىدىكى لېتسىتىننىڭ ئادەم بەدىنى مىتابولىزىم ئىقتىدار ۋە ئىممونت كۈچىنى يۇقىرى كۆتۈرۈش ئۈنۈمى بار بولۇپ، ئۇ ئادەم بەدىنىنىڭ ئاياللىق ھورمۇن ئاجرىتىپ چىقىرىشىنى ئازايتىدۇ ھەمدە راك كىسەللىكىنىڭ ئالدىنى ئېلىشتا، بولۇپمۇ سۈت بېزى راكىنىڭ ئالدىنى ئېلىشتا بەلگىلىك رول ئوينايدۇ.
    2. ئادەم بەدىنىدىكى خولىستىرىننى تۆۋەنلىتىپ، يۈرەك قان تۇمۇر كىسەللىكلىرىنى ئازايتىدۇ ھەمدە يۇقىرى قان بېسىم ۋە تاجىسىمان يۈرەك كىسەللىكىگە گىرىپتار بولۇپ قېلىشنىڭ ئالدىنى ئالىدۇ.
    3. ئادەم بەدەن ئورگانىزىمىنىڭ قېرىشىنى كەينىگە سۈرۈش رولى بار ھەمدە چوڭ مىڭە نىرىۋىلىرىغا پايدىلىق بولۇپ، نىرۋىسى ئاجىز ۋە بەدەن سۈپىتى ئاجىز كىشىلەرنىڭ ئىستىمال قىلىشىغا ئىنتايىن ماس كىلىدۇ.
دىققەت قىلىشقا تىگىشلىك ئىشلار
   يۇقىرى قان بسىم كىسەللىكى، بۆرەك كىسەللىكى بار كىشىلەر ئاز ئىستىمال قىلىشى كىرەك. بۇنىڭدىن باشقا G6pD كەمچىل (ئادەتتە باقىلا پۇرچاق كىسىلى دەپ ئاتىلىدۇ) كىشىلەر پۇچاق بوتقىسى ئىستىمال قىلغاندا، قان ئىرىش رىئاكسىيىسى (溶血反应) پەيدا قىلىشى مۇمكىن.