پەمىدۇر قىيامى، يىڭى پەمىدۇرنىڭ قىيام ھالىتىدىكى قۇيۇقلاشتۇرۇپ ئىشلەنگەن مەھسۇلاتى بولۇپ، ئەڭ بۇرۇن 19- ئەسىردە دۆلىتىمىزدە تۇنجى بولۇپ پەيدا بولغان. پەمىدۇر قىيامى قىزىل رەڭلىك قىيام بولۇپ، پەمىدۇرنىڭ ئۆزگىچە تەمىگە ئىگە بولغان بىر خىل ئالاھىدە تەم تەڭشەش خۇرۇچ ماتىريالىدۇر.
   پەمىدۇر قىيامى، پىشقان پەمىدۇرنى ئىزىپ قىيام قىلىپ، پستى ۋە ئۇرۇغى قاتارلىق قاتتىق تەركىبلىرىنى چىقىرۋەتكەندىن كىيىن، قۇيۇقلاشتۇرۇپ ھەم باكتىرىيە ئۆلتۈرۈش تەرتىپلىرىدىن ئۆتكۈزۈلۈپ ئوراپ قاچىلانغان مەھسۇلات بولۇپ، ئادەتتە قورۇما قورىغاندا رەڭ ئاشۇرۇش، تەم كىرگۈزۈش، چۈچۈك تەم كىرگۈزۈش ئۈچۈن ئىشلىتىلىدۇ.
خەنزۇچە ئاتىلىشى:  番茄酱
چەتئەلچە ئاتىلىشى:  ketchup
ئاساسلىق خام ئەشياسى:  پەمىدۇر

ئۇزۇقلۇق تەركىبى
   پەمىدۇر تەركىبىدە لىكوپىن(番茄红素)  بولغاندىن سىرت، يەنە B تۈرىدىكى ۋىيتامىن، يىمەكلىك تالا ماددىسى، ئادەم بەدىنىگە زۈرۈر بولغان مىنرالنى ئىلمىنىتلار، ئاقسىل ۋە تەبىئى پىكتىن(天然果胶) قاتارلىقلار بار بولۇپ، پەمىدۇرغا سېلىشتۇرغاندا، پەمىدۇر قىيامى تەركىبىدىكى ئۇزۇقلۇق ماددىلار ئادەم بەدىنى تەرپىدىن تېخىمۇ ئاسان سۈمۈرلىدۇ.

ئىستىمال قىممىتى
    1. پەمىدۇرقىيامى تەركىبىدىكى لىكوپىننىڭ باكتىرىيەلەرنىڭ پەيدا بولۇشى ۋە ئۆسۈشىنى توسۇش ئۈنۈمى بار بولۇپ، ئوكسىدلىنىشقا قارشى بىر خىل ئەلا سۈپەتلىك ماددا ھىسابلىنىدۇ؛ بۇ ماددا ئادەم بەدىنىدىكى ئەركىن رادىكاللارنى يوقىتالايدىغان بولۇپ، راكقا قارشى تۇرۇش ئۈنۈمى كاروتىننىڭ ئىككى ھەسسىسىگە تەك كىلىدۇ.
   2. تىببى تەتقىقاتلاردا بايقىلىشىچە، پەمىدۇرقىيامى تەركىبىدىكى لىكوپىننىڭ بەزى خىلدىكى راك كىسەللىكىگە قارىتا ئالدىنى ئېلىش رولى بار بولۇپ، سۈت بېزى راكى، ئۆپكە راكى، بالىياتقۇ شىللىق پەردىسى راكى قاتارلىقلارغا قارىتا توسۇش رولىنى ئوينايدىكەن ھەمدە ئۆپكە راكى ۋە بوغما ئۈچەي راكىغا قارشى تۇرىدىكەن.
    3. پەمىدۇر قىيامىنىڭ ئىشتىھانى ئېچىش ئۈنۈمى بار بولۇپ، ئۇنىڭ تەركىبىدىكى لىكوپىن، ياغ تەركىبى بولغان ھالەت ئاستىدا، ئادەم بەدىنى تەرپىدىن تېخىمۇ ئاسان سۈمۈرۈلىدىكەن.
   4. پەمىدۇر قىيامى ئارتىريە قېتىشىش، يۇقىرى قان بېسىم، تاجىسىمان يۈرەك كىسەللىكى، بۆرەك ياللۇغى قاتارلىق كىسەللىكلەر بار بىمارلارنىڭ ئىستىمال قىلىشىغا تېخىمۇ ماس كىلىدىغان بولۇپ، بەدىنى سۇغۇق مىجەز، قان بېسىمى تۆۋەن، قىش پەسىللىرى پۇت-قوللىرى ئاسان مۇزلايدىغان كىشىلەرگە نىسبەتەن پەمىدۇر قىيامى ئىستىمال قىلىش، پەمىدۇر ئىستىمال قىلىشتىن ئەۋزەل ھىسابلىنىدۇ.