ئاقمۇچ، قارىمۇچ ئائىلىسىدىكى ئۆسۈملۈكنىڭ قۇرۇق ھەم پىشقىلى ئاز قالغان مەزگىلدىكى مىۋىسى بولۇپ، تەمى ئاچچىق كىلىدۇ؛ ئاقمۇچ ئادەتتە سوقۇپ تالقان(پاراشوك) قىلىنىپ، كۈندىلىك تۇرمۇشىمىزدا ئەڭ كۆپ ئىشلىتىلىدىغان تەم-خۇرۇچ ماتىرياللىرىنىڭ بىرى سۈپىتىدە ئىشلىتىلىدۇ.
خەنزۇچە ئاتىلىشى:  白胡椒
ئىنگىلىزچە ئاتىلىشى:  white pepper
باشقىچە ئاتىلىشى: لەيلىمەمۇچ (浮椒)
تارقالغان رايونلار:  دۆلىتىمىزنىڭ گۇاڭدۇڭ، گۇاڭشى ۋە يۈننەن ئۆلكىسى

ئۇزۇقلۇق قىممىتى
   1. ئاقمۇچنىڭ ئاساسلىق تەركىبى قارىمۇچ ئىشقارى بولۇپ، ئۇنىڭ يەنە بەلگىلىك مىقداردىكى خۇشپۇراق ماي، يىرىك ئاقسىل، كىراخمال ۋە سۇدا ئىرىشچان ئازوت تەركىبلىرىمۇ بار. ئاقمۇچنىڭ گۆش تۈرىدىكى يىمەكلىكەردىكى غەلىتە پۇراقنى يوقىتىش، مايلىقلىق سىزىمىنى يوقىتىش، ھەزىم قىلىشقا پايدىلىق بولۇش قاتارلىق ئۈنۈملەرگە ئىگە بولۇپ، ئۇنىڭ پۇرىقى ئادەمنىڭ ئىشتىھاسىنى ئاچىدۇ.
   2. ئاقمۇچنىڭ تەبىئىتى ھۆل ئىسسىق بولۇپ، بەدەندىكى سوغۇق يەلنى ھەيدەيدۇ؛ سۇغۇقتىن بولغان ئاشقازان ۋە قورساق قىسىم ئاغرىش، ئۈچەي كورۇلداپ ئىچى سۈرۈش قاتارلىقلارغا قارىتا بەلگىلىك دەرىجىدە ياخشىلاش رولى بار؛ بۇلاردىن باشقا، ئاقمۇچ ئادەمنىڭ تەرلىشىنى ئىلگىرى سۈرىدىغان بولۇپ، سۇغۇقتىن بولغان زۇكامنى داۋالاشقا پايدىلىق.
   3. ئاقمۇچ قوشۇلغان تائاملار ئاسان بۇزۇلۇپ قالمايدىغان بولۇپ، بۇ ئاقمۇچنىڭ يەنە چىرىشنىڭ ئالدىنى ئېلىش ۋە باكتىرىيەلەرنى توسۇش رولى بارلىقىنى بىلدۈرىدۇ؛ ئاقمۇچ يەنە بىلىق ۋە راكلاردىكى گۆش زەھىرىنى ياندۇرالايدۇ.