كۈنجۈت بىر يىللىق سامان غوللۇق ئۆسۈملۈك بولۇپ، بۇنىڭ ئۇرۇغى ئادەتتە بىز ئىشلىتىدىغان كۈنجۈتتۇر. كۈنجۈتنىڭ ماي تەركىبى %55گە يىتىدىغان بولۇپ، ماي چەككىلەپ ئېلىشقا ۋە دورىغا ئىشلىتىشكە بولىدۇ، ئادەتتە تۇرمۇشىمىزدا بولسا تەم-خۇرۇچى ئورنىدا ئىشلىتىلىدۇ.
خەنزۇچە ئاتىلىشى:  芝麻
لاتىنچە ئاتىلىشى: Sesamum indicum L.
تەۋەلىكى: ئۆسۈملۈكلەر دۇنياسى—يېپىق ئۇرۇقلۇق ئۆسۈملۈكلەر تىپى—جۈپ پەللىلىك ئۆسۈملۈكلەر سىنىپى—بىرلەشمە بەرگىلىك گۈللەر كەنجى سىنىپى—نەيچىسىمان گۈللۈكلەر ئەترىتى—كۈنجۈت ئائىلىسى—كۈنجۈت ئۇرۇقدىشى

ئاساسلىق ئىشلىتىلىش قىممىتى
   كۈنجۈت ئۇرۇغىنىڭ ماي تەركىبى %55كە يىتىدىغان بولۇپ، تۇرمۇشتا يىمەكلىك ۋە تەم خۇرۇچ ئورنىدا ئىشلىتىشتىن باشقا، ئۇنىڭدا يەنە ماي چەككىلەپ ئېلىشقا بولىدىغان بولۇپ، چەككىلەپ ئېلىنغان ماينى ئىستىمال قىلىشقا ۋە ئاياللارنىڭ چېچىغا سۈرۈشكە ئىشلىتىشكە بولىدۇ.
   دورىلىق ئىشلىتىش جەھەتتە، كۈنجۈتنى مەلھەملەرنىڭ ئاساسى ئاگېنتى، يېپىشقا يوللارنى سىلىقلاشتۇرغۇچى ئاگېنتى ۋە زەھەر قايتۇرۇش ئاگېنتى ئورنىدا ئىشلىتىشكە بولىدۇ. بۇندىن باشقا قارا كۈنجۈت تەركىبىدىكى ياغ تەركىبلىرىنىڭ ئۇزۇقلاندۇرۇش رولى بار بولۇپ، يۇقىرى قان بېسىمى كىسەللىكىگە بەلگىلىك دەرىجىدە داۋالاش ئۈنۈمى بار.