توخۇ تەم جەۋھىرى توخۇ تېنىدىن چەككىلەنگەن ئەمەس، ئۇ تېتىتقۇنىڭ ئاساسىدا خېمىيىلىك تەڭشەلگەن ماددىلارنى قوشۇش ئارقىلىق تەييارلانغان بىرخىل تەم-خۇرۇچى بولۇپ، ئۇنىڭ تەركىبىدىكى نوكلىئوتىدنىڭ يىڭى توخۇ گۆشى تەمى بولغانلىق سەۋەبىدىن توخۇ تەم جەۋھىرى دەپ ئاتالغان.
   توخۇ تەم جەۋھىرىنى تېتىتقۇ ئىشلەتكەن ھەرقانداق ئورۇندا ئىشلىتىشكە بولىدىغان بولۇپ، قورۇما، شورپا ۋە چۆپلەرگە مۇۋاپىق تۈردە قوشۇلغاندا ھەممىسىدە تەم كىرگۈزۈش ئۈنۈمى ھاسىل قىلىشقا بولىدۇ. توخۇ تەم جەۋھىرىدە ناترىي گلۇتامات بار بولغاندىن سىرت، ئۇنىڭ تەركىبىدە يەنە كۆپ خىل ئامىنو كىسلاتارلىرى بار بولغاچقا، ئۇ ھەم ئىشتىھانى ئاچىدىغان ھەم بەلگىلىك دەرىجىدە ئۇزۇقلۇق يەتكۈزۈدىغان بىر خىل خۇرۇچ ماتىريالى بولۇپ ھىسابلىنىدۇ.
خەنزۇچە ئاتلىشى:  鸡精
ئاساسلىق تەركىبى:  ناترىي گلۇتامات(谷氨酸钠)
ئىشلىتىشكە ماس كىلىدىغان كىشىلەر توپى:  ئادەتتىكى كىشىلەر توپىنىڭ ھەممىسىگە ماس كىلىدۇ
ئىشلىتىشكە ماس كەلمەيدىغان كىشىلەر توپى: يۇقىرى قان بېسىمى بارلار ۋە يەللىك بوغۇم ئاغرىقى بار بىمارلار ئاز ئىستىمال قىلىش كىرەك.

ئۇزۇقلۇق تەركىبى
    ئادەتتە ھەر خىل ماركىدىكى توخۇ تەم جەۋھىرىنىڭ ئارىلاشتۇرۇش نىسپىتىدە بەلگىلىك پەرق بار، ئەمما دۆلەتنىڭ ئالاقىدار ئىشلەپچىقىرىش ئۆلچەملىرىگە ئاساسەن ھەر 100 گىرام توخۇ تەم جەۋھىرىنىڭ تەركىبىدىكى ناترىي گلۇتاماتنىڭ مىقدارى 35 گىرام ياكى ئۇنىڭدىن يۇقىرى؛ خىلورىدلىق ماددىلارنىڭ تەركىبى ئەڭ يۇقىرى بولغاندا 40 گىرام؛ تەم كۆتۈرۈش نوكلىئوتىدنىڭ مىقدارى 1.1 گىرام ياكى ئۇنىڭدىن يۇقىرى؛ قۇرۇتقاندا ئېغىرلىقنى يوقىتىش مىقدارى ئەڭ كۆپ بولغاندا 3 گىرام؛ توتال نىتروگىن مىقدارى 3 گىرام ياكى ئۇنىڭدىن يۇقىرى؛ باشقا نىتروگىنلىق ماددىلارنىڭ مىقدارى 0.2 گىرام ياكى ئۇنىڭدىن يۇقىرى كىلىدۇ.
دورىلىق ئۈنۈمى
    توخۇ تەم جەۋھىرىنىڭ ئىشتىھانى ئېچىش، ھەزىم قىلىشقا پايدىلىق بولۇش ئۈنۈمى بار بولۇپ، تەركىبىنىڭ ئۇزۇقلۇق قىممىتى تېتىتقۇغا قارىغاندا تېخىمۇ يۇقىرى.
ئىشلىتىشتە بىلىشكە تىگىشلىك ئىشلار
    1 توخۇ تەم جەۋھىرىنىڭ تەركىبىدە %10 ئەتراپىدا تۇز بار بولۇپ، يىمەكلىككە قوشۇشتىن توخۇ تەم جەۋھىرى قوشۇشتىن ئاۋۋال، تۇز قوشقاندا تۇز مىقدارىنى مۇۋاپىق تەڭشەش كىرەك.
    2. توخۇ تەم جەۋھىرىنىڭ تەركىبىدە نوكلىئوتىن بار بولۇپ، بۇ ماددىنىڭ مىتابولىزىمدىن كىيىنكى ھاسىلاتى سۈيدۈك كىسلاتاسى؛ شۇڭلاشقا يەللىك بوغۇم ئاغرىقى بار بىمارلار توخۇ تەم جەۋھىرىنى ئاز ئىستىمال قىلىشى كىرەك.
    3. توخۇ تەم جەۋھىرىنىڭ سۇدا ئىرىشچانلىقى نىسبەتەن ناچار بولۇپ، ئەگەر شورپىلارغا قوشۇش توغرا كەلسە، ئاۋال سۇدا ئىرىتكەندىن كىيىن ئىشلىتىش كىرەك، بۇنداق بولغاندا تەم سىزىمىمىز تېخىمۇ ياخشى تېتىيالايدۇ.
    4. توخۇ تەم جەۋھىرى تەركىبىدە تۇز بار، ئۇنىڭ ئۈستىگە سۇ سۈمۈرۈشچانلىقى كۈچلۈك بولغاچقا، ساقلاش جەريانىدا ئورالمىنىڭ ئېغىزىنى چىڭ ئىتىپ ساقلاش لازىم؛ بولمىغاندا، ئۇزۇقلۇق تەركىبى مول بولغان توخۇ تەم جەۋھىرىدە كۆپ مىقداردىكى مىكروپ پەيدا بولۇپ، يىمەكلىكنى بولغايدۇ.
    5. كۆپ مىقداردا توخۇ تەم جەۋھىرى ئىشلىتىش، بەدەننىڭ قىسقا ۋاقىت ئىچىدە زور مىقداردا ناترىي گلۇتامات سۈمۈرىشىنى كەلتۈرۈپ چىقىرىدىغان بولۇپ، ئەگەر بەدەنگە سۈمۈرۈلگەن ناترىي گلۇتامات ئادەم بەدىنىنىڭ مىتابولىزىم ئىقتىدارى يۇقىرى چېكىدىن ئېشىپ كەتكەندە، ئادەم بەدەن ساغلاملىقىغا بىۋاستە زىيانلىق تەسىر ئېلىپ كىلىدۇ؛ ئېغىر بولغاندا يىمەكلىكتىن زەھەرلىنىشنى، بەزىدە راك كىسەللىكلىرىنى كەلتۈرۈپ چىقىرىشى مۇمكىن.