قىچا تالقىنى ئادەتتە يىشىل قىچا تالقىنى ۋە سېرىق قىچا تالىقىنى دەپ ئايرىلىدىغان بولۇپ، قىچىنىڭ ئۇرۇغىنى سوقۇپ ئىزىش ئارقىلىق تەييارلىنىدۇ. قىچا تالقىنى تىلنى غىدىقلايدىغان ئاچچىق تەملىك بولۇپ، سۇ قوشۇپ نەمدەلسە، كۆزنى ئېچىشتۇرۇپ ياش ئاققۇزىدىغان پۇراق تارقىتىپ، تەم سەزگۈ ۋە پۇراق سەزگۈلىرىگە قارىتا غىدىقلاش تەسىرى كۆرسىتىدۇ.
   قىچا تالقىنى ئادەتتە چىلىغان كۆكتات تەييارلاش، خام گۆش تۇزلاش ياكى سالات تەييارلىغاندا تەم تەڭشىگۈچ ئورنىدا ئىشلىتىلىدۇ.
خەنزۇچە ئاتىلىشى:  芥末
ئىنگىلىزچە ئاتىلىشى:  mustard
باشقىچە ئاتىلىشى: قىچا ئۇرۇغى تالقىنى

ئۇزۇقلۇق تەركىبى
   ھەر 100گىرام قىچا تالقىنى تەركىبىدە، 476 كىلوكالورىيە ئىنىرگىيە، 23.6 گىرام ئاقسىل، 29.9 گىرام ياغ،35.3 گىرام كاربون سۇ بىرىكمىلىرى، 7.2 گىرام يىمەكلىك تالا ماددىسى، 32 مىكروگىرام ۋىيتامىن A، 190 مىكروگىرام كاروتىن، 0.17 مىللىگىرام تىئامىن، 0.38 مىللىگىرام رىبوفلاۋىن، 4.8 مىللىگىرام نىكوتىنىك كىسلاتا، 9.83 مىللىگىرام ۋىيتامىن E، 656 مىللىگىرام كالتسىي، 530 مىللىگىرام فوسفور، 7.8 مىللىگرام ناترىي، 321 مىللىگىرام ماگنىي، 17.2 مىللىگىرام تۆمۈر، 3.62 مىللىگىرام سىنىك، 69.01 مىكروگىرام سېلىن، 0.63 مىللىگرام مىس، 3.05 مىللىگىرام مانگان، 366 مىللىگىرام كالىي قاتارلىقلار بار.