كۈنجۈت مېيى—كۈنجۈتتىن چەككىلەپ ئېلىنغان ماي بولۇپ، ئالاھىدە خۇشپۇراق كىلىدۇ، شۇڭلاشقا ئادەتتە خۇشپۇراقلىق ماي دەپمۇ ئاتىلىدۇ. كۈنجۈت مېيى ئادەتتە ناھايىتى سۈزۈك، ئاپلىسىن سېرىقىدىن ئازراق قىزىلغا مايىل رەڭدە كىلىدىغان بولۇپ، ئىسسىق ۋە سۇغۇق سەي تەييارلاشتا ھەم شورپا قاينىتىشتا ئىشلىتىلىدىغان، تائامغا خۇشپۇراق كىرگۈزۈپ، يىڭى تەملىك قىلىدىغان تېتىتقۇ خۇرۇچلىرىنىڭ بىر خىلىدۇر.

خەنزۇچە ئاتىلىشى:   芝麻油（或香油）
باشقىچە ئاتىلىشى:    خۇشپۇراقلىق ماي
ئاساسلىق خام ئەشياسى:  كۈنجۈت
ئاساسلىق ئۇزۇقلۇق تەركىبى:  ۋىيتامىن E، لىنون كىسلاتاسى، تۆمۈر، كالتسىي قاتالىقلار
ئىستىمال قىلىشقا ماس كەلمەيدىغان كىشلەر توپى: باكتىرىيەلىك تولغاق كىسىلىگە گىرىپتار بولغانلار، جىددى خارەكتىرلىك ئاشقازان-ئۈچەي ياللۇغۇغا گىرىپتار بولغانلار، ئىچى سۈرۈپ قىلغانلار كۈنجۈت مېيىنى كۆپ ئىستىمال قىلىشتىن ساقلىنىش لازىم.

    1. ھەركۈنى ئۇخلاشتىن بورۇن، ئەتىگەنلىكى ئورنىدىن تۇرغاندىن كىيىن يېرىم قۇشۇق كۈنجۈت مېيى ئىچىپ بەرسە، كاناي ياللۇغى ۋە قەۋزىيەتنى داۋالاش ئۈنۈمى بار.

    2. چىش ئەتراپى ياللۇغى، ئېغىزى پۇراش، بادامسىمان بەز ياللۇغى، چىش مىلىكى قاناش قاتارلىق كىسەللىكلىرى بار كىشىلەر ھەر كۈنى يېرىم قۇشۇق كۈنجۈت مېيىنى ئېغىزىغا ئېلىپ تۇرۇپ بەرسە، كىسەللىك ئالامەتلىرىنى يىنىكلىتىشكە ئۈنۈمى بار.

    3. كۈنجۈت مېيىنى داۋاملىق ئىستىمال قىلىپ بەرسە، ئارتىرىيە قېتىشىشنىڭ ئالدىنى ئېلىشقا بولىدۇ.