ئالقات، پىدىگەن ئائىلىسىدىكى ئۆسۈملۈكنىڭ مىۋىسى بولۇپ، ئاساسلىقى دۆلىتىمىزنىڭ غەربى شىمال قىسىمىغا جايلاشقان. ئالقات ئادەتتە تۇرمۇشتا ئىستېمال قىلىشقا ۋە دورىلىققا ئىشلىتىلىدۇ.
   خەنزۇچە ئاتىلىشى: 枸杞
   تەۋەلىكى: ئۆسۈملۈكلەر دۇنياسى—يېپىق ئۇرۇقلۇق ئۆسۈملۈكلەر تىپى—قوش پەللىلىك ئۆسۈملۈكلەر سىنىپى—نەيچىسىمان گۈللۈكلەر ئەترىتى—پىدىگەن ئائىلىسى—ئالقات ئۇرۇقدىشى
   تارقالغان رايونى: جۇڭگۇ، چاشىيەن، ياپونيە، ياۋرۇپا

ئۇزۇقلۇق تەركىبى
   ھەر 100 گىرام ئالقات تەركىبىدە، تەخمىنەن 42 كىلوكالورىيە ئېنېرگىيە، 0.5 گىرام ئاقسىل، 75 گىرام سۇ تەركىبى، 10.6 گىرام كاربون سۇ بىرىكمىلىرى، 10.6 گىرام شېكەر، 6 مىللىگىرام ناترىي، 11 مىللىگىرام ماگنىي، 28 مىللىگىرام فوسفور، 250 مىللىگىرام كالىي، 30 مىللىگىرام كالتسىي، 0.5 مىللىگىرام تۆمۈر، 0.17 مىللىگىرام مىس، 2 مىللىگىرام ۋىتامىن C بار.
ئىستېمال قىممىتى
   ئالقات، سەھىيە مىنىستىرلىكى تەرىپىدىن "ئىستېمال ۋە دورىلىققا ئىشلىتىلىدىغان" سورت دەپ ئەنگە ئېلىنغان بولۇپ، ھەر خىل يېمەكلىك، ئىچىملىك، ساغلاملىق ھارىقى، ساغلاملىق بۇيۇملىرى قاتارلىقلارنى پىششىقلاپ ئىشلەشكە ئىشلىتىلىدۇ؛ تۇرمۇشتا شورپا قايناتقان ياكى شورۋىگۈرۈچ پىشۇرغان ۋاقىتتا دائىم ئالقات قوشۇپ بىللە قاينىتىپ پىشۇرۇلىدۇ.