خولىنجان، جۇڭگۇ تىبابىتى دورا ئۆسۈملۈكى بولۇپ، دورىغا قوشۇپ ئىشلىتىش بىلەن بىرگە، تۇرمۇشتا يەنە تەم تەڭشەش خۇرۇچ ماتېرىيالى ئورنىدا ئىشلىتىلىدۇ.
   خەنزۇچە ئاتىلىشى: 高良姜
   تەۋەلىكى: ئۆسۈملۈكلەر دۇنياسى—يېپىق ئۇرۇقلۇق ئۆسۈملۈكلەر تىپى—تاق پەللىلىك ئۆسۈملۈكلەر سىنىپى—بانان ئەترىتى—زەنجىۋىل ئائىلىسى—تاغ زەنجىۋىلى ئۇرۇقدىشى
   ئىشلىتىلىدىغان قىسىمى: غولى ۋە يىلتىز قىسىمى قۇرۇتۇلغاندىن كېيىن يۇيۇپ پاكىزلاپ ئىشلىتىلىدۇ.

ئۇزۇقلۇق تەركىبى
   ھەر 100 گىرام خولىنجان تەركىبىدە، تەخمىنەن 24 كىلوكالورىيە ئېنېرگىيە، 1.3 گىرام ئاقسىل، 0.3 گىرام ياغ، 94 گىرام سۇ، 4.1 گىرام كاربون سۇ بىرىكمىلىرى، 1.1 گىرام تالا ماددىسى، 27 مىللىگىرام فوسفور، 5 مىللىگىرام كالتسىي، 0.1 مىللىگىرام تۆمۈر، 0.24 مىللىگىرام ۋىتامىن B1، 0.06 مىللىگىرام ۋىتامىن B، 0.4 مىللىگىرام نىكوتىنىك كىسلاتا، 22 مىللىگىرام ۋىتامىن C بار.
ئىستېمال قىممىتى
   سوغۇقتىن قورساق ئاغرىش، ئاشقازان سۇۋۇپ كۆڭۈل ئاينىش قاتارلىقلارنى ياخشىلاش ئۈنۈمى بار. لېكىن، بەدىنى ئاجىز كىشىلەر خولىنجاننى يالغۇز ئىستېمال قىلىشتىن ساقلىنىش لازىم.