پىننە ئادەتتە تاغ بەدىيانى دەپمۇ ئاتىلىدىغان بولۇپ، تۇرمۇشتا بىر قەدەر كۆپ ئۇچرايدىغان دورا-دەرمەكلەرنىڭ بىرى.
   خەنزۇچە ئاتىلىشى: 藿香
   لاتىنچە ئاتىلىشى: Agastache rugosa(Fisch. et Mey.) o.Ktze.
   باشقىچە ئاتىلىشى: تاغ بەدىيانى
   تەۋەلىكى: ئۆسۈملۈكلەر دۇنياسى—يېپىق ئۇرۇقلۇق ئۆسۈملۈكلەر تىپى—قوش پەللىلىك ئۆسۈملۈكلەر سىنىپى—كالپۇكلۇقلار ئەترىتى—جۇلاغ ئائىلىسى—پىننە ئۇرۇقدىشى

ئۇزۇقلۇق تەركىبى
   ھەر 100 گىرام پىننە تەركىبىدە، تەخمىنەن 72 گىرام سۇ ، 8.6 گىرام ئاقسىل، 1.7 گىرام ياغ، 10 گىرام كاربون سۇ بىرىكمىلىرى، 6.38 مىللىگىرام كاروتىن، 0.1 مىللىگىرام ۋىتامىن B1، 0.38 مىللىگىرام ۋىتامىن B2، 1.2 مىللىگىرام نىكوتىنىك كىسلاتا، 23 مىللىگىرام ۋىتامىن C، 580 مىللىگىرام كالتسىي، 104 مىللىگىرام فوسفور، 28.5 مىللىگىرام تۆمۈر قاتارلىق ماددىلار بار.
ئىستېمال قىممىتى
   ئادەتتە پىننىنىڭ يۇمران غولى ۋە يۇپۇرمىقى ئىستېمال قىلىنىدۇ. پىننىنى سوغۇق سەي تەييارلاپ، قورۇپ، مايدا داغلاپ ئىستېمال قىلىشقا بولىدۇ، شورۋىگۈرۈچ قاينىپ ئىچىشكىمۇ بولىدۇ. لېكىن تۇرمۇشىمىزدا، ئادەتتە كۆپىنچە قوشۇندى ماتېرىيال ئورنىدا ئىشلىتىلىدىغان  بولۇپ، ئۆتنى ساغلاملاشتۇرۇپ ماغدۇر تۇلۇقلاش، ھەزىم قىلىشنى ياخشىلاش، ئاساسى يېمەكلىكنىڭ ئۇزۇقلۇق قىممىتىنى ئاشۇرۇش رولىنى ئوينايدۇ.