تاتلىق ياڭيۇ پىدىگەن ئەترىتى يۆگىمەچ گۈل ئائىلىسىدىكى بىر يىللىق سامان غوللۇق ئۆسۈملۈك بولۇپ، ئادەتتە تۇرمۇشىمىزدا دائىم ئۇچراپ تۇرىدىغان ياڭيۇ تۈرىدىكى كۆكتاتتۇر.
خەنزۇچە ئاتىلىشى:  红薯
لاتىنچە ئاتىلىشى:   lpomoea batatas
تەۋەلىكى: ئۆسۈملۈكلەر دۇنياسى—يېپىق ئۇرۇقلۇق ئۆسۈملۈكلەر تىپى—جۈپ پەللىلىك ئۆسۈملۈكلەر سىنىپى—جۇخار گۈلى كەنجى سىنىپى، پېدىگەن ئەترىتى—يۆگىمەچگۈل ئائىلىسى—يۆگىمەچ گۈل كەنجى ئائىلىسى—بالتىرغان ئۇرۇقدىشى
تارقالغان رايونلىرى:  دۆلىتىمىزنىڭ ھەرقايسى جايلىرى ۋە ئاسىيا، ئامىرىكا، ياۋرۇپا قىتئەلىرىدە يىتىشتۈرۈلىدۇ.

ئۇزۇقلۇق تەركىبى
    تاتلىق ياڭيۇنىڭ سۇ تەركىبى %80-%60 ئەتراپىدا بولۇپ، بۇنىڭدىن باشقا %10-%3 ئەتراپىدا كىراخمال، %5 ئەتراپىدا قەنت ۋە ئاز مىقداردا ئاقسىل، ماي كىسلاتالىرى، تالا ماددىسى، يېرىم تالا ماددىسى، پىكتىن ۋە كۈل ماددىسى قاتارلىقلار بار؛ ئەگەر 2.5 كىلوگىرام تاتلىق ياڭيۇنى 0.5 كىلوگىرام ئاشلىققا سۇندۇرۇپ ھىسابلىساق، ئۇنىڭ ياغدىن باشقا، ئاقسىل كاربون سۇ بىرىكمىلىرى قاتارلىق تەركىبلىرى گۈرۈچ ۋە ئۇنغا قارىغان يۇقىرى كىلىدۇ؛ ئۇنىڭ ئۈستىگە ياتلىق ياڭيۇ تەركىبىدىكى ئاقسىل تەركىبىنىڭ تۈزۈلۈشى بىرقەدەر مۇۋاپىق كەلگەن بولۇپ، ئادەم بەدىنىگە زۈرۈر بولغان ئامىنو كىسلاتا تەركىبى يۇقىرى. بولۇپمۇ دانلىق زىرائەتلەر تەركىبىدە بىرقەدەر كەمچىل بولغان لىسىن كىسلاتا تەركىبى بىرقەدەر يۇقىرى كىلىدۇ. بۇلاردىن باشقا تاتلىق ياڭيۇ تەركىبىدە كاروتىن، ۋىيتامىن E,C,B,A قاتارلىق ۋىيتامىنلار مول بولۇپ، ئۇنىڭ تەركىبىدىكى كىراخمالمۇ ئادەم بەدىنى تەرپىدىن نىسبەتەن ئوڭاي سۈمۈرلىدۇ.