پالەكنىڭ ئۇزۇقلۇق قىممىتى ناھايىتى يۇقىرى، بۇنى سۆزلەپ ئولتۇرمىساقمۇ، كۆپچىلىكنىڭ ھەممىسى بىلىدۇ. بۈگۈن كۆپچىلىككە تۇنۇشتۇرىدىغىنىمىز پالەك قېتىلغان تۇزلۇق قاتلىما؛ بۇ خىل قاتلىما تەملىك بولۇپلا قالماي، بالىڭىز پالەك تەركىبىدىكى مول ئۇزۇقلۇق ماددىلارنى قوبۇل قىلالايدۇ.
كىتەرلىك ماتىريال:
     پالەك(ئەڭ ياخشىسى ياپراقلىرىنى ئىشلىتىڭ)، تۇز، ئۇن، كۆممىقوناق مېيى، سۇ

پالەكنى پاكىزە يۇيغاندىن كىيىن، سۇدا بىر قاينىتىپ ئالىمىز.

     پالەكنى سۇدا قاينىتىپ ئالغاندىن كىيىن، سۈيىنى قۇرۇتۇپ، ئۇششاق چانايمىز؛ ئەگەردە ئىزىش ماشىنىسى بولسا، ئىزىپ پالەك شەربىتى قىلىپ ئىشلەتسەكمۇ بولىدۇ.

چاناپ تەييارلىغان پالەكنى ئۇنغا قوشۇپ خېمىر يۇغۇرىمىز.(خېمىرنى بوشراق يۇغىساق، بالىنىڭ ھەزىم قىلىشىغا ئاسان بولىدۇ)

     پىلاستىر ئىشلىتىپ خېمىرنى ئازراق ۋاقىت يۆگەپ قويۇپ قويىمىز. ئۇندىن كىيىن خېمىرنى ئىككىگە ئايرىپ، نىپىز قىلىپ يېيىۋالىمىز. بۇ ۋاقىتتا چاپلىشىپ قالماسلىق ئۈچۈن، ئۈستىگە ئازراق ئۇن سېپىۋەتسەك بولىدۇ.

يېيىپ بولغاندىن كىيىن، خېمىرنىڭ يۈزىگە بىر قەۋەت كۆممىقوناق مېىيى سۈرۈيمىز.

تەكشى تۇز سېپىمىز

يېيىتىلغان خېمىرنى يۇمىلاق تۈگۈنچەك ھالىتىگە ئەكەلگەندىن كىيىن، ئىككى بېشىدىن ئوتتۇرغا قارىتىپ يۆگەيمىز.

     ھاسىل بولغان ئىككى يۇمىلاق تۈگۈنەكنى ئاستى ئۈستى شەكىلدە قەۋەتلەپ، قولىمىزدا تەكشى باسىمىز، ياكى يايغۇدا يېيىلىتىپ بەرسەكمۇ بولىدۇ، ئىشقىلىپ بەك نىپىز بولۇپ كەتمىسىلا بولىدۇ.

چاپلاشماس قازاننى قىزىتىپ ئۇنىڭغا ئازراق ماي قۇيىمىز، ھەمدە يېيىپ تەييارلىغان خېمىرنى قازانغا سېلىپ داغلايمىز.

داغلاش جەريانىدا كىچىك ئوت ئىشلىتىمىز، ئەگەر كۈيۈپ كىتىشىدىن ئەنسىرسەك، ئۆرىگەن ۋاقىتتا يۈزىگە ئازراق ماي سۈرىۋەتسەك بولىدۇ.

     ئىككى يۈزى ساغىرىپ پىشقىچە داغلايمىز؛ داغلىغان ۋاقىتتا چۈمۈچ بىلەن قاتلىمىنىڭ ئوتتۇرا قىسمىدىن يانغا قارىتىپ يىنىك ئۇرۇپ بەرسەك، قاتلىما ئارىسى قەۋەتلەرگە ئايرىلىپ چىقىدۇ.

پىشقان قاتلىمىنى ئېلىپ، قۇرۇق تاختىدا قويۇپ كىسىپ پارچىلىساقلا ئىستىمال قىلىشقا بولىدۇ.