باھار يىتىپ كىلىشى بىلەن، ھەر خىل كۆكتاتلار بازارغا چىقىشقا باشلىدى؛ شۇڭا ھازىرقىدەك ئالاھىدە مەزگىلدە، يېڭى كۆكتاتلارنى كۆپرەك ئىستېمال قىلىپ، ئىممونت كۈچىمىزنى ئاشۇرۇشقا ئەھمىيەت بىرىشىمىز لازىم. بۈگۈن كۆكچىلىكنىڭ دىققىتىگە، پالەكنىڭ باشقىچە بىر خىل يىيىش ئۇسۇلى—پالەك قاتلىمىسى تونۇشتۇرۇپ ئۆتىمىز. پالەكنىڭ ئۇزۇقلۇق قىممىتى ئىنتايىن يۇقىرى، تەركىبىدە ۋىتامىنلار ۋە تالا ماددىلىرى كۆپ؛ شۇڭا پالەكنى كۆپرەك ئىستېمال قىلغاندا، ئۈچەينىڭ قىمىرلىشىنى ئىلگىرى سۈرۈپ، ئۇرۇقلاشقا پايدىلىق بولىدۇ.

   كىتەرلىك ماتېرىيال: ئۇن، پالەك، تۇخۇم، سەۋزە، پىنتوزا(تاتلىق ياڭيۇ پىنتوزىسى)، تۇز، ئىستېمال مېيى
تەييارلاش ئۇسۇلى
   ئالدى بىلەن پىنتوزىنى سۇغا چىلاپ قويىمىز؛ كەينىدىن داسقا بىر چىنە ئۇن ئېلىپ، بىر قوشۇق تۇز قوشۇپ خېمىر يۇغۇرىمىز؛ خېمىرنى يۇغۇرۇپ بولغاندىن كېيىن، ئۈستىگە يېڭى ساقلاش پىلاستىرى يېپىپ، ئون مىنۇت قويۇپ تىنىتىمىز.

   پالەكنى پاكىزە يۇيۇپ، بۆلەك ھالىتىدە توغرايمىز؛ سەۋزىنى پوستىنى ئاقلىۋىتىپ، ئۇششاق چاناپ توغرايمىز. قازاندا سۇ قاينىتىپ، بىر قوشۇق تۇز ۋە ئازراق ئىستېمال مېيى قۇيۇپ، پالەكنى سېلىپ بىر مىنۇت قاينىتىپ ئالغاندىن كېيىن، سوغۇق سۇدىن ئۆتكۈزۈۋالىمىز. سۇغا چىلاپ يۇمشاتقان پىنتوزىنى ئۇششاق توغراپ داسقا سالىمىز، ئۈستىگە پالەك بىلەن سەۋزىنى قوشۇپ تەكشى ئارىلاشتۇرىمىز؛ كەينىدىن مۇۋاپىق مىقداردا ئىستېمال مېيى ۋە تۇز قوشۇپ داۋاملىق ئارىلاشتۇرىمىز.

   خېمىرنى ئېلىپ، تاختىغا ئازراق ئۇن سېپىۋەتكەندىن كېيىن، خېمىرنى ئوخشاش چوڭلۇقتا بۆلۈپ، قايتا يۇمىلاقلىغاندىن كېيىن، يايغۇ بىلەن يېىپ چوڭراق جىلتە تەييارلايمىز؛ جىلتىنىڭ قېلىنلىقى ۋە چوڭلۇقى جۇۋاۋا جىلتىسى بىلەن ئوخشاش بولسا ياكى چوڭراق بولسا بولىدۇ.

   جىلتىنى تەييارلاپ بولغاندىن كېيىن، مۇۋاپىق مىقداردا قىيما (پالەك، سەۋزە، پىنتوزا) ئېلىپ جىلتىنىڭ ئۈستىگە تەكشى يېيىلتىمىز؛ كەينىدىن قىيمىنىڭ ئوتتۇرا قىسىمىنى ئازراق بوشىتىپ تۇخۇمدىن بىرنى چاقىمىز؛ ئاخىرىدا يەنە بىر جىلتىنى ئۈستىگە يېپىپ، يان گىرۋەكلىرىنى قولىمىزدا بېسىپ ھىمداپ، ئېقىپ چىقىپ كىتىشىنىڭ ئالدىنى ئالىمىز.

   ئاستى تۈز قازاننى قىزىتىپ، ئازراق ماي قۇيۇپ قازاننىڭ تەگ قىسىمىنى مايلايمىز. تەييار قىلغان قاتلىمىنى سېلىپ تۇۋاقنى يېپىپ ئىككى مىنۇت داغلاپ پىشۇرىمىز؛ ۋاقىت توشقاندىن كېيىن، يەنە بىر يۈزىنى ئۆرۈپ يەنە ئىككى مىنۇت داۋاملىق داغلاپ پىشۇرىمىز. ھەر ئىككى يۈزى سارغىيىپ پىشقاندىن كېيىن قازاندىن ئالساق بولىدۇ.