بۇ قاتلىمىنى تېتىپ كۆرسىڭىز، ھەپتىسىگە بىر خالتا ئۇن سېتىۋالىسىز

6 يىل ئىلگىرى تەمزاتبەگ 74867:ئادەم ئۆگەندى

بۈگۈن كۆپچىلىكنىڭ دىققىتىگە، تېتىملىق قاتلىما سېلىش ئۇسۇلىنى تۇنۇشتۇرۇپ ئۆتىمىز.

سىرتقى چۈرۈك ئىچى يۇمشاق پىشىدۇ، سۇۋۇپ قالسىمۇ قېتىۋالمايدۇ.

تەييارلىغان ئۇننى ئىككىگە ئايرىپ، يېرىمىنى يىڭى قاينىغان قايناقسۇدا يۇغىرىمىز؛ يەنى، بىر تەرەپتىن قايناقسۇنى قۇيغاچ، بىر تەرەپتىن چوكىدا ئىلەشتۈرىمىز. قالغان يېرىمىنى ئوخشاش ئۇسۇلدا سۇغۇق سۇدا ئىلەشتۈرىمىز.

قۇرۇق ئۇن قالمىغان ھالەتكە كەلگەندە، قولىمىزدا ئەيلەپ خېمىر قىلىشقا باشلايمىز.

خېمىر تەييار بولغاندىن كىيىن، بىر چەتكە ئېلىپ قويۇپ تۇرىمىز.

مايلىق شىرە تەييارلايمىز؛ چىنىگە ئازراق ئۇن ئېلىپ، قازاندا مۇۋاپىق مىقداردا خاسىڭ مېيى قىزىتىپ، قىزىق ماينى ئۇننىڭ ئۈستىگە قۇيۇپ تەكشى ئارىلاشتۇرىمىز.

خېمىرنى ئوخشاش چوڭلۇقتا نەچچىگە بۆلگەندىن كىيىن، يايغۇ بىلەن يېيىپ نىپىز چوڭ جىلتە ئاچىمىز؛ جىلتە ئۈستىگە ئالدىدا تەييار قىلغان مايلىق شىرىدىن ئازراق تۆكۈپ، جىلتە يۈزىگە تەكشى سۈرۈيمىز.

كەينىدىن ئۈستىگە بىر قەۋەت تۇز ۋە ئۇششاق توغرالغان غولپىياز مايسىسى سېپىمىز.

جىلتىنى يۇمىلاقلاپ يۆگىگەندىن كىيىن، ئۇنى يەنە چۆگىلىتىپ يۆگەپ بۇرمىسىمان ھالەتكە ئەكىلىمىز.

بۇرمىسىمان ھالەتكە ئەكەلگەن جىلتىنى يايغۇدا ياكى قولىمىزدا بېسىپ قاتلىما شەكلىگە ئەكىلىۋالىمىز.

ئاستى تۈز قازاننى ئېسىپ، ئازراق ماي قۇيۇپ مايلاپ قىزىتىمىز(ماي بەك كۆپ بولۇپ كەتمەسلىكى كىرەك)؛ قاتلىمىنى سېلىپ، ھەر ئىككى تەرىپى سارغىيىپ پىشقىچىلىك داغلاپ پىشۇرىمىز.

قاتلىمىنى ئىسسىقىدا يىسەك تەمى ئەڭ ياخشى بولىدۇ؛ بىراق، سۇۋۇپ قالسىمۇ ئاسانلىقچە قېتىۋالمايدۇ.

ئائىلىدە قىيقچا تەييارلاش

كىچىك ئەشمە قۇيماق

كىچىك موما پىچىنە

ئالمۇتا گۈل قىيىقچا

لىمون تورت تەييارلاش

ياڭاقچە