ھازىر چوكا پۇرچاق، يەنى جاڭدۇ ئىستىمال قىلىدىغان مەزگىل. بۈگۈن كۆپچىلىكنىڭ دىققىتىگە، جاڭدۇنىڭ باشقىچە بىر خىل ئسىتىمال ئۇسۇلىنى تۇنۇشتۇرۇپ ئۆتىمىز. بۇ خىل ئۇسۇلدا، ئاددىيغىنا دۈملەش ئۇسۇلى ئارقىلىق، ئۇزۇقلۇقى مول ھەم تەملىك، ياز كۈنلىرى ئىستىمال قىلىشقا ماس كىلىدىغان بىر خىل تائام تەييارلاشقا بولىدۇ.

كىتەرلىك ماتىريال
   جاڭدۇ، تۇخۇم
خۇرۇچ ماتىريالى
    تۇز ئىككى گىرام، قىزىلمۇچ مېيى ئون گىرام، ئاچچىقسۇ ئون گىرام، شىڭچوۋ جىياڭيۇسى 20گىرام، كۈنجۈت مېيى 10گىرام، قارىمۇچ ئىككى گىرام، قوناق ئۇنى كىراخمالى 20گىرام، ئۇن، ئاق شىكەر، سامساق، ئۇچلۇق قىزىل لازا

 

 

    جاڭدۇنى يۇيۇپ پاكىزلىغاندىن كىيىن، ئۇششاق چانايمىز؛ چانالغان جاڭدۇنى بىر قاچىغا سېلىپ، ئۈستىگە تۇخۇمدىن ئىككىنى چاقىمىز، كەينىدىن ئۈستىگە بىر قوشۇق تۇز، بىر قوشۇق قارىمۇچ سېلىپ قوچۇپ، تۇخۇمنى تەكشى ئارىلاشتۇرىمىز.

    ئۈستىگە يەنە ئىككى قوشۇق قوناق كىراخمالى قوشۇپ تەكشى ئارىلاشتۇرغاندىن كىيىن، نەچچە قېتىمغا بۆلۈپ مۇۋاپىق مىقداردا ئۇن قوشۇپ، سىقىپ كۇمىلاچ قىلغىلى بولىدىغان ھالەتكە ئەكىلىمىز.

    قولىمىزدا سىقىپ كۇمىلاچ قىلىۋالىمىز.

    كۇمىلاچ سىقىپ بولغاندىن كىيىن، كۇمىلاچ قاچىلانغان تەخسىنى دۈملەش قازىنىغا سېلىپ، 15-10مىنۇت ئەتراپىدا دۈملەيمىز.

    كۇمىلاچ دۈملىنىپ بولغىچىلىك، بىز قىيام تەييارلىۋالىمىز؛ بىر چىنىگە سامساق چانالمىسى ۋە ئۇچلۇق لازىنى سېلىپ، ئۈستىگە بىر چۆمۈچ قىزىتىلغان ماي قۇيۇپ تەمىنى چىقىرىمىز.

    كەينىدىن ئۈستىگە ئىككى قوشۇق شىڭچوۋ جىياڭيۇسى، بىر قوشۇق ئاچچىقسۇ، بىر قوشۇق قىزىلمۇچ مېيى، بىر قوشۇق كۈنجۈت مېيى، ئازراق ئاچچىقسۇ ۋە تۇز قوشۇپ، چوكا بىلەن تەكشى ئارىلاشتۇرىمىز.

    كومىلاچ دۈملىنىپ بولغاندىن كىيىن، سۇۋۇپ بولغۇچە بولغان ئارىلىقتا، تەييارلىغان قىيامنى ئۈستىگە تۆكسەك، يىيىشكە باشلىساق بولىدۇ.