كىچىك ۋاقتىمىزدا يەيدىغان، سىرتقى ئورالمىسىدا كىچىك ئېيىقچاقنىڭ سۈرىتى بار بۈدۈر چاچقا ئوخشاپ كىتىدىغان ئۇششاق يىمەكلىك ئىسىڭىزدە بارمۇ؟ ھېلىقى چۈرۈك تەم، ھازىرغىچە مىنىڭ ئىسىمدە. بۇنداق ئىسىمىزدىن چىقمايدىغان ئۇششاق يىمەكلىكنى، بۈگۈن ئۆزىمىز بىر تەييارلاپ سىناپ باقايلى!

كىتەرلىك ماتىريال
    گومەن(挂面)، مۇچ سوقمىسى، تۇز، شىكەر، غولپىياز مايسىسى، يىمەكلىك مېيى
 

تەييارلاش ئۇسۇلى
 

    بىر قازان سۇ قاينىتىپ گومەننى سالغاندىن كىيىن، گومەن پىشقىچىلىك قايتا-قايتىلاپ سۇغۇق سۇ قوشۇپ تۇرىمىز.

    گومەن پىشقاندىن كىيىن سۈزۈپ ئېلىپ، سۇغۇق سۇدا بىر چايقىۋالىمىز.

    سۈيىنى ساقىتىپ قۇرۇتقاندىن كىيىن، چوڭراق بىر قاچىغا سېلىپ، ئۈستىگە بىر قوشۇق قىزىلمۇچ سوقمىسى، بىر قوشۇق تۇز، بىر قوشۇق شىكەر، ئازراق غولپىياز مايسىسى چانالمىسى قوشۇپ، تەكشى ئارىلاشتۇرىمىز.

    ئاستى تۈز قازانغا كۆپرەك ماي قۇيۇپ، چۆپنى سالىمىز؛ تۈز يېيىلتقاندىن كىيىن، چۈمۈچ بىلەن بېسىپ، كىچىك ئوتتا ئاستاغىنا داغلايمىز.

   ئاستى تەرەپ سارغايغاندىن كىيىن، يەنە بىر تەرىپىنى ئۆرۈپ، سارغايغىچىلىك داغلايمىز؛ بۇ باسقۇچ بىزدىن ئازراق سەۋرچانلىق تەلەپ قىلىدۇ.