يېقىندا، تۇيۇقسىز كاللامدىن غەلىتە بىر خىيال كىچىپ، ياڭيۇ ئەزمىسى ۋە مىفەننىڭ ئارىلاشمىسىنى خېمىرنىڭ ئورنىغا ئالماشتۇرۇپ پىسا قاتلىمىسى تەييارلاپ سىناپ باقتىم؛ ئويلىمىغان يەردىن ناھايىتى يىيىشلىك چىقىپ قالدى.
    بۇ خىل پىسا قاتلىمىسى نەچچە قەۋەت بولۇپ، ئەڭ تۆۋەن قېتى ياڭيۇ ئەزمىسى ۋە مىفەن، ئۈستۈنكى قەۋىتى بولسا كۆكتاتلار؛ ئۈستىدىكى كۆكتاتلارغا قارىتا، مەن موگو، پەمىدۇر، كۆكمۈچ ۋە قىزىلمۇچلارنى قوشۇپ تەييارلىغان. بۈگۈن بۇ پىسا قاتلىمىسىنىڭ تەييارلاش ئۇسۇلىنى كۆپچىلىككە تۇنۇشتۇرۇپ ئۆتمەكچى، كۆپچىلىكنىڭ ياقتۇرۇشىنى ئۈمىد قىلىمەن.

كىتەرلىك ماتىريال
     ياڭيۇ، مىفەن، موگو، پەمىدۇر، كۆكمۇچ، قىزىلمۇچ
خۇرۇچ ماتىريالى
     چېسسي پارچىسى(芝士碎)، پەمىدۇر قىيامى

 

 

    ياڭيۇنى پارچە قىلىپ توغرىغاندىن كىيىن، قازانغا سېلىپ 20مىنۇت ئەتراپىدا دۈملەپ پىشۇرىمىز؛

    ياڭيۇ دۈملىنىپ بولغۇچە بولغان ئارىلىقتا، موگونى پارچە ھالىتىدە توغرايمىز، پەمىدۇرنى ئوتتۇردىن ئىككى پارچە قىلىپلا توغرايمىز،  قىزىلمۇچ ۋە كۆكمۇچنى بولسا يۇمىلاق چەمبەر ھالىتىدە توغرىۋالىمىز.

    ياڭيۇ دۈملىنىپ بولغاندىن كىيىن ئۇنى قاچىغا سېلىپ ئىزىپ خېمىر ھالىتىگە ئەكىلىمىز؛

    مىفەننى ئىزىپ تەييارلىغان ياڭيۇ "خېمىرى" ئۈستىگە مىفەننى ۋە يېرىم قۇشۇق تۇزنى قوشقاندىن كىيىن، تەكشى ئارىلاشتۇرىمىز.

   ئاستى تۈز چاپلاشماس قازانغا ئازراق ماي قۇيۇپ، تىگىگە بىر قەۋەت ماي يالىتىمىز؛ ئوتنى ئاچماي تۇرۇپ ئالدى بىلەن ياڭيۇ ئەزمىسى ۋە مىفەن ئارىلاشمىسىنى قازانغا قۇيۇپ، بېسىپ يۈزىنى تەكشى قىلىمىز.(ئىمكان قەدەر نىپىزراق ياكى كىچكرەك قىلىڭ، بۇنىڭدا ئالمىقىڭىز ئاسانغا توختايدۇ)

    يۈز قىسىمىنى ئىزىپ تەكشىلەپ بولغاندىن كىيىن، ئۈستىگە بىر قەۋەت پەمىدۇر قىيامى يېيىلتىمىز.

    كەينىدىن توغراپ تەييار قىلغان موگو، پەمىدۇر، كۆكمۇچ ۋە قىزىلمۇچلارنى تىزىپ چىقىمىز.

    ئوتتۇرا كىچىك دەرىجىلىك ئوتتا تۇۋاقنى يېپىپ قويۇپ 10-8مىنۇت ئەتراپىدا دۈملەپ، تىگىدىكى ياڭيۇ ئەزمىسى ۋە مىفەن ئارىلاشمىسىنى قاتۇرىمىز ھەمدە يۈز قىسىمىدىكى كۆكتاتلارنى پىشۇرىمىز.

    تۇۋاقنى ئېچىپ ئۈستىگە ئازراق مارىلا چېسسي پارچىسى (芝士碎) سېپىۋەتكەندىن كىيىن، تۇۋاقنى يېپىپ، يەنە 10-5مىنۇت دۈملەپ، چېسسي پارچىسىنى ئىرىتىۋىتىمىز.

    دۈملەپ، يان تەرەپلىرى سارغۇچ كۈيۈك رەڭگىگە ئۆزگىرىپ، ياڭيۇ ئەزمىسى ۋە مىفەن ئارىلاشمىسى قېتىپ مۇقىملاشقان ۋاقىتتا قاچىغا ئالسىڭىز بولىدۇ.