ياشانغانلار يالغۇز تۇرىدىغان بولۇپ قالسا، ئۇلاردا ئاسانلا غېرىپلىق پىسخىكىسى شەكىللىنىپ قالىدۇ؛ شۇڭا ئۇلار بەزىبىر ئۇسۇللار ئارقىلىق، ئۆزىنىڭ ناچار روھى ھالىتىنى تەڭشەشكە مۇھتاج بولىدۇ، بۇنىڭدا ئۇلار ئۆمرىنىڭ ئاخىرىنى تېخىمۇ بەختلىك ھەم خۇشال ئۆتكۈزەلەيدۇ.
فىزىلوگىيلىك تەڭشەش
   ئۆي ئىشلىرىنى قىلىشنى ئۆگىنىش، تۇرمۇش كەچۈرۈشنىڭ ئېھتىياجى بولۇپلا قالماي، يەنە ئۆزىمىزنىڭ تۇرمۇشقا بولغان ئىشەنچىسىنى كۈچەيتىپ، تۇرمۇشىمىزنى تېخىمۇ ئەھمىيەتلىك قىلىدۇ.

بىخەتەرلىك
   يالغۇز تۇرىدىغان ياشانغان كىشىلەر، بىخەتەرلىككە ئالاھىدە دىققەت قىلىشى لازىم. ئالدى بىلەن، ئالدىنىپ قېلىشتىن ساقلىنىش؛ ئەگەر بىرەرسى ئىشىك چىكىپ قالسا، ئىشىكنى ئېچىشقا ئالدىرىماي، كىم ئىكەنلىكىنى ئېنىق سوراپ بىلگەندىن كېيىن ئاندىن ئېچىش كېرەك. سىرتقا چىققاندا ئېھتىياتچان بولۇپ، ناتونۇش كىشىلەرنىڭ گەپلىرىگە ئالدىراپ ئىشىنىپ كەتمەسلىكىمىز، ئۆزىمىزنىڭ پۇل-ماللىرىنى ياخشى ساقلىشىمىز لازىم. ئىككىنچىدىن، ئوت كېتىشنىڭ ئالدىنى ئېلىش. گاز ئوچاقنى ئىشلەتمەيدىغان ۋاقىتتا، گاز كەيگۈەننى ئېتىۋىتىش، ئائىلە ئېلىكتىر سايمانلىرىنى ئىشلەتمەيدىغان ۋاقىتتا، توك مەنبەسىدىن ئۈزىۋىتىش كېرەك. ئۈچىنچىدىن، ياشانغانلار يېقىلىپ چۈشۈشنىڭ ئالدىنى ئېلىش لازىم. ياشانغانلارنىڭ كۆرۈش قۇۋۋىتى ئاجىز، ھەرىكىتى ئاستا كېلىدۇ، شۇڭا يېقىلىپ چۈشۈشتىن ساقلىنىش كېرەك؛ ئەگەر ئېھتىيات قىلماي يېقلىپ چۈشۈش سەۋەبلىك مېڭىگە قان چۈشۈش، ھوشىدىن كېتىش قاتارلىق ئەھۋاللار كۆرۈلۈپ قالسا، ئاقىۋىتىنى تەسەۋۋۇر قىلغىلى بولمايدۇ.