1. ئەستە ساقلاش ئىقتىدارى كۈنبويى ئاجىزلىشىپ، كۈندىلىك تۇرمۇشىغا تەسىر يەتكۈزۈش.
   2. ئەسلىدە تونۇش بولغان ئىشلارنى بىتەرەپ قىلىشتا قىيىنچىلىق كۆرۈلۈش. مەسىلەن، كىيىم كىيىش رەت تەرتىپىنى بىلەلمەي قېلىش، تاماق ئېتىشنى ئۇنتۇپ قېلىش دېگەنلەرگە ئوخشاش.
   3. تىل ئىپادىلەش ئىقتىدارىدا قىيىنچىلىق كۆرۈلۈش. مەسىلەن، ئاددىي سۆزلۈكلەرنى ئۇنتۇپ قېلىش، گەپ قىلىۋىتىپ گەپتىن ئېزىپ كېتىش دېگەنلەرگە ئوخشاش.
   4. ۋاقىت، ئورۇن ۋە كىشى ناملىرىنى ئالماشتۇرۇپ قويىدىغان بولۇپ قېلىش.
   5. ھۆكۈم قىلىش كۈچى بارغانسېرى تۆۋەنلەپ كېتىش. مەسىلەن، ياز كۈنى قېلىن چاپان كىيىۋىلىش، قىش كۈنى بولسا نىپىز كۆينەك كىيىۋىلىش قاتارلىقلار.
   6. چۈشىنىش ئىقتىدارى ۋە ئىشلارنى مۇۋاپىق ئورۇنلاشتۇرۇش ئىقتىدارى تۆۋەنلەپ كېتىش. مەسىلەن، باشقىلارنىڭ تەپەككۇر سۈرئىتىگە ئەگىشىپ بولالماسلىق، ھەر خىل تۆلەشكە تىگىشلىك ھەقلەرنى ۋاقتىدا تۆلەشنى ئۇنتۇپ قېلىش دېگەنلەرگە ئوخشاش.
   7. ھەمىشە نەرسىلەرنى نامۇۋاپىق ئورۇندا قالايمىقان قويۇش. مەسىلەن، دەسمالنى توڭلاتقۇغا سېلىپ قويۇش دېگەنگە ئوخشاش.
   8. كەيپىيات ئىپادىسى بىنورماللىشىش ۋە ھەرىكەت قىلمىشلىرى ئىلگىرىكىگە قارىغاندا بىنورمال بولۇپ قېلىش. مەسىلەن، تۇرۇپ تۇرۇپ سەۋەبسىز ئاچچىقلىنىدىغان بولۇپ قېلىش.
   9. مىجەزىدە ئۆزگىرىش كۆرۈلۈش. مەسىلەن، گۇمانخور، تەشۋىشلىنىدىغان ياكى تىرىككەك بولۇپ قېلىش.
   10. ئىش قىلىشتىكى تەشەببۇسكارلىقى ۋە ئاكتىپلىقىنى يوقىتىپ قويۇش. مەسىلەن، كۈن بويى بىكارچىلىقتا تېلىۋىزور ئالدىدا ۋاقىت ئۆتكۈزۈپ، ئىلگىرىكى قىزىقىشلىرىنى پۈتۈنلەي ئۇنتۇپ كېتىش.    ئەگەر يۇقارقى ئالامەتلەر كۆرۈلسە، ئۇنداقتا تېز سۈرئەتتە دوختۇرخانىغا بېرىپ تەكشۈرتۈش لازىم.